സജി ചെറിയാനെതിരായ ഹരജി ജൂൺ അഞ്ചിലേക്ക്​ മാറ്റി

കൊച്ചി: ചെങ്ങന്നൂരിലെ എൽ.ഡി.എഫ് സ്ഥാനാർഥി സജി ചെറിയാനെതിരായി കണ്ണൂർ മട്ടന്നൂർ സ്വദേശി എ.കെ ഷാജി ഹൈകോടതിയിൽ നൽകിയ ഹരജി അടുത്ത മാസം അഞ്ചിലേക്ക് മാറ്റി. സജി ചെറിയാൻ ചെയർമാനായ ട്രസ്റ്റി​​​െൻറ സ്വത്ത് വിവരം മറച്ചുവച്ച് അപൂർണ സത്യവാങ്മൂലം നൽകിയെന്നാണ് ഹരജിയിലെ ആക്ഷേപം. 

സജി ചെറിയാ​​​െൻറ നാമനിർദേശ പത്രിക സ്വീകരിച്ച വരണാധികാരിയുടെ നടപടി തെറ്റാണ്. ജനപ്രാതിനിധ്യ നിയമത്തിലെ 125 എ വകുപ്പ് അനുസരിച്ച് ക്രിമിനൽ നടപടി സ്വീകരിക്കാൻ നിർദേശം നൽകണമെന്നുമാണ് ഹരജിയിൽ ആവശ്യപ്പെടുന്നത്​. കേന്ദ്ര തെരഞ്ഞെടുപ്പ് കമ്മീഷനും സജി ചെറിയാനും ഹരജിയിൽ എതിർ കക്ഷികളാണ്.