പ്രധാനമന്ത്രിയുടെ ആഹ്വാനം: മെയിൻ സ്വിച്ച്​ ഓഫാക്കരുതെന്ന്​​ കെ.എസ്​.ഇ.ബി

കോഴിക്കോട്​: ഞായറാഴ്​ച രാത്രി ഒമ്പത്​ മുതൽ 9:09 വരെ വൈദ്യുതി വിളക്കുകളണച്ച്​ ദീപം തെളിയിക്കണമെന്ന പ്രധാനമന് ത്രിയുടെ ആഹ്വാനത്തിൽ വൈദ്യുതി ഉപഭോക്താക്കൾക്ക്​ നിർദേശവുമായി കെ.എസ്​.ഇ.ബി. വീടുകളിലെ മെയിൻ സ്വിച്ച്​ ഓഫ്​ ചെയ്യരുതെന്നും ഗാർഹിക വൈദ്യുതി വിളക്കുകൾ മാത്രം അണച്ചാൽ മതിയെന്നും കെ.എസ്​.ഇ.ബി. ഉപഭോക്താക്കൾക്കയച്ച മൊബൈൽ സന്ദേശത്തിൽ​ വ്യക്തമാക്കി.

വൈദ്യുതി ഉപഭോഗത്തി​ലെ വ്യതിയാനം കൈകാര്യം ചെയ്യാൻ വൈദ്യുതി ഗ്രിഡ് ശക്തവും സുസ്ഥിരവുമാണ്. എല്ലാ വൈദ്യുത ഉപകരണങ്ങളും ഈ സമയത്ത്​ പ്രവർത്തിപ്പിക്കാം.

ആശുപത്രികൾ, പൊലീസ് സ്റ്റേഷനുകൾ, തുടങ്ങിയ അവശ്യ സേവന കേന്ദ്രങ്ങളിലെ വെളിച്ചവും തെരുവ് വിളക്കുകളും ഈ സമയത്ത്​ പ്രവർത്തിക്കുമെന്നും കെ.എസ്​.ഇ.ബി അറിയിച്ചു.