പുഴയിൽ വിഷംകലർത്തി മീൻപിടിത്തം; സംഘത്തെ നാട്ടുകാർ പിടികൂടി

മൂ​വാ​റ്റു​പു​ഴ: പു​ഴ​യി​ൽ വി​ഷം ക​ല​ർ​ത്തി മീ​ൻ പി​ടി​ച്ചു​വ​ന്ന നാ​ടോ​ടി സം​ഘ​ത്തെ നാ​ട്ടു​കാ​ർ പി​ടി​കൂ​ടി പൊ​ലീ​സി​ൽ ഏ​ൽ​പി​ച്ചു. എ​ന്നാ​ൽ, ഇ​വ​രെ പൊ​ലീ​സ് ന​ട​പ​ടി സ്വീ​ക​രി​ക്കാ​തെ വി​ട്ട​യ​ച്ചു. ക​ടാ​തി മു​റി​ക്ക​ല്ലി​ന് സ​മീ​പം മൂ​വാ​റ്റു​പു​ഴ​യാ​റ്റി​ലാ​ണ് രാ​സ​വ​സ്തു​ക്ക​ൾ ക​ല​ർ​ത്തി നാ​ലം​ഗ സം​ഘം മീ​ൻ പി​ടി​ച്ച​ത്.

വ്യാ​ഴാ​ഴ്ച രാ​വി​ലെ​യാ​യി​രു​ന്നു സം​ഭ​വം. സം​ഭ​വം ക​ണ്ട നാ​ട്ടു​കാ​ർ അ​റി​യി​ച്ച​തി​നെ​ത്തു​ട​ർ​ന്ന് സ്ഥ​ല​ത്തെ​ത്തി​യ പൊ​ലീ​സ് ഇ​വ​രെ ക​സ്​​റ്റ​ഡി​യി​ലെ​ടു​ത്തു. കു​ട്ട​വ​ഞ്ചി​ക​ളും വ​ല​യു​മാ​യി എ​ത്തു​ന്ന സം​ഘം മീ​ൻ പി​ടി​ക്കേ​ണ്ട ഭാ​ഗ​ത്ത് ന​ഞ്ച് ക​ല​ക്കു​ക​യാ​ണ് പ​തി​വ്. ച​ത്തു​പൊ​ങ്ങു​ന്ന മീ​നു​ക​ളെ വ​ഞ്ചി​യി​ൽ തു​ഴ​ഞ്ഞ് വ​ല​യി​ൽ ശേ​ഖ​രി​ക്കും.

വ​ലി​യ മീ​നു​ക​ളെ മാ​ത്രം ശേ​ഖ​രി​ച്ച് ബാ​ക്കി​യു​ള്ള​തി​നെ ആ​റ്റി​ൽ ഉ​പേ​ക്ഷി​ച്ചാ​ണ് സം​ഘം മ​ട​ങ്ങു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ലും പു​ഴ​യു​ടെ വി​വി​ധ ഭാ​ഗ​ങ്ങ​ളി​ൽ നാ​ടോ​ടി​സം​ഘം ഇ​ത്ത​ര​ത്തി​ൽ മീ​ൻ​പി​ടി​ത്തം ന​ട​ത്തി​യി​രു​ന്നു. ഓ​രോ ദി​വ​സ​വും മീ​ൻ​പി​ടി​ക്കു​ന്ന സ്ഥ​ലം മാ​റി​ക്കൊ​ണ്ടി​രി​ക്കു​ന്ന​തി​നാ​ൽ ഇ​വ​രെ ക​ണ്ടെ​ത്തു​ക എ​ളു​പ്പ​മ​ല്ല. ജ​ന​ത്തി​ര​ക്കി​ല്ലാ​ത്ത സ്ഥ​ല​ങ്ങ​ൾ ക​ണ്ടെ​ത്തി പു​ല​ർ​ച്ച​യാ​ണ് സം​ഘം മീ​ൻ​പി​ടി​ക്കാ​ൻ എ​ത്തു​ന്ന​ത്.

കീ​ട​നാ​ശി​നി​യും തു​രി​ശും മ​ണ്ണെ​ണ്ണ​യും ക​ല​ർ​ന്ന മി​ശ്രി​ത​മാ​ണ് വെ​ള്ള​ത്തി​ൽ ക​ല​ർ​ത്തു​ന്ന​ത്. അ​ധി​കം താ​മ​സി​യാ​തെ മ​ത്സ്യ​ങ്ങ​ളു​ടെ കാ​ഴ്ച ന​ഷ്​​ട​പ്പെ​ടു​മെ​ന്നും ക​ണ്ണ്​ ചു​വ​ന്നു​പൊ​ട്ടു​മെ​ന്നും പ​റ​യു​ന്നു. ഇ​വ​യെ വ​ഞ്ചി തു​ഴ​ഞ്ഞ്​ വ​ല​യി​ലാ​ക്കാ​ൻ എ​ളു​പ്പ​മാ​ണ്. എ​ന്നാ​ൽ, വി​ഷം ക​ല​ർ​ത്തി​യ​ല്ല, ഉ​ട​ക്ക് വ​ല ഉ​പ​യോ​ഗി​ച്ചാ​ണ് സം​ഘം മീ​ൻ പി​ടി​ച്ച​തെ​ന്ന് പൊ​ലീ​സ് പ​റ​ഞ്ഞു. ഇ​തു​കൊ​ണ്ടാ​ണ് ന​ട​പ​ടി സ്വീ​ക​രി​ക്കാ​തെ വി​ട്ട​യ​ച്ച​തെ​ന്നും പൊ​ലീ​സ് പ​റ​ഞ്ഞു.