കുർബാനക്കിടെ പ്ലസ്‌ വൺ വിദ്യാർഥി പള്ളിയിൽ കുഴഞ്ഞുവീണു മരിച്ചു

കുർബാനയ്ക്കിടെ പ്ലസ് വൺ വിദ്യാർഥി കുഴഞ്ഞുവീണു മരിച്ചു. കോട്ടയം കാഞ്ഞിരപ്പള്ളിയിൽ ആനക്കല്ല് സെൻറ് ആൻറണീസ് ദേവാലയത്തിൽ ഞായറാഴ്ച കുർബാനയ്ക്കിടെയായിരുന്നു സംഭവം. ആനക്കല്ല് നെല്ലിക്കുന്നേൽ അഡ്വ. പോൾ ജോസഫി​െൻറ മകൻ മിലൻ പോൾ (16) ആണ് മരിച്ചത്. ഇന്ന് രാവിലെ ഏഴുമണിക്കായിരുന്നു സംഭവം.

കുർബാനക്കിടെ പെട്ടെന്ന് മിലൻ കുഴഞ്ഞു വീഴുകയായിരുന്നു. ഉടൻതന്നെ സമീപത്തുള്ള സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കാഞ്ഞിരപ്പള്ളി സെൻറ് ആൻറണീസ് പബ്ലിക് സ്കൂളിലെ വിദ്യാർഥിയാണ് മരിച്ച മിലൻ. പോസ്റ്റ്മോർട്ടം നടപടികൾക്കു ശേഷം മൃതദേഹം ബന്ധുക്കൾക്കു വിട്ടുനൽകും.