പ്ലസ്​ടു വിജയശതമാനത്തിലും എ പ്ലസിലും വൻമുന്നേറ്റം ; 87.94 % വിജയം: റിസൾട്ട്​ വേഗമറിയാൻ അഞ്ച്​ വെബ്​സൈറ്റുകൾ

തിരുവനന്തപുരം: പ്ലസ്​ ടു ,വി.എച്ച്​.എസ്​.ഇ ഫലം പ്രഖ്യാപിച്ചു. 87.94 ശതമാനമാണ്​ വിജയം. സമീപകാല റെക്കോർഡുകൾ തിരുത്തുന്നതാണ്​ ഫലം. വിദ്യാഭ്യാസ മന്ത്രി വി.ശിവൻകുട്ടിയാണ്​ ര​​ണ്ടാം വ​​ർ​​ഷ ഹ​​യ​​ർ​​സെ​​ക്ക​​ൻ​​ഡ​​റി, വി.​​എ​​ച്ച്.​​എ​​സ്.​​ഇ പ​​രീ​​ക്ഷ​​ഫ​​ലം പ്രഖ്യാപിച്ചത്​. മു​​ഴു​​വ​​ൻ മാ​​ർ​​ക്ക്​ നേ​​ടി​​യ​​വ​​രു​​ടെ​​യും മു​​ഴു​​വ​​ൻ വി​​ഷ​​യ​​ത്തി​​ലും എ ​​പ്ല​​സ്​ നേ​​ടി​​യ​​വ​​രു​​ടെ​​യും എ​​ണ്ണ​​ത്തി​​ലും വർധനവുവുണ്ട്​.

സയൻസ്​ വിഭാഗത്തിൽ 1,59,958 പേരാണ്​ ഉന്നത പഠനത്തിന്​ യോഗ്യത നേടിയത്​. 90.52 ശതമാനം വിജയം. ഹ്യൂമാനിറ്റീസിൽ 63,814 പേർ ഉന്നതപഠനത്തിന്​ അർഹരായി. വിജയ ശതമാനം 80.43 ശതമാനം. കൊമേഴ്​സിൽ 1,04,930 പേരാണ്​ ഉന്നത പഠനത്തിനർഹരായത്​. 89.13 ശതമാനം.

48,383 വിദ്യാർഥികൾക്ക്​ മുഴുവൻ വിഷയങ്ങളിലും എ പ്ലസ്​ ലഭിച്ചു. കഴിഞ്ഞ വർഷം 18510 ആയിരുന്നു. മുഴുവൻ വിഷയങ്ങളിലും എ പ്ലസ്​ കൂടുതൽ നേടിയത്​ മലപ്പുറം ജില്ലയാണ്. 6707​ പേരാണ്​ ഇവിടെ നിന്ന്​ മുഴുവൻ വിഷയത്തിലും എ പ്ലസ്​ നേടിയത്​.

2035 സ്കൂളുകളിലായി സ്കൂള്‍ ഗോയിംഗ് റഗുലര്‍ വിഭാഗത്തില്‍ നിന്ന് 3,73,788 പേര്‍ പരീക്ഷ എഴുതിയതില്‍ 3,28,702 പേര്‍ ഉന്നത പഠനത്തിന് യോഗ്യത നേടി. ഓപ്പണ്‍ നിന്ന്​ 25292 പേരാണ്​ ഉന്നത പഠനത്തിന്​ യോഗ്യത നേടിയത്​. വിജയശതമാനം 53.00 ശതമാനം.

ടെക്​നിക്കൽ വിഭാഗത്തിൽ 1011 പേരാണ്​ ഉപരിപഠനത്തിനർഹരായത്​. 84.39 ശതമാനം. ആർട്ട്​ (കലാമണ്ഡലം) വിഭാഗത്തിൽ 67 പേർ യോഗ്യത നേടി.89.33 ശതമാനം.

