തോ​ട്ട​ഭൂ​മി​യി​ൽ ഫലവർഗ കൃ​ഷി: മാറുന്നത്​ ഇടതുപക്ഷത്തി​ന്‍റെ രാഷ്​ട്രീയ നയം

പ​ത്ത​നം​തി​ട്ട: തോ​ട്ട​ഭൂ​മി​യി​ൽ ഫലവർഗ കൃ​ഷി അ​നു​വ​ദി​ക്കു​ന്ന ബജറ്റ്​ പ്രഖ്യാപനത്തിൽ വ്യക്തമാകുന്നത്​ ഇടതുപക്ഷത്തി​െൻറ രാഷ്​ട്രീയ നയംമാറ്റം. തങ്ങളുടെ മുൻഗാമികൾ കൊണ്ടുവന്ന ഭൂപരിഷ്കരണ നിയമത്തിൽ മാറ്റംവരുത്തുന്നതാണ്​ സർക്കാർ ബജറ്റിൽ പ്രഖ്യാപിച്ച തോട്ടഭൂമിയിൽ ഫലവർഗ കൃഷിയെന്ന്​ ചൂണ്ടിക്കാട്ട​െപ്പടുന്നു. ഭൂപരിഷ്​കരണ നിയമം കാർഷികോൽപാദനത്തിന്​ തിരിച്ചടിയായെന്ന വലതുപക്ഷ വിമർശനം ഇടതുപക്ഷം ശരി​െവക്കുകയുമാണ്​.

തോട്ടങ്ങളുടെ അഞ്ചുശതമാനത്തിൽ കവിയാത്ത ഭാഗം കാർഷികവിളകൾക്കോ ക്ഷീരോൽപാദന ഫാമുകൾ നടത്താനോകൂടി അനുമതി നൽകുന്നതിന്​ യു.ഡി.എഫ്​ സർക്കാർ കൊണ്ടുവന്ന 2013ലെ കേരള ഭൂപരിഷ്കരണ (ഭേദഗതി) ബില്ലിനെ എതിർത്ത ഇടതുപക്ഷമാണ്​ ഇപ്പോൾ സമാന പ്രഖ്യാപനം നടത്തുന്നത്​.

ഭൂ​പ​രി​ഷ്​​ക​ര​ണനി​യ​മം ന​ട​പ്പാ​ക്കി​യ​പ്പോ​ൾ ഭ​ക്ഷ്യ​വി​ള​ക​ൾ കൃ​ഷി ചെ​യ്​​തി​രു​ന്ന ഭൂ​മി​ക​ളാ​ണ്​ 15 ഏ​ക്ക​ർ ക​ഴി​ച്ച്​ ബാ​ക്കി​യു​ള്ള​ത്​ അ​ന്ന​ത്തെ ജ​ന്മി​മാ​രി​ൽ​നി​ന്ന്​ മി​ച്ച​ഭൂ​മി​യാ​യി ഏ​റ്റെ​ടുക്കാൻ വ്യവസ്ഥ ചെയ്​ത​ത്. ഇപ്പോൾ തോട്ടഭൂമിയിൽ ഭക്ഷ്യവിള കൃഷിയാകാമെന്ന്​ ഇടതുപക്ഷം നയം തിരുത്തു​േമ്പാൾ മിച്ചഭൂമി വിട്ടുനൽകേണ്ടിവന്ന കുടുംബങ്ങളോടുള്ള അനീതിയാകുമെന്ന്​ അഭിപ്രായം ഇരു കമ്യൂണിസ്​റ്റ്​ പാർട്ടിയിലുമുണ്ട്​. ഭൂ​പ​രി​ഷ്​​ക​ര​ണ നി​യ​മ​ത്തി​ലെ 85, 86, 87 വ​കു​പ്പു​ക​ള​നു​സ​രി​ച്ചാ​ണ്​ മി​ച്ച​ഭൂ​മി ഏ​െ​റ്റ​ടു​ക്ക​ലും തോ​ട്ട​ങ്ങ​ൾ​ക്ക്​ ഇ​ള​വ്​ അ​നു​വ​ദി​ക്ക​ലും ന​ട​ന്ന​ത്.

