പ്രധാനമന്ത്രി കൊച്ചിയിൽ; ബി.പി.സി.എൽ പ്ലാന്‍റ്​ നാടിന്​ സമർപ്പിച്ചു

കൊച്ചി: ഔദ്യോഗിക പരിപാടികൾക്കായി പ്രധാനമന്ത്രി നരേന്ദ്രമോദി കൊച്ചിയിലെത്തി. കൊച്ചി നാവിക സേന വിമാനത്താവളത്തിലാണ്​ പ്രത്യേകം സജ്ജീകരിച്ച വിമാനത്തിൽ അദ്ദേഹമെത്തിയത്​.

സംസ്​ഥാന സർക്കാറിന്‍റെ പ്രതിനിധികളായി മന്ത്രി ജി. സുധാകരൻ, അഡീഷനൽ ചീഫ്​ സെക്രട്ടറി തുടങ്ങിയവർ ​േമാദിയെ സ്വീകരിച്ചു. സംസ്​ഥാന പൊലീസ്​ മേധാവിയും നാവിക സേന വിമാനത്താവളത്തിലെത്തിയിരുന്നു. എറണാകുളം ജില്ലയിൽ 4000 പൊലീസുകാരെ അധികമായി വിന്യസിച്ചിട്ടുണ്ട്​.

അഞ്ച്​ ഔദ്യോഗിക പരിപാടികളിലാണ്​ മോദി പ​ങ്കെടുക്കുക. ബി.പി.സി.എൽ പ്ലാന്‍റ്​ മോദി നാടിന്​ സമർപ്പിച്ചു. അമ്പലമേട്​ വി.എച്ച്​.എസ്​.ഇ സ്​കൂൾ ഗ്രൗണ്ടിലായിരുന്നു​ ഉദ്​ഘാടന ചടങ്ങ്​. അതിനൊപ്പം കൊച്ചി തുറമുഖത്തെ അന്താരാഷ്​ട്ര ​​ക്രൂസ്​ ടെർമിനലായ സാഗരികയുടെ ഉദ്​ഘാടനവും നിർവഹിക്കും. ബി.ജെ.പി കോർ കമ്മിറ്റി യോഗത്തിലും പ​ങ്കെടുക്കും.

അതേസമയം ഇന്ധനവില വർധനവിനും കേന്ദ്രനയങ്ങൾക്കെതിരെ ഡി.വൈ.എഫ്​.ഐ കറുത്ത ബലൂൺ ഉയർത്തി പ്രതിഷേധിച്ചു. ഹിൽ പാലസിന്​ മുമ്പിലായിരുന്നു പ്രതിഷേധം. പ്രധാനമന്ത്രി ബി.പി.സി.എല്ലിലേക്ക്​ പോകുന്ന ഇരുമ്പനം സിഗ്​നലിലാണ്​ പ്രതിഷേധം നിശ്ചയിച്ചിരുന്നത്​. എന്നാൽ എസ്​.പി.ജിയുടെ നിർദേശം കണക്കിലെടുത്ത്​ ഹിൽ പാലസിന്​ മുമ്പിലേക്ക്​ മാറ്റുകയായിരുന്നു. 500ഒാളം കറുത്ത ബലൂണുകൾ ഉയർത്തിയായിരുന്നു പ്രതിഷേധം.

ചെന്നൈയിൽനിന്നാണ്​ മോദി കൊച്ചിയി​െലത്തിയത്​. തദ്ദേശീയമായി വികസിപ്പിച്ച അർജുൻ യുദ്ധടാങ്ക്​ മോദി കരസേന മേധാവി ജനറൽ എം.എം. നര​വണെക്ക്​ കൈമാറി. ചെന്നൈയിൽ വെച്ചാണ്​ യുദ്ധടാങ്ക്​ കൈമാറിയത്​.

തമിഴ്​നാട്ടിലും കേരളത്തിലും നിയമസഭ തെരഞ്ഞെടുപ്പ്​ അടുത്തിരിക്കെയാണ്​ മോദിയും സന്ദർശനം.