ഗോപാലേട്ട​െൻറ പശുവില്ല, ആമിനത്താത്തയുടെ പൂവൻ കോഴിയില്ല; റിസൾട്ട് പ്രഖ്യാപിച്ചത് ഞാനല്ലാത്തത് കൊണ്ട് ട്രോളുകളൊന്നുമില്ല -അബ്​ദുറബ്ബ്​

എസ്​.എസ്​.എൽ.സി റിസൾട്ട്​ പ്രഖ്യാപിച്ചതിനുപിന്നാലെ രസകരമായ കുറിപ്പ്​ പങ്കുവച്ച്​ മുൾൻ വിദ്യാഭ്യാസ മന്ത്രി പി.കെ.അബ്​ദുറബ്ബ്​. ത​െൻറ കാലത്ത്​ മികച്ച എസ്​.എസ്​.എൽ​.സി റിസൾട്ട്​ വന്നപ്പോൾ പരിഹസിച്ച ഇടത്​ സൈബർ പോരാളികളെ പരോക്ഷമായി ട്രോളിക്കൊണ്ടായിരുന്നു അബ്​ദുറബ്ബി​െൻറ ഫേസ്​ബുക്ക്​ പോസ്​റ്റ്​. SSLC വിജയശതമാനം 99.47, ഗോപാലേട്ട​െൻറ പശുവില്ല,ആമിനത്താത്തയുടെ പൂവൻ കോഴിയില്ല, സ്​കൂളി​െൻറ ഓട് മാറ്റാൻ വന്ന ബംഗാളിയുമില്ല. റിസൾട്ട് പ്രഖ്യാപിച്ചത് ഞാനല്ലാത്തതുകൊണ്ട് ഇജ്ജാതി ട്രോളുകളൊന്നുമില്ല'-എന്നാണ്​ അദ്ദേഹം കുറിച്ചത്​.

അബ്​ദുറബ്ബി​െൻറ കാലത്ത്​ മികച്ച പരീക്ഷാഫലം വന്നപ്പോൾ ഇടത്​ സൈബർ സംഘങ്ങൾ പറഞ്ഞത്​ ഗോപാലേട്ട​െൻറ പശുവും, ആമിനത്താത്തയുടെ പൂവൻ കോഴിയും, സ്​കൂളി​െൻറ ഓട് മാറ്റാൻ വന്ന ബംഗാളിയും ഉൾപ്പടെ വിജയിച്ചു എന്നാണ്. വിവിധ വിദ്യാഭ്യാസ ​മന്ത്രിമാരുടെ കാലത്തെ റിസൾട്ടും അബ്​ദുറബ്ബ്​ ത​െൻറ കുറിപ്പിൽ പങ്കുവച്ചിട്ടുണ്ട്​. ഇത്തവണത്തെ എസ്​.എസ്​.എൽ.സി പരീക്ഷഫലം 99.47 ശതമാനമാണ്​. 4,21,887പേർ എസ്​.എസ്​.എൽ.സി പരീക്ഷ ​എഴുതിയതിൽ 4,19651 പേർ ഉന്നത വിദ്യാഭ്യാസത്തിന്​ അർഹത നേടി. മുൻ വർഷം ഇത്​ 98.82 ശതമാനമായിരുന്നു. 0.65 ശതമാനത്തിന്‍റെ വർധനയുണ്ടായി.

എല്ലാ വിഷയത്തിലും എ പ്ലസ്​ നേടിയവരുടെ എണ്ണത്തിലും വർധനയുണ്ടായി. 1,21,318 പേർ എല്ലാ വിഷയത്തിലും എ പ്ലസ്​ നേടി. 41906 പേരാണ്​ മുൻ വർഷം എല്ലാ വിഷയത്തിനും എ പ്ലസ്​ നേടിയത്​. 79412 എ പ്ലസിൽ വർധനവ്​.

അബ്​ദുറബ്ബി​െൻറ ഫേസ്​ബുക്​ പോസ്​റ്റി​െൻറ പൂർണരൂപം

SSLC വിജയശതമാനം 99.47

ഗോപാലേട്ട​െൻറ പശുവില്ല,

ആമിനത്താത്തയുടെ പൂവൻ കോഴിയില്ല,

സ്കൂളിൻ്റെ ഓട് മാറ്റാൻ വന്ന ബംഗാളിയുമില്ല.

റിസൾട്ട് പ്രഖ്യാപിച്ചത് ഞാനല്ലാത്തത് കൊണ്ട്

ഇജ്ജാതി ട്രോളുകളൊന്നുമില്ല.

2011 ൽ എം.എ.ബേബി വിദ്യാഭ്യാസ മന്ത്രിയായ സമയത്ത് 91.37 ആയിരുന്നു വിജയശതമാനം. പിന്നീട് ഞാൻ മന്ത്രിയായിരുന്ന കാലത്തും SSLC

വിജയശതമാനം കൂടിക്കൂടി വന്നു.

2012 ൽ 93.64%

2013 ൽ 94.17%

2014 ൽ 95.47 %

2015 ൽ 97.99%

2016 ൽ 96.59%

UDF ൻ്റെ കാലത്താണെങ്കിൽ വിജയശതമാനം ഉയരുമ്പോൾ വിദ്യാർത്ഥികളുടെ കഴിവിനെ

വില കുറച്ചു കാണിക്കുക, മന്ത്രിയെ ട്രോളുക, കുറ്റപ്പെടുത്തുക.. ഇതൊക്കെയാണ് ഇടത് സൈബർ പോരാളികളുടെ സ്ഥിരം പണി.

2016 മുതൽ പ്രൊഫസർ രവീന്ദ്രനാഥ്

മന്ത്രിയായ ശേഷമുള്ള വിജയശതമാനവും

ഉയരത്തിൽ തന്നെയായിരുന്നു.

2017 ൽ 95.98%

2018 ൽ 97.84%

2019 ൽ 98.11%

2020 ൽ 98.82%

ഇപ്പോഴിതാ 2021 ൽ 99.47% പേരും

SSLC ക്ക് ഉപരിപഠന യോഗ്യത നേടിയിരിക്കുന്നു.

വിജയശതമാനം കൂടിയത് മന്ത്രിയുടെ

കഴിവു കേടല്ല, വിദ്യാർത്ഥികളെ,

നിങ്ങളുടെ മിടുക്കു കൊണ്ടാണ്.

നിങ്ങളുടെ വിജയത്തെ വില കുറച്ചു കാണുന്നില്ല.

ഉപരിപഠന യോഗ്യത നേടിയ എല്ലാ വിദ്യാർത്ഥികൾക്കും അഭിനന്ദനങ്ങൾ.