‘കോഴിക്ക് മുട്ടയിടാൻ തോന്നിയാൽ എവിടെയും മുട്ടയിടും, എനിക്ക് കവിത എഴുതാൻ തോന്നിയാൽ ഏത് ആൾക്കൂട്ടത്തിലാണെങ്കിലും എഴുതും’ -മുഖ്യമന്ത്രിക്ക് വാഴ്ത്തുപാട്ടെഴുതിയ കവി ചിത്രസേനൻ

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​ന്‌ വാ​ഴ്‌​ത്തു​പാ​ട്ടെഴുതിയത് സംബന്ധിച്ച് വിശദീകരണവുമായി കവി. മാധ്യമങ്ങളടക്കം എല്ലാവരും സഖാവിനെ തള്ളിപ്പറഞ്ഞപ്പോൾ ആരെങ്കിലും ഒരാൾ പുകഴ്ത്താൻ വേണ്ടേ എന്നത് കൊണ്ടാണ് ഇത് രചിച്ചതെന്ന് കവി പൂവത്തൂർ ചിത്രസേനൻ പറഞ്ഞു. ‘സെ​ക്ര​ട്ടേ​റി​യ​റ്റ് എം​പ്ലോ​യീ​സ് അ​സോ​സി​യേ​ഷ​ന്‍ പ്രസിഡന്റ് പി. ഹണിയാണ് ഇതെഴുതാൻ ആവശ്യപ്പെട്ടത്. മൂന്നുമണിക്കൂർ കൊണ്ടാണ് എഴുതിയത്. വെള്ളത്തിലെ തിര കണക്കെ വരികൾ ഇങ്ങനെ വരികയായിരുന്നു. ഒരു കോഴിക്ക് മുട്ടയിടണമെന്ന് തോന്നിയാൽ അത് എവിടെയെങ്കിലും പോയി മുട്ടയിടും. അതുപോലെ എനിക്ക് കവിത എഴുത​ണമെന്ന് തോന്നിയാൽ ഏത് ആൾക്കൂട്ടത്തിൽ വെച്ചാണെങ്കിലും അതെഴുതും’ -പൊതുഭരണ വകുപ്പിൽ ക്ലറിക്കൽ അസിസ്റ്റന്റായി വിരമിച്ച ചിത്രസേനൻ മാധ്യമങ്ങളോട് പറഞ്ഞു.

മുഖ്യമന്ത്രി പാട്ടി​നെ അഭിനന്ദിച്ചത് തനിക്ക് കിട്ടിയ ഏറ്റവും വലിയ അവാർഡാണെന്നും അദ്ദേഹം പറഞ്ഞു. ഈ പാട്ട് മുഖ്യമന്ത്രിയെ പാടികേൾപ്പിക്കണം എന്ന് ആഗ്രഹം ഉണ്ട്. പക്ഷേ, അതിന് നമ്മൾ മാത്രം വിചാരിച്ചാൽ പോരല്ലോ എന്നും ചിത്രസേനൻ പറഞ്ഞു. ‘പാട്ട് ഹിറ്റാവാൻ കാരണം, അത് ജീവിതമാണ്. മനുഷ്യരെ ഒരു ഭരണാധികാരി എങ്ങനെ സംരക്ഷിച്ചുനിർത്തണം എന്നതിന് മാതൃക കാണിക്കുന്ന ഭരണാധികാരിയെ പറ്റി എഴുതുക മാത്രമാണ് ഞാൻ ചെയ്തത്. ആദ്യം കേകാവൃത്തത്തിൽ എഴുതി. അതിന് ഉയിര് പോരെന്ന് തോന്നി. അപ്പോൾ മാറ്റിയെഴുതി. ഇപ്പോൾ അതിന്റെ ഉയിര് വർധിച്ചുകൊണ്ടിരിക്കുകയാണ്. പിണറായി സഖാവ് കൂടി ഇതേക്കുറിച്ച് പറഞ്ഞു. എല്ലാവരും സഖാവിനെ തള്ളിപ്പറഞ്ഞപ്പോൾ ആരെങ്കിലും ഒരാൾ പുകഴ്ത്താൻ വേണ്ടേ? പാട്ടി​നെ മുഖ്യമന്ത്രി അഭിനന്ദിച്ചത് എനിക്ക് കിട്ടിയ ഏറ്റവും വലിയ അവാർഡാണ്. ഒരുചിത്രത്തിലെന്ന പോലെ പിണറായിയുടെ ഭരണം ജനം കണ്ടു​കൊണ്ടിരിക്കുകയല്ലേ? ജനങ്ങളുടെ ഇല്ലായ്മകളും വല്ലായ്മകളും എന്തെന്ന് മനസ്സിലാക്കി അവരെ സഹായിക്കുന്ന ഭരണാധികാരി വേറെ ആരുണ്ടായിട്ടുണ്ട്. നല്ലൊരു വ്യക്തിയെ പുകഴ്ത്തുന്നതിൽ എന്താണ് പ്രശ്നം? എന്തിനാണ് വിമർശിക്കുന്നത്? കാലവർഷക്കെടുതിയിൽ ദുരിതമനുഭവിച്ചവരെ പാർട്ടി നോക്കിയാണോ പിണറായി സഖാവ് സഹായിച്ചത്? അല്ലല്ലോ? മുഖ്യമന്ത്രിയെന്നത് നമ്മുടെ കാരണവരാണ്, സംരക്ഷകനാണ്.. ’ -അദ്ദേഹം പറഞ്ഞു.