സർക്കാർ സ്​കൂളിൽ പരീക്ഷയെഴുതിയ 1,58,380 പേരിൽ 1,34,655 പേർ ഉന്നതപഠനത്തിന്​ യോഗ്യത നേടി. അതായത്​ 85.02 ശതമാനം വിജയം.

എയ്​ഡഡ്​ സ്​കൂളിൽ പരീക്ഷയെഴുതിയ 1,91,843 പേർ പരീക്ഷയെഴുതിയതിൽ യോഗ്യത നേടിയത്​ 1,73,361 പേർ യോഗ്യത നേടി. അതായത്​ 90.37 ശതമാനം വിജയം.

അൺഎയ്​ഡഡ്​ മേഖലയിൽ പരീക്ഷയെഴുതിയ 23,358 പേർ പരീക്ഷയെഴുതിയതിൽ 20,479 പേർ യോഗ്യത നേടി.87.67 ശതമാനം വിജയം. സ്​പെഷൽ സ്​കൂളിൽ പരീക്ഷയെഴുതിയ 207 പേരും ജയിച്ചതോടെ 100 ശതമാനം വിജയമാണ്​ കൈവരിച്ചത്​. ടെക്നിക്കല്‍ വിഭാഗത്തിൽ നിന്ന്​ 1,011 പേർ ഉപരിപഠനത്തിന് യോഗ്യത നേടി. വിജയശതമാനം 84.39. ആര്‍ട്ട് (കലാമണ്ഡലം) വിഭാഗത്തിൽ പരീക്ഷ എഴുതിയവരിൽ 67 ഉപരിപഠനത്തിന് യോഗ്യത നേടി. വിജയശതമാനം 89.33

• വിജയശതമാനം ഏറ്റവും കൂടിയ ജില്ല എറണാകുളം (91.11%)
• വിജയശതമാനം ഏറ്റവും കുറഞ്ഞ ജില്ല പത്തനംതിട്ട (82.53%)
• നൂറു ശതമാനം വിജയം കരസ്ഥമാക്കിയ സ്കൂളുകളുടെ എണ്ണം 136 ( കഴിഞ്ഞ വർഷം 114)
• സര്‍ക്കാര്‍ സ്കൂളുകള്‍ 11 (7)
• എയ്ഡഡ് സ്കൂളുകള്‍ 36 (36)
• അണ്‍ എയ്ഡഡ് സ്കൂളുകള്‍ 79 (62)
• സ്പെഷ്യല്‍ സ്കൂളുകള്‍ 10 (9)
• ഏറ്റവും കൂടുതല്‍ വിദ്യാര്‍ത്ഥികള്‍ പരീക്ഷ എഴുതിയ ജില്ല മലപ്പുറം (57,629 പേര്‍)
• ഏറ്റവും കുറവ് വിദ്യാര്‍ത്ഥികള്‍ പരീക്ഷ എഴുതിയ ജില്ല വയനാട് (9,465 പേര്‍)
• മുഴുവന്‍ വിഷയങ്ങള്‍ക്കും A+ ലഭിച്ച വിദ്യാര്‍ത്ഥികളുടെ എണ്ണം 48,383 (മുന്‍വര്‍ഷം 18,510)
• ഏറ്റവും കൂടുതല്‍ വിദ്യാര്‍ത്ഥികളെ A+ ഗ്രേഡിനര്‍ഹരാക്കിയ ജില്ല മലപ്പുറം (6,707പേര്‍ )
• ഏറ്റവും കൂടുതല്‍ വിദ്യാര്‍ത്ഥികളെ പരീക്ഷക്ക് സജ്ജരാക്കിയ സ്കൂള്‍ സെന്‍റ് മേരിസ് എച്ച്.എസ്.എസ് പട്ടം, തിരുവനന്തപുരം (841 പേര്‍)
• ഏറ്റവും കൂടുതല്‍ വിദ്യാര്‍ത്ഥികളെ പരീക്ഷക്ക് സജ്ജരാക്കിയ സര്‍ക്കാര്‍ സ്കൂള്‍ രാജാസ് ജി.എച്ച്.എസ്.എസ് കോട്ടക്കല്‍, മലപ്പുറം (705) പേര്‍
• ഏറ്റവും കൂടുതല്‍ വിദ്യാര്‍ത്ഥികളെ പരീക്ഷക്ക് സജ്ജരാക്കിയ എയ്ഡഡ് സ്കൂള്‍ സെന്‍റ് മേരിസ് എച്ച്.എസ്.എസ് പട്ടം, തിരുവനന്തപുരം (841 പേര്‍)
• വ്യക്തിഗതമായ പരീക്ഷാഫലം വൈകുന്നേരം 4 മണി മുതല്‍ വിദ്യാഭ്യാസ വകുപ്പ് നിര്‍ദ്ദേശി ച്ചിട്ടുള്ള വെബ്സൈറ്റുകളില്‍ ലഭ്യമാകുന്നതാണ്.

