പ്ലാച്ചിമട സമര പ്രവർത്തകർ മന്ത്രി വസതിയിലേക്ക് മാർച്ച് നടത്തി

പാ​ല​ക്കാ​ട്: പ്ലാ​ച്ചി​മ​ട ട്രൈ​ബ്യൂ​ണ​ൽ ബി​ൽ ഇ​നി​യും അ​വ​ത​രി​പ്പി​ക്കു​ന്ന​തി​ന് നി​യ​മ​പ്ര​യാ​സ​ങ്ങ​ളു​ണ്ടെ​ന്ന് പ​റ​ഞ്ഞ് പ്ലാ​ച്ചി​മ​ട​യി​ലെ ജ​ന​ങ്ങ​ളോ​ട് നീ​തി ല​ഭി​ക്കു​ന്ന​തി​ന് ത​ട​സ്സം നി​ൽ​ക്കു​ന്ന മ​ന്ത്രി എ.​കെ. ബാ​ല​ൻ രാ​ജി​വെ​ക്ക​ണ​മെ​ന്നാ​വ​ശ്യ​പ്പെ​ട്ട് മ​ന്ത്രി​യു​ടെ പാ​ല​ക്കാ​ട്ടെ വ​സ​തി​യി​ലേ​ക്ക് പ്ലാ​ച്ചി​മ​ട സ​മ​ര പ്ര​വ​ർ​ത്ത​ക​ർ മാ​ർ​ച്ച് ന​ട​ത്തി. പ്ലാ​ച്ചി​മ​ട സ​മ​ര​സ​മി​തി ചെ​യ​ർ​മാ​ൻ വി​ള​യോ​ടി വേ​ണു​ഗോ​പാ​ല​ൻ മാ​ർ​ച്ച് ഉ​ദ്ഘാ​ട​നം ചെ​യ്തു.ഐ​ക്യ​ദാ​ർ​ഢ്യ സ​മി​തി ചെ​യ​ർ​മാ​ൻ വി​ജ​യ​ൻ അ​മ്പ​ല​ക്കാ​ട് അ​ധ്യ​ക്ഷ​ത വ​ഹി​ച്ചു. 
ര​ക്ത​സാ​ക്ഷി മ​ണ്ഡ​പ​ത്തി​ന​ടു​ത്തു​ള്ള അ​ഞ്ചു​വി​ള​ക്കി​ന് മു​ന്നി​ൽ​നി​ന്ന്​ ആ​രം​ഭി​ച്ച പ്ര​തി​ഷേ​ധ മാ​ർ​ച്ചി​ന് സ​മ​ര​സ​മി​തി ക​ൺ​വീ​ന​ർ​മാ​രാ​യ കെ.​വി. ബി​ജു, എ. ​ശ​ക്തി​വേ​ൽ, പ്ലാ​ച്ചി​മ​ട ശാ​ന്തി, ഐ​ക്യ​ദാ​ർ​ഢ്യ സ​മി​തി ജ​ന​റ​ൽ ക​ൺ​വീ​ന​ർ ആ​റു​മു​ഖ​ൻ പ​ത്തി​ച്ചി​റ എ​ന്നി​വ​ർ നേ​തൃ​ത്വം ന​ൽ​കി. 

ഞാ​യ​റാ​ഴ്ച രാ​വി​ലെ 11ഓ​ടെ ആ​രം​ഭി​ച്ച മാ​ർ​ച്ചി​ൽ പ്ലാ​ച്ചി​മ​ട​യി​ലെ ഇ​ര​ക​ൾ ഉ​ൾ​െ​പ്പ​ടെ നൂ​റു​ക​ണ​ക്കി​ന് ആ​ളു​ക​ൾ പ​ങ്കെ​ടു​ത്തു.പു​തു​ശേ​രി ശ്രീ​നി​വാ​സ​ൻ, മാ​രി​യ​പ്പ​ൻ നീ​ലി​പ്പാ​റ, വ​ർ​ഗീ​സ് തൊ​ടു​പ​റ​മ്പി​ൽ, കെ. ​മാ​യാ​ണ്ടി, ക​രീം പ​റ​ളി, സ​ജീ​ഷ് കു​ത്ത​ന്നൂ​ർ, എ.​കെ. സു​ൽ​ത്താ​ൻ, ഫ​സ​ലു​റ​ഹ്മാ​ൻ, വി.​പി. നി​ജാ​മു​ദ്ദീ​ൻ, ക​ല്ലൂ​ർ ശ്രീ​ധ​ര​ൻ, അ​ഖി​ലേ​ഷ് കു​മാ​ർ, പ​ന്നി​മ​ട ക​ലാ​ധ​ര​ൻ കെ. ​കൃ​ഷ്ണാ​ർ​ജു​ന​ൻ, മ​ല​മ്പു​ഴ ഗോ​പാ​ല​ൻ തു​ട​ങ്ങി​യ​വ​ർ സം​സാ​രി​ച്ചു. പ്ലാ​ച്ചി​മ​ട സ​മ​ര​ത്തി​ൽ സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട്ട് പ്ര​ശ്ന​പ​രി​ഹാ​രം ഉ​ണ്ടാ​ക്കി​യി​ല്ലെ​ങ്കി​ൽ ശ​ക്ത​മാ​യ സ​മ​ര​പ​രി​പാ​ടി​ക​ളു​മാ​യി മു​ന്നോ​ട്ടു​പോ​കാ​ൻ മാ​ർ​ച്ചി​ന് ശേ​ഷം ന​ട​ന്ന സ​മ​ര​സ​മി​തി​യു​ടെ​യും ഐ​ക്യ​ദാ​ർ​ഢ്യ സ​മി​തി​യു​ടെ​യും യോ​ഗം തീ​രു​മാ​നി​ച്ചു. 

പ്ലാ​ച്ചി​മ​ട ന​ഷ്​​ട​പ​രി​ഹാ​ര ട്രൈ​ബ്യൂ​ണ​ൽ രൂ​പ​വ​ത്​​ക​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​ക, പ്ലാ​ച്ചി​മ​ട​യി​ലെ ഇ​ര​ക​ൾ​ക്ക് അ​ടി​യ​ന്ത​ര​മാ​യി ഇ​ട​ക്കാ​ല സാ​മ്പ​ത്തി​ക സ​ഹാ​യം അ​നു​വ​ദി​ക്കു​ക, പ​ട്ടി​ക​ജാ​തി--​പ​ട്ടി​ക​വ​ർ​ഗ അ​തി​ക്ര​മം ത​ട​യ​ൽ നി​യ​മ​പ്ര​കാ​രം എ​ടു​ത്ത​കേ​സി​ൽ കോ​ള​ക്ക​മ്പ​നി ഉ​ട​മ​ക​ളെ അ​റ​സ്​​റ്റ്​ ചെ​യ്ത് ആ​സ്തി​ക​ൾ ക​ണ്ടു​കെ​ട്ടു​ക എ​ന്നീ ആ​വ​ശ്യ​ങ്ങ​ൾ ഉ​ന്ന​യി​ച്ച് സ​മ​ര​സ​മി​തി ക​ല​ക്ട​റേ​റ്റ് മു​ന്നി​ൽ ന​ട​ത്തു​ന്ന അ​നി​ശ്ചി​ത​കാ​ല സ​ത്യ​ഗ്ര​ഹം തു​ട​രു​ക​യാ​ണ്.