യു.പിയിൽ നടക്കുന്നത്​ ഭീകര തേർവാഴ്​ച; സി.എ.എയെ എതിർക്കുന്നവരുമായി ചർച്ച -കുഞ്ഞാലിക്കുട്ടി

കോഴിക്കോട്​: പൗരത്വ നിയമഭേദഗതിയിൽ പ്രതിഷേധിക്കുന്നവർക്കെതിരെ ഭീകര തേർവാഴ്​ചയാണ്​ യു.പിയിൽ പൊലീസ്​ നടത്തുന്നതെന്ന്​ പി.കെ കുഞ്ഞാലിക്കുട്ടി എം.പി. സമരത്തെ അടിച്ചമർത്താൻ കഴിയുമെന്നാണ്​ സർക്കാർ കരുതുന്നത്​. എന്നാൽ, സമരത്തെ ഇല്ലാതാക്കാൻ സാധിക്കില്ലെന്നും അദ്ദേഹം പറഞ്ഞു.

സി.എ.എയെ എതിർക്കുന്ന കക്ഷികളുമായി ചർച്ചക്ക്​ തയാറാണ്​. പൗരത്വ നിയമഭേദഗതിയെ എതിർക്കുന്ന ആരുമായും സഹകരിക്കും. നിയമഭേദഗതിയെ എതിർക്കുന്ന എൻ.ഡി.എയിലെ മറ്റുകക്ഷികളുമായി ചർച്ച നടത്തുമെന്നും കുഞ്ഞാലിക്കുട്ടി കൂട്ടിച്ചേർത്തു.

നിയമഭേദഗതിക്കെതിരായി പ്രതിഷേധം ദേശീയതലത്തിൽ ഏകോപിപ്പിക്കുന്നതിനായി മുസ്​ലിം ലീഗ്​ പ്രത്യേക സംഘത്തെ നിയോഗിച്ചിരുന്നു. ഈ സംഘം ഉത്തർപ്രദേശിൽ സന്ദർശനം നടത്തുകയും ചെയ്​തിരുന്നു.