പോള നിറഞ്ഞ്​ ജലാശയങ്ങൾ; ദുരിതം തിങ്ങി ജനജീവിതം

ഹ​രി​പ്പാ​ട്: ജ​ലാ​ശ​യ​ങ്ങ​ളെ ശ്വാ​സം​മു​ട്ടി​ച്ച് തി​ങ്ങി​നി​റ​യു​ക​യാ​ണ് കു​ള​വാ​ഴ​ക​ൾ. ദി​നം​പ്ര​തി പ്ര​ശ്ന​ത്തി​ന്‍റെ വ്യാ​പ്തി കൂ​ടി​വ​രു​ക​യാ​ണ്. പ​രി​സ്ഥി​തി​ക്കും കൃ​ഷി​ക്കും ജ​ന​ജീ​വി​ത​ത്തി​നും ദു​രി​തം തീ​ർ​ക്കു​ന്ന ത​ര​ത്തി​ലേ​ക്ക് ഇ​ത്​ മാ​റി​യി​ട്ടും ഗൗ​ര​വ​മു​ള്ള വി​ഷ​യ​മാ​യി അ​ധി​കാ​രി​ക​ൾ എ​ടു​ത്തി​ട്ടി​ല്ല. കു​ട്ട​നാ​ട്, അ​പ്പ​ർ​കു​ട്ട​നാ​ട് മേ​ഖ​ല​ക​ളി​ലെ നെ​ൽ​കൃ​ഷി​ക്കും തീ​ര​ദേ​ശ പ​ഞ്ചാ​യ​ത്തു​ക​ളി​ലും പോ​ള ഗു​രു​ത​ര പ്ര​തി​സ​ന്ധി​യാ​ണ് സൃ​ഷ്ടി​ക്കു​ന്ന​ത്. തോ​ടു​ക​ളും ആ​റു​ക​ളും കു​ള​വാ​ഴ​ക​ൾ​കൊ​ണ്ട് നി​റ​ഞ്ഞു. പ്ര​ദേ​ശ​വാ​സി​ക​ളു​ടെ തൊ​ഴി​ല​ട​ക്കം നി​ത്യ​ജീ​വി​ത​വു​മാ​യി ഏ​റെ ബ​ന്ധ​പ്പെ​ട്ട് കി​ട​ക്കു​ന്ന​താ​ണ് തോ​ടു​ക​ളും ജ​ലാ​ശ​യ​ങ്ങ​ളും. പോ​ള നി​റ​ഞ്ഞ​തോ​ടെ ജ​ലാ​ശ​യ​ങ്ങ​ൾ നാ​ടി​ന് ശാ​പ​മാ​യി മാ​റു​ന്ന സാ​ഹ​ച​ര്യ​മാ​ണു​ള്ള​ത്. ആ​റാ​ട്ടു​പു​ഴ, തൃ​ക്കു​ന്ന​പ്പു​ഴ, കു​മാ​ര​പു​രം, കാ​ർ​ത്തി​പ്പ​ള്ളി, ക​രു​വാ​റ്റ, പ​ള്ളി​പ്പാ​ട്, ചേ​പ്പാ​ട്, മു​തു​കു​ളം ചി​ങ്ങോ​ലി പ​ഞ്ചാ​യ​ത്തു​ക​ളി​ലെ ചെ​റു​തും​വ​ലു​തു​മാ​യ തോ​ടു​ക​ളാ​ണ് പോ​ള​ക​ൾ നി​റ​ഞ്ഞ് ദു​രി​തം തീ​ർ​ക്കു​ന്ന​ത്.