അതിനിടെ, പൊതുഭരണ വകുപ്പിൽ ക്ലറിക്കൽ അസിസ്റ്റന്റായി വിരമിച്ച ചിത്രസേനനെ ധനമന്ത്രിയുടെ ഓഫിസിൽ സ്​പെഷൽ മെസഞ്ചറായി ദിവസ വേതനാടിസ്ഥത്തിൽ പുനർനിയമനം നൽകിയത് വിവാദമായിട്ടുണ്ട്.

സെ​ക്ര​ട്ടേ​റി​യ​റ്റി​ലെ ഭ​ര​ണ​പ​ക്ഷാ​നു​കൂ​ല സം​ഘ​ട​ന​യാ​യ സെ​ക്ര​ട്ടേ​റി​യ​റ്റ് എം​പ്ലോ​യീ​സ് അ​സോ​സി​യേ​ഷ​ന്‍ സു​വ​ര്‍ണ ജൂ​ബി​ലി മ​ന്ദി​ര​ത്തി​ന്‍റെ ഉ​ദ്ഘാ​ട​ന ച​ട​ങ്ങി​നാ​യാ​ണ് ഗാ​നം ഒരുക്കി​യ​ത്. മു​ഖ്യ​മ​ന്ത്രി​യെ ‘ചെ​മ്പ​ട​യു​ടെ കാ​വ​ലാ​ളാ’​യും പ​ട​യു​ടെ ന​ടു​വി​ൽ പ​ട​നാ​യ​ക​നാ’​യും ‘ഫി​നി​ക്‌​സ്‌ പ​ക്ഷി’​യാ​യു​മാ​യാ​ണ്‌ വി​ശേ​ഷി​പ്പി​ക്കു​ന്ന​ത്‌. ‘കാ​വ​ലാ​ള്‍’ എ​ന്ന ത​ല​ക്കെ​ട്ടി​ൽ ചത്രസേനൻ ഒ​രു​ക്കി​യ വ​രി​ക​ൾ​ക്ക്‌ സം​ഗീ​തം ന​ൽ​കി​യ​ത്‌ നി​യ​മ വ​കു​പ്പ് ജീ​വ​ന​ക്കാ​ര​നാ​ണ്. ഇന്ന് ന​ട​ക്കു​ന്ന ഉ​ദ്‌​ഘാ​ട​ന ച​ട​ങ്ങി​ൽ മു​ഖ്യ​മ​ന്ത്രി​യെ വേ​ദി​യി​ലി​രു​ത്തി നൂ​റ്​ വ​നി​ത ജീ​വ​ന​ക്കാ​ർ പാടാനായിരുന്നു തീരുമാനിച്ചിരുന്നത്. എന്നാൽ, വാഴ്ത്തുപാട്ട് വിവാദമായതോടെ ഇതിന് മാറ്റം വരുത്തി, മുഖ്യമന്ത്രി ഇല്ലാത്ത സമയത്ത് പാടാനാണ് പുതിയ നീക്കം.

അ​സോ​സി​യേ​ഷ​നി​ല്‍ മു​ഖ്യ​മ​ന്ത്രി​യു​ടെ പി​ന്തു​ണ​യു​ള്ള പ്ര​സി​ഡ​ന്‍റ് ഹ​ണി​യു​ടെ നേ​തൃ​ത്വ​ത്തി​ലാ​ണ് സു​വ​ര്‍ണ ജൂ​ബി​ലി മ​ന്ദി​ര​ത്തി​ന്‍റെ ഉ​ദ്ഘാ​ട​നം ന​ട​ത്തു​ന്ന​ത്. മൂ​ന്നു​വ​ര്‍ഷം മു​മ്പ് സി.​പി.​എം ജി​ല്ല സ​മ്മേ​ള​ന​ത്തി​ന്‍റെ ഭാ​ഗ​മാ​യി തി​രു​വ​ന​ന്ത​പു​ര​ത്ത് പാറശ്ശാ​ല​യി​ൽ പി​ണ​റാ​യി സ്തു​തി​യു​മാ​യി മെ​ഗാ തി​രു​വാ​തി​ര അ​വ​ത​രി​പ്പി​ച്ച​ത് വി​വാ​ദ​മാ​യി​രു​ന്നു.