കോവിഡിനെ തുടർന്നുണ്ടായ പ്രതിസന്ധികൾക്കിടയിലും 4,46,471 വിദ്യാർഥികളാണ്​ ഈ വർഷം​ പ​​രീ​​ക്ഷ​​യെ​​ഴു​​തി​​യ​​ത്. ഏതെങ്കിലും കാരണവശാല്‍ പ്രായോഗിക പരീക്ഷയില്‍ പങ്കെടുക്കാന്‍ സാധിക്കാത്ത വിദ്യാര്‍ഥികള്‍ക്ക് സേ പരീക്ഷയോടൊപ്പം നടത്തുന്ന പ്രായോഗിക പരീക്ഷയില്‍ പിന്നീട് അവസരം നല്‍കുമെന്നും മന്ത്രി അറിയിച്ചു. ഉപരിപഠനത്തിനുയോഗ്യത നേടാന്‍ കഴിയാത്തവര്‍ക്കായി ആഗസ്റ്റ്​ 11 മുതല്‍ സേ/ഇംപ്രൂവ്​മെൻറ്​ പരീക്ഷ നടത്തും.

പ്രധാന തീയതികള്‍

• പുനര്‍മൂല്യനിര്‍ണ്ണയം, ഫോട്ടോകോപ്പി, സൂക്ഷ്മപരിശോധന എന്നിവയ്ക്ക് അപേക്ഷിക്കാനുള്ള അവസാന തീയതി ജൂലൈ 31
  
• സേ/ ഇംപ്രൂവ്മെന്‍റ് പരീക്ഷയ്ക്ക് അപേക്ഷിക്കാനുള്ള അവസാന തീയതി ജൂലൈ 31
  
• സേ/ ഇംപ്രൂവ്മെന്‍റ് പരീക്ഷ ആഗസ്റ്റ് 11 മുതല്‍
  
• ഹയര്‍സെക്കന്‍ററി പ്രായോഗീക പരീക്ഷ 2021 ആഗസ്റ്റ് 5, 6 തീയതികളില്‍
  

  
  

  2021 ഏപ്രില്‍ 8 മുതല്‍ 26 വരെയാണ്​ രണ്ടാംവര്‍ഷ ഹയര്‍സെക്കന്‍ററി, വൊക്കേഷണല്‍ ഹയര്‍സെക്കന്‍ററി പരീക്ഷകള്‍ നടന്നത്​. ഹയര്‍സെക്കന്‍ററിക്ക് കേരളത്തിനകത്തും പുറത്തുമായി 2004 പരീക്ഷാ കേന്ദ്രങ്ങളും വൊക്കേഷണല്‍ ഹയര്‍സെക്കന്‍ററിക്ക് 389 പരീക്ഷാ കേന്ദ്രങ്ങളുമാണ് ഉണ്ടായിരുന്നത്​. 26 ന് പരീക്ഷകള്‍ അവസാനിച്ചെങ്കിലും സമ്പൂർണലോക്ഡൗണ്‍ കാരണം മൂല്യനിര്‍ണ്ണയം ഒരു മാസത്തിലേറെ വൈകിയാണ് ആരംഭിക്കാനായത്.