ദു​രി​ത​ങ്ങ​ൾ ഏ​റെ

പോ​ള​ക​ൾ തി​ങ്ങി​നി​റ​യു​ന്ന​ത് മൂ​ലം നീ​രൊ​ഴു​ക്ക് ത​ട​സ്സ​പ്പെ​ട്ട് തോ​ടു​ക​ൾ രോ​ഗ​വാ​ഹി​നി​ക​ളാ​യി മാ​റു​ന്നു. കൊ​തു​ക്​ ശ​ല്യ​വും വ​ർ​ധി​ച്ചു. ഇ​ഴ​ജ​ന്തു​ക്ക​ളു​ടെ ശ​ല്യ​വും കൂ​ടു​ത​ലാ​ണ്. തോ​ട​രു​കി​ൽ താ​മ​സി​ക്കു​ന്ന​വ​ർ​ക്ക് ഇ​തു​മൂ​ലം ക​ടു​ത്ത​പ്ര​യാ​സം അ​നു​ഭ​വി​ക്കു​ന്നു. പോ​ള​മൂ​ലം തോ​ട്ടി​ലൂ​ടെ​യു​ള്ള ഗ​താ​ഗ​തം ത​ട​സ്സ​പ്പെ​ട്ട നി​ല​യി​ലാ​ണ്. ക​ർ​ഷ​ക​രു​ടെ​യും മ​ത്സ്യ-​ക​ക്ക-​ക​യ​ർ തൊ​ഴി​ലാ​ളി​ക​ളു​​ടെ​യും തൊ​ഴി​ലി​നെ ഇ​ത് സാ​ര​മാ​യി ബാ​ധി​ച്ചി​ട്ടു​ണ്ട്. റോ​ഡ് മാ​ർ​ഗ​മി​ല്ലാ​ത്ത സ്ഥ​ല​ങ്ങ​ളി​ൽ വ​ള്ള​ങ്ങ​ളാ​ണ് ഏ​ക ആ​ശ്ര​യം. പോ​ള​ശ​ല്യം മൂ​ലം ഇ​തി​ന് സാ​ധി​ക്കു​ന്നി​ല്ല. കൂ​ടാ​തെ തോ​ടു​ക​ളി​ലെ മ​ത്സ്യ​ബ​ന്ധ​നം പൂ​ർ​ണ​മാ​യും നി​ല​ച്ചു. ആ​റു​ക​ളു​മാ​യി ബ​ന്ധ​പ്പെ​ട്ട തോ​ടു​ക​ളി​ലെ ജ​ലം കു​ടി​ക്കു​ന്ന​തി​ന് ഒ​ഴി​കെ​യു​ള്ള ആ​വ​ശ്യ​ങ്ങ​ൾ​ക്ക് പ്ര​ദേ​ശ​വാ​സി​ക​ൾ ഉ​പ​യോ​ഗി​ച്ചി​രു​ന്നു. പോ​ള​ശ​ല്യം മൂ​ലം തോ​ടു​ക​ൾ ഉ​പ​യോ​ഗ​യോ​ഗ്യ​മ​ല്ല. ഓ​രു​വെ​ള്ളം ക​യ​റു​ന്ന സ​മ​യ​ങ്ങ​ളി​ൽ പോ​ള​ക​ൾ അ​ഴു​കി തോ​ട് വീ​ണ്ടും മ​ലി​ന​മാ​കു​ന്നു.

കാ​യ​ലു​ക​ളി​ൽ തീ​ര​ത്തോ​ട് ചേ​ർ​ന്നാ​ണ് പോ​ള​ക​ൾ ഒ​ഴു​കി​പ്പോ​കു​ന്ന​ത്. ത​ട​സ്സ​മു​ണ്ടാ​കു​ന്ന ഭാ​ഗ​ങ്ങ​ളി​ൽ പോ​ള​ക്കൂ​ട്ട​ങ്ങ​ൾ അ​ടി​ഞ്ഞ് വ​ലി​യ ദു​രി​തം തീ​ർ​ക്കു​ന്നു. കു​ള​വാ​ഴ​ക​ൾ ചീ​ഞ്ഞു​ന​ശി​ച്ചാ​ലും വെ​ള്ള​ത്തി​ൽ​നി​ന്ന് ഇ​വ​യു​ടെ അ​വ​ശി​ഷ്ട​ങ്ങ​ൾ പൂ​ർ​ണ​മാ​യും നീ​ങ്ങു​ന്ന​തി​ന് മാ​സ​ങ്ങ​ളെ​ടു​ക്കു​മെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. പാ​യ​ൽ ചീ​ഞ്ഞ് താ​ഴു​ന്ന​ത് വെ​ള്ളം മ​ലി​ന​മാ​കാ​നും അ​തു​മൂ​ലം മ​ത്സ്യം ന​ശി​ക്കു​ന്ന​തി​ന് ഇ​ട​യാ​ക്കു​ക​യും ചെ​യ്യും. വെ​ള്ള​ത്തി​ന​ടി​യി​ലേ​ക്ക് പൂ​ർ​ണ​മാ​യും പോ​കാ​തെ വെ​ള്ള​ത്തി​ന്റെ മ​ധ്യ​ഭാ​ഗ​ത്താ​യാ​ണ് ഇ​വ കി​ട​ക്കു​ന്ന​ത്. പാ​യ​ൽ ഒ​ഴി​ഞ്ഞെ​ന്നു​ക​രു​തി വ​ല​വി​രി​ച്ചാ​ൽ വ​ല വെ​ള്ള​ത്തി​ന​ടി​യി​ലേ​ക്ക് പോ​കാ​ത്ത സാ​ഹ​ച​ര്യ​മാ​ണു​ള്ള​ത്.