‘ചെ​മ്പ​ട​ക്ക് കാ​വ​ലാ​ള്‍ ചെ​ങ്ക​ന​ല്‍

ക​ണ​ക്കൊ​രാ​ള്‍

ചെ​ങ്കൊ​ടി ക​ര​ത്തി​ലേ​ന്തി കേ​ര​ളം

ന​യി​ക്ക​യാ​യ്‌

തൊ​ഴി​ലി​നാ​യി പൊ​രു​തി​യും

ജ​യി​ല​റ​ക​ൾ നേ​ടി​യും

ശ​ക്ത​മാ​യ മ​ർ​ദ​ന​ങ്ങ​ളേ​റ്റ ധീ​ര സാ​ര​ഥി

സ​മ​ര ധീ​ര സാ​ര​ഥി പി​ണ​റാ​യി വി​ജ​യ​ൻ

പ​ട​യു​ടെ മു​ൻ​പി​ൽ പ​ട​നാ​യ​ക​ൻ

മ​ത​തീ​വ്ര​വാ​ദി​ക​ളേ ത​ച്ചു​ട​ച്ചു​നീ​ങ്ങ​വേ

പി​ൻ​തി​രി​ഞ്ഞു നോ​ക്കി​ടാ​തെ

മു​ന്നി​ലേ​ക്ക്‌ പോ​ക​യും

ഇ​രു​ള​ട​ഞ്ഞ​പാ​ത​യി​ൽ ജ്വ​ലി​ച്ച

സൂ​ര്യ​നാ​യീ​ടും

ചെ​ങ്കൊ​ടി പ്ര​ഭ​യി​ലൂ​ടെ ലോ​ക​രി​ക്ക്​

മാ​തൃ​ക​യാ​യ്‌...’

-എ​ന്നി​ങ്ങ​നെ പോ​കു​ന്നു പുതിയ പാട്ടി​ലെ വ​രി​ക​ൾ

അതേസമയം, ത​ന്നെ പ്ര​കീ​ർ​ത്തി​ച്ചു​കൊ​ണ്ട്​​ 100 പേ​ർ ആ​ല​പി​ക്കു​ന്ന ഗാ​ന​ത്തെ ത​ള്ളി​പ്പ​റ​യാ​തെ മു​ഖ്യ​മ​ന്ത്രി. താ​ൻ പാ​ട്ട് കേ​ട്ടി​ല്ലെ​ന്നും വാ​ർ​ത്ത ശ്ര​ദ്ധ​യി​ൽ​പെ​ട്ടെ​ന്നും പ​റ​ഞ്ഞ മു​ഖ്യ​മ​ന്ത്രി, വ​ല്ലാ​തെ അ​ധി​ക്ഷേ​പി​ക്കു​മ്പോ​ൾ ലേ​ശം പു​ക​ഴ്ത്ത​ൽ വ​ന്നാ​ൽ നി​ങ്ങ​ൾ അ​സ്വ​സ്ഥ​മാ​കു​മെ​ന്ന് ത​നി​ക്ക​റി​യാ​മെ​ന്നും വാ​ർ​ത്ത​സ​മ്മേ​ള​ന​ത്തി​ൽ വ്യ​ക്ത​മാ​ക്കി.

സ​ക​ല​മാ​ന കു​റ്റ​ങ്ങ​ളും ത​ന്‍റെ ചു​മ​ലി​ൽ ചാ​ർ​ത്താ​ൻ ശ്ര​മി​ക്കു​ന്ന​വ​ർ​ക്ക് ഇ​തൊ​ക്കെ കാ​ണു​മ്പോ​ൾ വ​ലി​യ വി​ഷ​മ​മു​ണ്ടാ​കും. വ​ലി​യ എ​തി​ർ​പ്പു​ക​ൾ ഉ​യ​ർ​ന്നു​വ​രു​മ്പോ​ൾ അ​തി​ന്‍റെ​യൊ​ന്നും ഭാ​ഗ​മ​ല്ലാ​തെ ഒ​രു കൂ​ട്ട​ർ നി​ല​പാ​ടെ​ടു​ക്കു​ന്ന​തും കാ​ണ​ണം. ത​ങ്ങ​ളാ​രും വ്യ​ക്തി​പൂ​ജ​ക്ക്​ നി​ന്നു​കൊ​ടു​ക്കു​ന്ന​വ​ര​ല്ല. വ്യ​ക്തി​പൂ​ജ​യി​ലൂ​ടെ കാ​ര്യ​ങ്ങ​ൾ നേ​ടാ​ൻ ഈ ​പാ​ർ​ട്ടി​യി​ൽ ക​ഴി​യി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു