കവി ആറ്റൂർ രവി വർമ്മ അന്തരിച്ചു

തൃശൂർ: മലയാള കവിതയിലെ ഏകാന്തസഞ്ചാരി ആറ്റൂർ രവിവർമ (89) യാത്രയായി. ന്യൂമോണിയ ബാധിച്ച് തൃശൂർ ദയ ആശുപത്രിയിൽ ചികി ത്സയിലിരിക്കെ വെള്ളിയാഴ്ച വൈകീട്ട് നാലരയോടെയാണ് അന്ത്യം. ഞായറാഴ്​ച രാവിലെ ഒമ്പത്​ മുതൽ സാഹിത്യ അക്കാദമി ഹാള ിൽ മൃതദേഹം പൊതുദർശനത്തിന്​ വെക്കും. ഉച്ചക്ക്​ പൂങ്കുന്നത്തെ പാറമേക്കാവ്​ ശാന്തിഘട്ടിൽ​ സംസ്​കാരം.

സമക ാലികരിൽനിന്ന്​ വേറിട്ട്​ ഭാഷയുടെയും ഭാവുകത്വത്തി​​െൻറയും മൗലികത അതിതീവ്രമായി അനുഭവിപ്പിച്ച ആധുനികതയിലെ​ ക െടാവിളക്കാണ്​ ആറ്റൂർ. മലയാളത്തിലെ എണ്ണം പറഞ്ഞ വിവർത്തകനുമായിരുന്നു. സാഹിത്യ അക്കാദമിയുടെ ഈ വർഷത്തെ വിശിഷ്​ടാ ംഗത്വം കഴിഞ്ഞ മാർച്ച്​ ഒമ്പതിനാണ്​ മന്ത്രി എ.കെ. ബാലൻ തൃശൂരിലെ വീട്ടിലെത്തി ആറ്റൂരിന്​ സമർപ്പിച്ചത്. എഴുത്തച്ഛൻ പുരസ്​കാരം, കേന്ദ്ര-കേരള സാഹിത്യ അക്കാദമി പുരസ്​കാരം തുടങ്ങി നിരവധി ബഹുമതികൾ ലഭിച്ചിട്ടുണ്ട്.

1930 ഡിസംബർ 27ന് തൃശൂർ ആറ്റൂർ ഗ്രാമത്തിൽ മടങ്ങർളി കൃഷ്ണൻ നമ്പൂതിരിയുടെയും ആലുക്കൽ മഠത്തിൽ അമ്മിണിയമ്മയുടെയും മകനായാണ് ജനനം. കോഴിക്കോട് സാമൂതിരി കോളജ്, മലബാർ ക്രിസ്​ത്യൻ കോളജ്, തിരുവനന്തപുരം യൂനിവേഴ്സിറ്റി കോളജ് എന്നിവിടങ്ങളിലായിരുന്നു ഉപരിപഠനം. മലയാളത്തിൽ ബിരുദാനന്തര ബിരുദം. മദ്രാസ്​, തലശ്ശേരി, പാലക്കാട്, പട്ടാമ്പി, തൃശൂർ ഗവ. കോളജുകളിൽ മലയാളം അധ്യാപകനായിരുന്നു.

1996ൽ ‘ആറ്റൂർ രവിവർമയുടെ കവിതകൾ’എന്ന കൃതിക്കാണ് കേരള സാഹിത്യ അക്കാദമി പുരസ്​കാരം ലഭിച്ചത്. ‘ജെ.ജെ. ചില കുറിപ്പുകൾ’, ‘ഒരു പുളിമരത്തി​െൻറ കഥ’, ‘നാളെ മറ്റൊരു നാളെ മാത്രം’, ‘രണ്ടാം യാമങ്ങളുടെ കഥ’, ‘പുതുനാനൂറ്’, ‘ഭക്തികാവ്യം’, ‘തമിൾ പുതുകവിതകൾ’ (വിവർത്തനങ്ങൾ), ‘പുതുമൊഴിവഴികൾ’ (എഡിറ്റർ) എന്നിവയാണ് മറ്റ്​ പ്രധാന കൃതികൾ.

ഇടതുപക്ഷ- പുരോഗമന പ്രസ്ഥാനങ്ങളോട് ആഭിമുഖ്യം പുലർത്തിയിരുന്നു. എ.കെ.ജി.സി.ടി.എ പ്രതിനിധിയായി 1976 മുതൽ 1981 വരെ കോഴിക്കോട് സർവകലാശാല സിൻഡിക്കേറ്റ് അംഗമായിരുന്നു. സാഹിത്യ അക്കാദമി ജനറൽ കൗൺസിലിൽ 2002 മുതൽ 2007 വരെ അംഗമായിരുന്നു. േപ്രംജി പുരസ്​കാരം, ഉള്ളൂർ അവാർഡ്, ചെന്നൈ ആശാൻ സമിതി ഏർപ്പെടുത്തിയ ആശാൻ പ്രൈസ്​, പി. കുഞ്ഞിരാമൻ നായർ പുരസ്​കാരം, കേരള-കേന്ദ്ര സാഹിത്യ അക്കാദമികളുടെ വിവർത്തന പുരസ്​കാരങ്ങൾ, ഇ.കെ. ദിവാകരൻ പോറ്റി പുരസ്​കാരം തുടങ്ങിയവ ലഭിച്ചിട്ടുണ്ട്​.

ഭാര്യ: ശ്രീദേവി. മക്കൾ: നൗഷാദ് (എൻജിനീയർ, യു.എസ്​), ഡോ. പ്രവീൺ (പാതോളജിസ്​റ്റ്​, തൃശൂർ ജൂബിലി മിഷൻ ആശുപത്രി), റീത്ത. മരുമക്കൾ: ശങ്കരവാര്യർ (റിട്ട. എൻജിനീയർ, പവർഗ്രിഡ്), ഡോ. ജാനകി മേനോൻ (അസോ. പ്രഫസർ, പീഡിയാട്രിക്​ വിഭാഗം, തൃശൂർ ഗവ. മെഡിക്കൽ കോളജ്​), ഷെറിൽ(യു.എസ്​).