ഈ ​വ​കു​പ്പു​ക​ള​നു​സ​രി​ച്ച്​ തോ​ട്ടം ഭൂ​മി​യി​ൽ ഭ​ക്ഷ്യ​വി​ള കൃ​ഷി ചെ​യ്​​താ​ൽ അ​ത്ര​യും മി​ച്ച​ഭൂ​മി​യാ​യി ക​ണ​ക്കാ​ക്കേ​ണ്ടി​വ​രും.

ഇതേച്ചൊല്ലി സി.പി.ഐയിലും സി.പി.എമ്മിലും വിരുദ്ധാഭിപ്രായങ്ങൾ ഉയർന്ന​േതാടെയാണ്​ ഒന്നാം പിണറായി സർക്കാർ കഴിഞ്ഞ ജൂണിൽ നിയമ ഭേദഗതി മാറ്റി​െവച്ചത്​.

1,00,108 ഏ​ക്ക​ർ മി​ച്ച​ഭൂ​മി​യാ​ണ്​ ഇ​തു​വ​രെ സ​ർ​ക്കാ​ർ ഏ​റ്റെ​ടു​ത്ത​ത്. 30,000 ഏ​ക്ക​ർ ഭൂ​മി​യു​ടെ കാ​ര്യ​ത്തി​ൽ കേ​സ്​ ന​ട​ന്നു​വ​രു​ന്നു​മു​ണ്ട്. ഇ​നി തോ​ട്ടം മേ​ഖ​ല​യി​ൽ ഏ​ത്​ കൃ​ഷി​യു​മാ​കാ​മെ​ന്ന നി​ല​യി​ൽ ഇ​ള​വ്​ അ​നു​വ​ദി​ച്ചാ​ൽ അ​ത്​ തോ​ട്ടം ഉ​ട​മ​ക​ൾ​ക്ക്​ ഒ​രു നി​യ​മ​വും മ​റ്റു​ള്ള​വ​ർ​ക്ക്​ വേ​റെ നി​യ​മ​വു​മെ​ന്ന നി​ല​യാ​കും. അ​ത്​ ഭ​ര​ണ​ഘ​ട​ന​യു​ടെ 14ാം വ​കു​പ്പ്​ ഉ​റ​പ്പു​ന​ൽ​കു​ന്ന തു​ല്യ​നീ​തി​ക്ക്​ വി​രു​ദ്ധ​മാ​കു​മെ​ന്ന്​ സി.പി.ഐയിൽ ഒരുവിഭാഗം ചൂ​ണ്ടി​ക്കാ​ണി​ച്ചിരു​ന്നു. ത​െൻറ കാലത്ത്​ ഭൂപരിഷ്​കരണ നിയമത്തിൽ ഇത്തരം ഒരു ഭേദഗതി അനുവദിക്കി​െല്ലന്ന്​ കഴിഞ്ഞ റവന്യൂ മന്ത്രി ഇ. ചന്ദ്രശേഖരൻ നിലപാടെടുത്തിരുന്നു.

1957ൽ ഭൂപരിഷ്കരണം കൊണ്ടുവരുമ്പോൾ കോൺഗ്രസും പി.എസ്.പിയുമെല്ലാം എതിർത്തത് കാ‍ർഷികോൽപാദനം കുറയുമെന്ന വാദം ഉയർത്തിയാണ്. ഇപ്പോൾ കാർഷികോൽപാദനം കൂട്ടാൻ തോട്ടങ്ങളിൽ കൃഷി വേണമെന്ന് പറയുമ്പോൾ വിമർശനം ശരിയാണെന്ന് വരുന്നു.