ജില്ല കമ്മിറ്റി അംഗത്തി​െൻറ അറസ്​റ്റ്​: ​സി.പി.ഐ നേതൃത്വത്തിനെതിരെ പോസ്​റ്റർ

മലപ്പുറം: ലൈഫ്​ മിഷൻ പദ്ധതി പ്രകാരം അട്ടപ്പാടിയിലെ ആദിവാസികൾക്ക്​ വീടിനായി സർക്കാർ അനുവദിച്ച തുക തട്ടിയെടുത ്ത കേസിൽ സി.പി.ഐ മലപ്പുറം ജില്ല കമ്മിറ്റി അംഗം അറസ്​റ്റിലായതോടെ നേതൃത്വത്തിനെതിരെ മലപ്പുറത്ത്​ പോസ്​റ്റർ. അ ട്ടപ്പാടി ഭൂതുവഴി ഊരിലെ കലാമണിയുടെ പരാതിയുടെ അടിസ്ഥാനത്തിൽ അഗളി പൊലീസ്​ നിലമ്പൂർ നഗരസഭ കൗൺസിലറും സി.പി.ഐ ജില ്ല കമ്മിറ്റി അംഗവുമായ പി.എം. ബഷീർ, സുഹൃത്ത്​ അബ്​ദുൽ ഗഫൂർ എന്നിവർക്കെതിരെ കേസെടുത്തിരുന്നു.

കഴിഞ്ഞ ദിവസം ഇരുവരും പൊലീസിന്​ മുമ്പാകെ കീഴടങ്ങിയതോടെയാണ്​ അറസ്​റ്റ്​ രേഖപ്പെടുത്തിയത്​. സർക്കാർ അനുവദിച്ച തുക ഗുണഭോക്​താക്കളറിയാതെ ബാങ്കിൽ നിന്ന്​ പിൻവലിച്ചെന്നാണ്​ പരാതി. ബഷീറിനെതിരെ നേരത്തെ പരാതികളുയർന്നിരുന്നെങ്കിലും നേതൃത്വം സംരക്ഷിക്കുകയായിരുന്നെന്നാണ്​ ആരോപണം. ഇതോടെയാണ്​ നേതൃത്വത്തിനെതിരെ ‘സി.​പി.ഐ സേവ്​ ഫോറ’ത്തി​​െൻറ പേരിൽ മലപ്പുറത്ത്​ പോസ്​റ്ററുകൾ വന്നത്​.

ബഷീറിനെ ഇത്രയും നാൾ സംരക്ഷിച്ച്​ കള്ളന്​ കഞ്ഞി​വെച്ചു െകാടുത്ത ജില്ല നേതൃത്വമേ നാണമില്ലേ നിങ്ങൾക്ക്​, അന്വേഷണകമീഷൻ എന്ന പരവതാനി വിരിച്ച്​ സംരക്ഷിച്ച ജില്ല നേതൃത്വമേ ഇനിയെങ്കിലും കണ്ണ്​ തുറക്കൂ... എന്നിങ്ങനെയാണ്​ പോസ്​റ്ററുകളിൽ പറയുന്നത്​. ഒരു വിഭാഗം പ്രവർത്തകരും നേതാക്കളും രംഗത്തെത്തിയിട്ടും ബഷീറിനെതിരെ അച്ചടക്ക നടപടിയെടുത്തിട്ടില്ല. ജില്ല കമ്മിറ്റി അംഗം അറസ്​റ്റിലായിട്ടും ഇടപെടാത്ത സംസ്ഥാന​ നേതൃത്വത്തിനെതിരെയും വിമർശനമുയരുന്നുണ്ട്​.

സി.പി.എം നിലമ്പൂർ ലോക്കൽ കമ്മിറ്റി അംഗമായിരുന്ന ബഷീർ 2014ൽ ഏരിയ കമ്മിറ്റി തെരഞ്ഞെടുപ്പുമായി ബന്ധപ്പെട്ടാണ് സി.പി.എം വിട്ടതും സി.പി.ഐയിൽ ചേരുന്നതും​. ബഷീറിനെതിരെ ഭവന നിർമാണ തട്ടിപ്പ് പരാതി പാർട്ടിയിൽ ഉന്നയിച്ചതി​​െൻറ പേരിൽ നിലമ്പൂർ മണ്ഡലം സെക്രട്ടറിയും ജില്ല കമ്മിറ്റി അംഗവുമായിരുന്ന ആർ. പാർഥസാരഥിയെ ജില്ല നേതൃത്വം മണ്ഡലം കമ്മിറ്റിയിലേക്ക് തരംതാഴ്​ത്തുകയും സെക്രട്ടറി സ്ഥാനത്തുനിന്ന്​ നീക്കുകയും ചെയ്​തിരുന്നു. ബഷീറി​േൻറത്​ താക്കീതിലൊതുക്കി. പരേതനായ സി.പിഐ നേതാവ് എം. മോഹൻദാസി​​െൻറ കുടുംബത്തിന് വീട് വെക്കാൻ പാർട്ടി അനുമതിയില്ലാതെ ആശുപത്രി ഉടമയിൽ നിന്ന്​ ചെക്ക് കൈപ്പറ്റിയെന്ന പേരിലായിരുന്നു നടപടി. നിലവിൽ നിലമ്പൂരിലും പൊന്നാനിയിലുമടക്കം സി.പി.ഐയിൽ വിഭാഗീയത രൂക്ഷമാണ്​​.

നേരത്തെ ചർച്ച ചെയ്​തതെന്ന് ജില്ല സെക്രട്ടറി
ഈ വിഷയം നേരത്തെ പാർട്ടി ​ചർച്ച ചെയ്​തതാണെന്നും ഇനി കേസിൽ തുടർനടപടികൾ വരു​േമ്പാൾ പരിശോധിക്കാമെന്നും സി.പി.ഐ മലപ്പുറം ജില്ല സെക്രട്ടറി കൃഷ്​ണദാസ്​. പണം അക്കൗണ്ടിലേക്ക്​ വന്ന വിഷയത്തിൽ ജാഗ്രതക്കുറവുണ്ടായതായി കണ്ടെത്തിയിട്ടുണ്ട്​. ജില്ല കമ്മിറ്റി യോഗത്തിൽ ബഷീറിനെ താക്കീത്​ ചെയ്​തിട്ടുണ്ടെന്നും ഇദ്ദേഹം പറഞ്ഞു.