16കാരനെ പീഡിപ്പിച്ചെന്ന് പരാതി: ലീഗ് പ്രാദേശിക നേതാവ് അറസ്​റ്റില്‍

താമരശ്ശേരി: കോഴിക്കോട്​ കട്ടിപ്പാറയിൽ 16 കാരനെ പീഡിപ്പി​ച്ചെന്ന പരാതിയിൽ മുസ്​ലിം ലീഗ്​ പ്രാദേശിക നേതാവ്​ അറസ്​റ്റിലായി. യു.ഡി.എഫ്​ കട്ടിപ്പാറ പഞ്ചായത്ത്​ ചെയർമാനും മുസ്​ലിം ലീഗ്​ നിയോജക മണ്ഡലം കൗൺസിലറുമായ ഒ.കെ.എം കുഞ്ഞിയെയാണ്​ താമരശ്ശേരി പൊലീസ്​ തിങ്കളാഴ്​ച രാവിലെ അറസ്​റ്റ്​ ചെയ്​തത്​.

ചൈൽഡ്​ലൈൻ പ്രവർത്തകരുടെ പരാതിയിൽ പോക്​സോ നിയമപ്രകാരമാണ്​ കേസെടുത്തത്​. ചൈൽഡ്​ലൈൻ പ്രവർത്തകർ കുട്ടിയുടെ മൊഴി ലേഖപ്പെടുത്തുകയും കേസ്​ പൊലീസിന്​ കൈമാറുകയും ചെയ്യുകയായിരുന്നു. ഒരുമാസം മുമ്പാണ്​ കേസിനാസ്​പദമായ സംഭവം.