പൊലീസ് അസോസിയേഷൻ: പ്രസിഡന്റ് ആർ. പ്രശാന്ത്, ജന.സെക്രട്ടറി സി.ആർ ബിജു

തിരുവനന്തപുരം: കേരള പൊലീസ് ഓഫീസേഴ്സ് അസോസിയേഷൻ സംസ്ഥാന പ്രസിഡന്റായി ആർ. പ്രശാന്തിനേയും ജനറൽ സെക്രട്ടറിയായി സി.ആർ ബിജുവിനേയും വീണ്ടും തെരഞ്ഞെടുത്തു.

അസോസിയേഷന്റെ 2023 - 2025 വർഷത്തേക്കുള്ള സംസ്ഥാന ഭാരവാഹി തെരഞ്ഞെടുപ്പ് ഇന്ന് തിരുവനന്തപുരത്ത് നടന്നു. ട്രഷറർ കെ.എസ് ഔസേപ്പ് (ഇടുക്കി), വൈസ് പ്രസിഡന്റുമാർ പ്രേംജി. കെ. നായർ (കോട്ടയം), കെ.ആർ ഷെമി മോൾ ( പത്തനംതിട്ട) വി. ഷാജി (എം.എസ്.പി -മലപ്പുറം), ജോയിന്റ് സെക്രട്ടറിമാർ വി. ചന്ദ്രശേഖരൻ (തിരുവനന്തപുരം സിറ്റി), പി. രമേശൻ ( കണ്ണൂർ റൂറൽ), പി.പി മഹേഷ്(കാസർകോട്) എന്നിവരെയും തെരഞ്ഞെടുത്തു.

ഇന്ന് രാവിലെ തിരുവനന്തപുരം പൊലീസ് ട്രയിനിങ് കോളജിൽ വെച്ച് നടന്ന തെരഞ്ഞെടുപ്പിൽ തിരുവനന്തപുരം സിറ്റി ജില്ലാ സെക്രട്ടറി എസ്.എസ് ജയകുമാർ വരണാധികാരി ആയിരുന്നു.