നി​ർ​മാ​ർ​ജ​നം സാ​ധ്യ​മോ?

ജ​ലാ​ശ​യ​ങ്ങ​ളി​ൽ തി​ങ്ങി​നി​റ​യു​ന്ന പൂ​ർ​ണ​മാ​യി നി​ർ​മാ​ർ​ജ​നം ചെ​യ്യു​ക സാ​ധ്യ​മ​ല്ല. നി​യ​ന്ത്ര​ണ​വും സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്തു​ക​യാ​ണ് ഏ​ക പ​രി​ഹാ​രം.

പോ​ള പ്ര​ശ്നം ഭ​ര​ണ​കൂ​ടം ഗൗ​ര​വ​ത്തി​ൽ എ​ടു​ക്കാ​ത്ത​തി​നാ​ൽ ഇ​ക്കാ​ര്യ​ത്തി​ൽ കാ​ര്യ​മാ​യ പ​ദ്ധ​തി​യോ പ​രി​ഹാ​ര​മോ ഉ​ണ്ടാ​യി​ട്ടി​ല്ല. ആ​വി​ഷ്ക​രി​ക്കു​ന്ന പ​ദ്ധ​തി​ക​ൾ ആ​ക​ട്ടെ പ്ര​ഹ​സ​ന​മാ​യി മാ​റു​ന്ന​തി​നാ​ൽ ല​ക്ഷ്യം​കാ​ണാ​തെ പോ​കു​ന്നു. തൊ​ഴി​ലു​റ​പ്പ് പ​ദ്ധ​തി​യി​ൽ​പെ​ടു​ത്തി പോ​ള​നീ​ക്കു​ന്ന പ്ര​വ​ർ​ത്ത​ന​ങ്ങ​ൾ ചി​ല​യി​ട​ങ്ങ​ളി​ൽ ന​ട​ക്കു​ന്നു​ണ്ടെ​ങ്കി​ലും ഇ​ത് വേ​ണ്ട​ത്ര ഫ​ല​പ്ര​ദ​മാ​കു​ന്നി​ല്ല. ജ​ന​കീ​യ കൂ​ട്ടാ​യ്മ​ക​ളാ​ണ് പ​ല​സ്ഥ​ല​ങ്ങ​ളി​ലും പോ​ള​ക​ളു​ടെ നി​യ​ന്ത്ര​ണ​ത്തി​ന് ഇ​ട​പെ​ട​ൽ ന​ട​ത്തു​ന്ന​ത്.

മു​മ്പ് കു​ട്ട​നാ​ട് പാ​ക്കേ​ജി​ൽ​പെ​ടു​ത്തി പോ​ള നി​യ​ന്ത്ര​ണ​ത്തി​നാ​യി കോ​ടി​ക​ൾ ചെ​ല​വ​ഴി​ച്ചെ​ങ്കി​ലും ല​ക്ഷ്യം ക​ണ്ടി​ല്ല.

പോ​ള​ക​ളു​ടെ സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്തു​ക​യാ​ണെ​ങ്കി​ൽ നി​യ​ന്ത്ര​ണം കു​റെ​യൊ​ക്കെ സാ​ധ്യ​മാ​ക്കാം. ഝാ​ർ​ഖ​ണ്ഡും നേ​പ്പാ​ളു​മൊ​ക്കെ കു​ള​വാ​ഴ​യു​ടെ മൂ​ല്യ​വ​ർ​ധി​ത സാ​ധ്യ​ത​ക​ൾ ന​ന്നാ​യി പ്ര​യോ​ജ​ന​പ്പെ​ടു​ത്തു​ന്നു. ജൈ​വ​വ​ളം മു​ത​ൽ ക​ര​കൗ​ശ​ല വ​സ്തു​ക്ക​ൾ വ​രെ പോ​ള​ക​ൾ കൊ​ണ്ട് നി​ർ​മി​ക്കാ​ൻ ക​ഴി​യും.

