പ്രധാനമന്ത്രിയുടെ സന്ദര്‍ശനം: റോഡിന്​ കുറുകെ കെട്ടിയ കയറിൽ കുടുങ്ങി യുവാവിന്​ ദാരുണാന്ത്യം 

തിരുവനന്തപുരം: പ്രധാനമന്ത്രിയുടെ സന്ദര്‍ശനവുമായി ബന്ധപ്പെട്ട സുരക്ഷക്കായി  റോഡിനു കുറുകെ കെട്ടിയ കയറില്‍ കുടുങ്ങി ബൈക്ക് യാത്രികനായ യുവാവിന്​ ദാരുണാന്ത്യം. നന്തന്‍കോട്​  നളന്ദ റോഡില്‍ ഹൗസ് നമ്പര്‍ 11-960 എൻ.എൻ.ആർ.എ 106ല്‍ റോബിന്‍സണ്‍ ഡേവിഡി​​​​​െൻറ മകന്‍ റെനി റോബിന്‍സനാണ്​ (21)​ മരിച്ചത്. വെള്ളിയാഴ്ച രാത്രി 11ഒാടെ കവടിയാര്‍ മന്‍മോഹന്‍ബംഗ്ലാവിന്​ സമീപമായിരുന്നു സംഭവം. 

പ്രധാനമന്ത്രിയുടെ സന്ദര്‍ശനവുമായി ബന്ധപ്പെട്ട സുരക്ഷാ മുന്‍കരുതലി​​​​​െൻറ ഭാഗമായി പ്രദേശത്ത്​ ഗതാതഗ നിയന്ത്രണം ഏർപ്പെടുത്തിയിരുന്നു.  പ്രധാനമന്ത്രി താമസിച്ചിരുന്ന രാജ്ഭവന്​ സമീപത്തേക്ക്​ വാഹനങ്ങള്‍ കടന്നു പോകാതിരിക്കാനായി  റോഡിനു കുറുകെ  പൊലീസ്​ കയര്‍ വലിച്ചു കെട്ടിയിരുന്നു. ഇതു ശ്രദ്ധയില്‍പെടാതെ ബൈക്ക് ഓടിച്ചുപോകാന്‍ ശ്രമിക്കുമ്പോഴാണ്​ റെനി അപകടത്തില്‍പെട്ടത്. കഴുത്തു പകുതിയിലേറെ മുറിഞ്ഞ്​ റോഡിലേക്ക്​ യുവാവ്​ വീഴുകയായിരുന്നു. ഉടൻ പൊലീസെത്തി റെനിയെ മെഡിക്കല്‍ കോളജ് ആശുപത്രിയിലെത്തി​െച്ചങ്കിലും മരിച്ചു. 

എന്നാല്‍, ബൈക്ക്​  അമിതവേഗത്തിലായിരു​െന്നന്ന വിശദീകരണമാണ്​ പൊലീസ് നൽകുന്നത്​.  റെനിയോടു വാഹനം നിര്‍ത്താന്‍ ആവശ്യപ്പെ​െട്ടങ്കിലും  വേഗം കൂടുതലായതിനാല്‍ നിര്‍ത്താനായില്ലെന്നും അവർ കൂട്ടിച്ചേർത്തു. എന്നാൽ, ആ സമയം ഗതാഗത നിയന്ത്രണം ഉണ്ടാകുമെന്നോ റോഡില്‍ രാത്രിയില്‍ കയര്‍ കുറുകെ കെട്ടുമെന്നോ പൊലീസ് മുന്‍കൂട്ടി അറിയിച്ചിരുന്നില്ലെന്ന് പരിസരവാസികള്‍ പരാതിപ്പെടുന്നു. മുമ്പും പൊലീസി​​​​​െൻറ ഗതാഗതപരിഷ്​കാരങ്ങളുടെ ഭാഗമായി റോഡിന്​ കുറുകെ കയർ കെട്ടിയതിനാൽ പരിക്കേറ്റ സംഭവങ്ങൾ മുമ്പുമുണ്ടായിട്ടുണ്ട്​.