  പ്ലസ്​വൺ സീറ്റുകൾ വർധിപ്പിക്കും
  

അതെസമയം സംസ്ഥാനത്ത്​ പ്ലസ്​വൺ സീറ്റുകൾ വർധിപ്പിക്കുമെന്ന്​ മന്ത്രി അറിയിച്ചു. വടക്കൻ ജില്ലകളിൽ 20 ശതമാനം സീറ്റുകളും,തെക്കൻ ജില്ലകളിൽ 10 ശതമാനം സീറ്റുകളുമാണ്​ വർധിപ്പിക്കുക. പ്ലസ്​ വൺ പ്രവേശനം ആഗസ്റ്റ്​ ആദ്യആഴ്ചയിൽ തുടങ്ങുമെന്നും മന്ത്രി അറിയിച്ചു.

ഫ​​ല​​മ​​റി​​യാ​​വു​​ന്ന വെ​​ബ്​​​സൈ​​റ്റു​​ക​​ൾ:

www.keralaresults.nic.in,

www.dhsekerala.gov.in

www.prd.kerala.gov.in

www.results.kite.kerala.gov.in

www.kerala.gov.in

മൊ​​ബൈ​​ൽ ആ​​പ്ലി​​ക്കേ​​ഷ​​നു​​ക​​ൾ: Saphalam2021, iExaMs-Kerala

ഗൾഫിൽ വിജയം ഉയർന്നു

തി​രു​വ​ന​ന്ത​പു​രം: ര​ണ്ടാം​വ​ർ​ഷ ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ ഗ​ൾ​ഫി​ൽ വി​ജ​യം ഉ​യ​ർ​ന്നു. ക​ഴി​ഞ്ഞ​വ​ർ​ഷം 94.82 ശ​ത​മാ​നം ആ​യി​രു​ന്ന​ത്​ ഇ​ത്ത​വ​ണ 97.31 ശ​ത​മാ​ന​മാ​യി. എ​ട്ട് സ്​​കൂ​ളു​ക​ളി​ലാ​യി 446 പേ​ർ പ​രീ​ക്ഷ​യെ​ഴു​തി​യ​തി​ൽ 434 പേ​ർ വി​ജ​യി​ച്ചു. 112 വി​ദ്യാ​ർ​ഥി​ക​ൾ​ക്ക്​ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സു​ണ്ട്. ക​ഴി​ഞ്ഞ വ​ർ​ഷം ഇ​ത്​ 25 ആ​യി​രു​ന്നു. ദു​ബൈ ന്യൂ ​ഇ​ന്ത്യ​ൻ മോ​ഡ​ൽ എ​ച്ച്.​എ​സ്.​എ​സ്​ (94 വി​ദ്യാ​ർ​ഥി​ക​ൾ), ഷാ​ർ​ജ ന്യൂ ​ഇ​ന്ത്യ​ൻ മോ​ഡ​ൽ എ​ച്ച്.​എ​സ്.​എ​സ്​ (41 വി​ദ്യാ​ർ​ഥി​ക​ൾ) സ്​​കൂ​ളു​ക​ൾ നൂ​റ്​ ശ​ത​മാ​നം വി​ജ​യം നേ​ടി. ല​ക്ഷ​ദ്വീ​പി​ൽ ഒ​മ്പ​ത്​ കേ​ന്ദ്ര​ങ്ങ​ളി​ൽ 962 പേ​ർ പ​രീ​ക്ഷ​യെ​ഴു​തി​യ​തി​ൽ 684 പേ​ർ (71.10) വി​ജ​യി​ച്ചു. 39 പേ​ർ​ക്ക്​ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സു​ണ്ട്. മാ​ഹി​യി​ൽ ആ​റ്​ കേ​ന്ദ്ര​ങ്ങ​ളി​ൽ പ​രീ​ക്ഷ​യെ​ഴു​തി​യ 646 പേ​രി​ൽ 595 പേ​ർ (92.11) വി​ജ​യി​ച്ചു. 148 പേ​ർ​ക്ക്​ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സ്​ ല​ഭി​ച്ചു.