പാ​യ​ലും പോ​ള​ക​ളും കൃ​ഷി​ക്ക് അ​നു​യോ​ജ്യ​മാ​ക്കാ​നു​ള്ള പ​ഠ​ന ഗ​വേ​ഷ​ണ​ങ്ങ​ൾ കൃ​ഷി​വ​കു​പ്പി​ന്റെ നേ​തൃ​ത്വ​ത്തി​ൽ ന​ട​ന്നി​രു​ന്നു. ജ​ലോ​പ​രി​ത​ല​ത്തി​ൽ ച​ങ്ങാ​ട​മു​ണ്ടാ​ക്കി അ​തി​ൽ പാ​യ​ൽ നി​റ​ച്ച് വി​വി​ധ ജൈ​വ​വ​ള​ങ്ങ​ൾ സം​യോ​ജി​പ്പി​ച്ച് ഈ ​ച​ങ്ങാ​ട​ത്തി​ൽ പ​ച്ച​ക്ക​റി കൃ​ഷി വി​ള​യി​ക്കു​ന്ന പ​രീ​ക്ഷ​ണ​ങ്ങ​ൾ ന​ട​ത്തി​യി​രു​ന്നു. പ​ല പ​ഞ്ചാ​യ​ത്തു​ക​ളും കു​ള​വാ​ഴ​ക​ളു​ടെ മൂ​ല്യ​വ​ർ​ധി​ത സാ​ധ്യ​ത വി​ജ​യ​ക​ര​മാ​യി പ​രീ​ക്ഷി​ച്ചി​ട്ടു​ണ്ട്. സ​ർ​ക്കാ​ർ ത​ല​ത്തി​ൽ ഏ​കോ​പ​ന​മു​ണ്ടെ​ങ്കി​ൽ പോ​ള​ക​ളു​ടെ സാ​ധ്യ​ത​ക​ൾ ന​ന്നാ​യി പ്ര​യോ​ജ​ന​പ്പെ​ടു​ത്താ​ൻ ക​ഴി​യു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ച​കി​രി​ച്ചോ​റി​ന്‍റെ ക​ഥ

സ​മാ​ന അ​വ​സ്ഥ​യാ​യി​രു​ന്നു ഒ​രു​കാ​ല​ത്ത് കേ​ര​ള​ത്തി​ൽ ച​കി​രി​ച്ചോ​റി​ന്‍റേ​ത്. ക​യ​ർ പി​രി​ക്കാ​ൻ തൊ​ണ്ടു​യ​ന്ത്ര​ത്തി​ൽ ത​ല്ലു​മ്പോ​ൾ ച​കി​രി​യും ച​കി​ര​ച്ചോ​റു​മാ​ണ് വേ​ർ​തി​രി​യു​ന്ന​ത്. ഇ​തി​ൽ ച​കി​രി​മാ​ത്രം ഉ​പ​യോ​ഗി​ക്കു​ക​യും ച​കി​രി​ച്ചോ​ർ ഒ​ന്നി​നും കൊ​ള്ളാ​ത്ത വ​സ്തു​വാ​യി​ക്ക​ണ്ട് ജ​ലാ​ശ​യ​ങ്ങ​ളി​ൽ ഉ​പേ​ക്ഷി​ക്കു​ക​യാ​ണ്​ പ​ണ്ട് ചെ​യ്തി​രു​ന്ന​ത്.

ജ​ലാ​ശ​യ​ങ്ങ​ൾ എ​ല്ലാം ഇ​തു​മൂ​ലം മ​ലി​ന​പ്പെ​ട്ടി​രു​ന്നു. കാ​ല​ങ്ങ​ൾ​ക്കു​ശേ​ഷം ച​കി​രി​ച്ചോ​ർ സം​സ്ക​രി​ച്ച് കൃ​ഷി​ക്കും മ​റ്റ് പ​ല ഉ​ൽ​പ​ന്ന​ങ്ങ​ൾ നി​ർ​മി​ക്കാ​നും ഉ​പ​യോ​പ്പെ​ടു​ത്താ​മെ​ന്ന് ത​മി​ഴ​ന്മാ​ർ ക​ണ്ടെ​ത്തി​യ​തോ​ടെ ച​കി​രി​ച്ചോ​റി​ന്‍റെ രാ​ശി തെ​ളി​ഞ്ഞു.

ഉ​പേ​ക്ഷി​ച്ചി​രു​ന്ന ച​കി​രി​ച്ചോ​റെ​ല്ലാം ക​യ​റി​പ്പോ​യി. ഇ​ന്ന് ആ​വ​ശ്യ​ക്കാ​ർ ഏ​റെ​യാ​ണെ​ങ്കി​ലും ച​കി​രി​ച്ചോ​ർ കി​ട്ടാ​നി​ല്ല.