പ്രധാനമന്ത്രി ഇന്ന് കേരളത്തിൽ

തിരുവനന്തപുരം: കേരളത്തിലെ പ്രകൃതിദുരന്തം നേരിട്ട് വിലയിരുത്തുന്നതിന്​ പ്രധാനമന്ത്രി നരേന്ദ്ര മോദി വെള്ളിയാഴ്​ച കേരളത്തിലെത്തും. വൈകീട്ട്​ കൊച്ചിയിലെത്തുന്ന അദ്ദേഹം മുഖ്യമന്ത്രി പിണറായി വിജയനുമായി സ്ഥിതിഗതികൾ ചർച്ച ചെയ്യും. തുടർന്ന് ശനിയാഴ്ച ഹെലികോപ്​ടറില്‍ പ്രളയബാധിതപ്രദേശങ്ങള്‍ സന്ദര്‍ശിക്കും.

ഏതൊക്കെ സ്ഥലങ്ങള്‍ സന്ദര്‍ശിക്കണമെന്ന് സംസ്ഥാനം തീരുമാനിക്കുമെന്ന് കേന്ദ്ര ടൂറിസം മന്ത്രി അല്‍ഫോൻസ്​ കണ്ണന്താനം അറിയിച്ചു. മുൻ പ്രധാനമന്ത്രി എ.ബി. വാജ്പേയിയുടെ സംസ്കാരചടങ്ങുകൾക്ക് ശേഷമാകും അദ്ദേഹം കേരളത്തിലെത്തുക.