പ്ലസ്​ടു വിദ്യാർഥിനിയുടെ കൊലപാതകം: പ്രതിയെന്ന്​ സംശയിക്കുന്ന യുവാവ്​ മരിച്ചനിലയിൽ

അ​ടി​മാ​ലി: പ്ല​സ്​ടു ​വി​ദ്യാ​ർ​ഥി​യു​ടെ കൊ​ല​പാ​ത​കത്തിലെ പ്രതിയെന്ന്​ കരുതുന്ന ബന്ധു അരുണിനെ (28) തൂങ്ങിമരിച്ച നിലയിൽ കണ്ടെത്തി. പെൺകുട്ടിയെ മരിച്ചനിലയിൽ കണ്ടെത്തിയ സ്​ഥലത്തുനിന്ന്​ 150 മീറ്റർ അകലെ ആളൊഴിഞ്ഞ വീടിന്​ മുന്നിലെ മരത്തിലാണ്​ അരുണിന്‍റെ മൃതദേഹം കണ്ടെത്തിയത്​. നേരത്തെ ഇവിടെ പൊലീസ്​ തിരച്ചിൽ നടത്തിയിരുന്നു. തിങ്കളാഴ്ച രാത്രി അരുൺ ഇവിടെയെത്തി ആത്​മഹത്യ ചെയ്​തതാകാനാണ്​ സാധ്യത.

പള്ളിവാസൽ പവർഹൗസിന്​ സമീപം പൈപ്പ്​ലൈനിനട​ുത്ത് വാടകക്ക്​ താമസിക്കുന്ന വണ്ടിത്തറയിൽ രാജേഷി​െൻറ മകൾ രേഷ്​മയെ​ (17) കഴിഞ്ഞ വെള്ളിയാഴ്​ച രാത്രി 10ഓടെയാണ് മരിച്ച നിലയില്‍ കണ്ടെത്തിയത്. വള്ളക്കടവ്-പവർഹൗസ് റോഡരികിലെ കുറ്റിക്കാട്ടിൽനിന്നാണ്​ മൃതദേഹം ലഭിച്ചത്​. ബൈസൺവാലി ഗവ. ഹയർ സെക്കൻഡറി സ്​കൂൾ പ്ലസ് ​ടു വിദ്യാർഥിനിയാണ്​ രേഷ്​മ.

പിതാവി​െൻറ അർധസഹോദരനാണ്​ നീണ്ടപാറ സ്വദേശിയായ വണ്ടിത്തറയിൽ അരുൺ (28). ഇയാൾ രേഷ്​മക്കൊപ്പം നടന്നുപോകുന്നതി​െൻറ സി.സി.ടി.വി ദൃശ്യങ്ങൾ പൊലീസിന്​ ലഭിച്ചിരുന്നു.

മൃതദേഹം കണ്ടെത്തിയതിന്​ സമീപത്തുനിന്ന് രേഷ്​മയുടെ സ്​കൂൾ ബാഗും അരുണി​േൻറതെന്ന് സംശയിക്കുന്ന മൊബൈൽ ഫോണി​െൻറ കവറും ബാറ്ററിയും ലഭിച്ചു. ​സംഭവശേഷം അരുണിനെ കാണാതാവുകയായിരുന്നു.

അരുൺ പെൺകുട്ടിയോട്​ തുടരെ ​പ്രണയാഭ്യർഥന നടത്തിയിരുന്നതായി സൂചനയുണ്ട്​. ഇയാൾ രാജകുമാരിയിലെ ഫർണിച്ചർ കടയിൽ ജീവനക്കാരനാണ്.

അരുൺ ആത്മഹത്യക്കുറിപ്പ്​ എഴുതിവെച്ച ശേഷമാണ്​ ​പെൺകുട്ടിയെ കൂട്ടിക്കൊണ്ടുപോയത്​. രാജകുമാരിയിൽ വാടകക്ക്​ താമസിക്കുന്ന മുറിയിൽനിന്നാണ് ആത്മഹത്യക്കുറിപ്പ് ലഭിച്ചത്. കൂട്ടുകാർക്ക് കത്ത് രൂപത്തിലെഴുതിയ ഈ കുറിപ്പ് പത്തുപേജുണ്ട്. തന്നെ വഞ്ചിച്ച രേഷ്​മയെ കൊല്ലുമെന്നും എന്നിട്ട് താനും ചാകുമെന്നും കത്തിൽ പറയുന്നു. രേഷ്​മയോട് അടങ്ങാത്ത പ്രണയമാണെന്നും ആദ്യനാളുകളിൽ രേഷ്​മ അനുകൂലമായി പെരുമാറിയെന്നും പിന്നീട് തന്നെ പിന്തിരിപ്പിക്കാൻ ശ്രമി​െച്ചന്നും എഴുതിയിട്ടുണ്ട്.

തന്നെ വഞ്ചിച്ചവൾ ജീവിച്ചിരിക്കാൻ പാടില്ലെന്ന തീരുമാനമെടുത്താണ്​ വെള്ളിയാഴ്​ച അരുൺ ആയുധവുമായി കുഞ്ചിത്തണ്ണിയിൽ എത്തിയത്​. പിതൃസഹോദര​െൻറ മനസ്സിലിരിപ്പ് അറിയാതെയാണ് രേഷ്​മ സ്​കൂൾ വിട്ട്​ വള്ളക്കടവിൽ എത്തി അരുണിനൊപ്പം നടന്നുപോയത്. പുഴയോരത്തിരുന്ന് സംസാരിക്കാം എന്നുപറഞ്ഞ് പെൺകുട്ടിയെ റോഡിന്​ താഴേക്ക് കൂട്ടിക്കൊണ്ടുപോയതാകാൻ സാധ്യതയുണ്ടെന്നാണ്​ പൊലീസ്​ നിഗമനം.

കൈയിൽ കരുതിയ ആയുധം ഉപയോഗിച്ച് രേഷ്​മയെ മൂന്നുതവണ കുത്തിയ പ്രതി മരണമുറപ്പിച്ചശേഷം സ്ഥലംവിടുകയായിരുന്നു. അരുണിനായി ഡ്രോൺ ഉൾപ്പെ​െട സംവിധാനങ്ങൾ ഉപയോഗിച്ച് കഴിഞ്ഞദിവസങ്ങളിൽ​ പൊലീസ്​ തിരച്ചിൽ നടത്തിയിരുന്നു. ഇതിനിടയിലാണ്​ ചൊവ്വാഴ്ച പുലർച്ച തൂങ്ങിമരിച്ച നിലയിൽ കണ്ടെത്തുന്നത്​.