കെ.എസ്. ഹംസയുടെ വരവോടെ പൊന്നാനിയിൽ ലീഗിന്‍റെ വിജയം എളുപ്പമായെന്ന് പി.എം.എ. സലാം

മലപ്പുറം: മുസ്ലിം ലീഗ് പുറത്താക്കിയ കെ.എസ്. ഹംസയെ പൊന്നാനി ലോക്സഭ മണ്ഡലത്തിൽ സ്ഥാനാർഥിയാക്കിയ സി.പി.എം തീരുമാനത്തെ രൂക്ഷമായി വിമർശിച്ച് സംസ്ഥാന സെക്രട്ടറി പി.എം.എ. സലാം. കെ.എസ്. ഹംസയുടെ വരവോടെ പൊന്നാനിയിൽ ലീഗിന്‍റെ വിജയം എളുപ്പമായെന്ന് പി.എം.എ. സലാം പ്രതികരിച്ചു.

ലീഗിലെ ചില നേതാക്കൾ സി.പി.എമ്മുമായി ബന്ധപ്പെടുന്നുവെന്ന് ആരോപിച്ച് പാർട്ടി യോഗങ്ങളിൽ ബഹളമുണ്ടാക്കുകയും ഇതേതുടർന്ന് പുറത്താക്കപ്പെടുകയും ചെയ്ത വ്യക്തിയാണ് ഹംസ. ഹംസ സ്ഥാനാർഥിയാകുമെന്ന വാർത്തയോടെ ലീഗ് പ്രവർത്തകർ ആവേശത്തിലാണ്. പൊന്നാനിയിൽ പാർട്ടി സ്ഥാനാർഥിക്ക് ഭൂരിപക്ഷം വർധിക്കുമെന്നും പി.എം.എ. സലാം വ്യക്തമാക്കി.

ലീഗിന് മൂന്നാം സീറ്റ് ലഭിക്കും. ചർച്ച പുരോഗമിക്കുകയാണ്. 25ന് എറണാകുളത്ത് നടക്കുന്ന അന്തിമ ചർച്ചയിൽ തീരുമാനമുണ്ടാകും. രാജ്യസഭ സീറ്റിനെ കുറിച്ച് ചർച്ച നടന്നിട്ടില്ല. രാജ്യസഭ സീറ്റ് വേണമെന്ന് ലീഗ് ആവശ്യപ്പെട്ടിട്ടില്ലെന്നും പി.എം.എ. സലാം മാധ്യമങ്ങളോട് പറഞ്ഞു.

മുസ്ലിം ലീഗ് സംസ്ഥാന സെക്രട്ടറി സ്ഥാനത്ത് നിന്ന് പുറത്താക്കിയ കെ.എസ്. ഹംസയെയാണ് പൊന്നാനിയിൽ സ്വ​ത​ന്ത്ര സ്ഥാനാർഥിയായി സി.പി.എം മത്സരിപ്പിക്കുന്നത്. ലീ​ഗി​നും സ​മ​സ്ത​ക്കും ഇ​ട​യി​ലെ അ​ക​ൽ​ച്ച ​മു​ത​ലെ​ടു​ക്കു​ക, കാ​ന്ത​പു​രം ഗ്രൂ​പ്പ്​ അ​ട​ക്കം മ​റ്റു മു​സ്​​ലിം സം​ഘ​ട​ന​ക​ളു​മാ​യി ഹം​സ​ക്കു​ള്ള അ​ടു​പ്പം വോ​ട്ടാ​ക്കു​ക തു​ട​ങ്ങി​യ ല​ക്ഷ്യ​ങ്ങ​ൾ സി.​പി.​എ​മ്മി​നു​ണ്ട്.

പ്ര​വ​ർ​ത്ത​ക​നി​ൽ നി​ന്ന് സം​സ്ഥാ​ന ഓ​ർ​ഗ​നൈ​സി​ങ് സെ​​ക്ര​ട്ട​റി വ​രെ​യാ​യ കെ.​എ​സ്. ഹം​സ തൃ​ശൂ​ർ​ ചേ​ല​ക്ക​ര തൊ​ഴു​പ്പാ​ടം സ്വ​ദേ​ശി​യാ​ണ്. ലീ​ഗ് സം​ഘ​ട​ന സം​വി​ധാ​നം അ​റി​യാ​വു​ന്ന ഹം​സ​ക്ക് ഇ​ത് ഫ​​ല​പ്ര​ദ​മാ​യി ഉ​പ​യോ​ഗി​ക്കാ​നാ​വു​മെ​ന്നാ​ണ് സി.​പി.​എം ​ക​രു​തു​ന്ന​ത്. മു​ഈ​ന​ലി ത​ങ്ങ​ൾ ചെ​യ​ർ​മാ​നാ​യ ഹൈ​ദ​ര​ലി ത​ങ്ങ​ൾ ഫൗ​ണ്ടേ​ഷ​ന്‍റെ ക​ൺ​വീ​ന​റു​മാ​ണ് ഇദ്ദേഹം.

ക​ഴി​ഞ്ഞ മാ​ർ​ച്ചി​ലാ​ണ്​ ഹം​സ​​യെ അ​ച്ച​ട​ക്ക​ലം​ഘ​നം ആ​രോ​പി​ച്ച്​ ലീ​ഗ്​ പു​റ​ത്താ​ക്കി​യ​ത്. പാ​ർ​ട്ടി യോ​ഗ​ങ്ങ​ളി​ലെ ച​ർ​ച്ച മാ​ധ്യ​മ​ങ്ങ​ൾ​ക്ക്​ ചോ​ർ​ത്തി ന​ൽ​കി​യ​തി​ന്​ സ​സ്​​പെ​ൻ​ഡ്​ ചെ​യ്യ​പ്പെ​ട്ട ഹം​സ, ലീ​ഗ്​ സം​സ്ഥാ​ന കൗ​ൺ​സി​ൽ യോ​ഗ​ത്തി​നെ​തി​രെ കോ​ട​തി​യെ സ​മീ​പി​ച്ച്​ വാ​ർ​ത്ത​ക​ളി​ൽ ഇ​ടം​നേ​ടി​യി​രു​ന്നു. പി​ന്നീ​ട്​ കു​ഞ്ഞാ​ലി​ക്കു​ട്ടി വി​രു​ദ്ധ​രു​ടെ കൂ​ട്ടാ​യ്മ രൂ​പ​പ്പെ​ടു​ത്താ​ൻ ​നേ​തൃ​ത്വം ന​ൽ​കി.