പരാതി പിൻവലിക്കണമെന്ന് കുഞ്ഞാലിക്കുട്ടിയുടെ അന്ത്യശാസനം; ആവശ്യം തള്ളി ഹരിത നേതാക്കൾ

മലപ്പുറം: എം.എസ്.എഫ് സംസ്ഥാന പ്രസിഡന്‍റ് പി.കെ. നവാസിനെതിരെ വനിതാ കമീഷനിൽ നൽകിയ പരാതി 24 മണിക്കൂറിനകം പിൻവലിക്കണമെന്ന മുസ് ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടിയുടെ നിർദേശം ഹരിത നേതാക്കൾ തള്ളി. പാണക്കാട് കുടപ്പനക്കൽ തറവാട്ടിൽവെച്ച് നടന്ന കൂടിക്കാഴ്ചയിലാണ് ഹരിത നേതാക്കൾക്ക് കുഞ്ഞാലിക്കുട്ടി അന്ത്യശാസനം നൽകിയത്.

പി.കെ. കുഞ്ഞാലിക്കുട്ടിയെ കൂടാതെ യൂത്ത് ലീഗ് സംസ്ഥാന അധ്യക്ഷൻ മുനവ്വറലി ശിഹാബ് തങ്ങൾ, അബ്ദുറഹ്മാൻ രണ്ടത്താണി, എം.എസ്.എഫ് ദേശീയ അധ്യക്ഷൻ ടി.പി. അഷ്റഫലി എന്നിവരും ഹരിതയെ പ്രതിനിധീകരിച്ച് സംസ്ഥാന പ്രസിഡന്‍റ് മുഫീദ തെസ്നിയും ജനറല്‍ സെക്രട്ടറി നജ്മ തബ്ഷീറയും ചർച്ചയിൽ പങ്കെടുത്തു.

വനിതാ കമീഷനിൽ കൊടുത്ത പരാതി പിൻവലിച്ചാൽ പി.കെ. നവാസിനെ പരസ്യമായി ശാസിക്കാമെന്നാണ് കുഞ്ഞാലിക്കുട്ടി ചർച്ചയിൽ ഹരിത നേതാക്കളെ അറിയിച്ചത്. എന്നാൽ, നവാസിനെതിരെ ഏതെങ്കിലും തരത്തിലുള്ള നടപടി സ്വീകരിച്ചാൽ പരാതി പിൻവലിക്കാമെന്ന നിലപാട് ഹരിത നേതാക്കൾ ആവർത്തിച്ചു.

പാർട്ടിയെ ഹരിത നേതാക്കൾ ഗൺ പോയിന്‍റിൽ നിർത്തുകയാണെന്നും ആ ഗൺ ആദ്യം മാറ്റൂവെന്നും അതിന് ശേഷം ചർച്ച നടത്താമെന്നും കുഞ്ഞാലിക്കുട്ടി വ്യക്തമാക്കി. പരാതി പിൻവലിച്ചാൽ നവാസിനെ പരസ്യമായി ശാസിക്കാമെന്നും ഒരു മാസത്തിന് ശേഷം എം.എസ്.എഫ് തലപ്പത്ത് മാറ്റങ്ങൾ കൊണ്ടുവരുന്ന കാര്യം പാർട്ടി ആലോചിക്കാമെന്നും കുഞ്ഞാലിക്കുട്ടി അറിയിച്ചു.

മോശം പരാമർശം നടത്തിയ മലപ്പുറം ജില്ലാ സെക്രട്ടറി വി.എ. വഹാബിനെതിരെയെങ്കിലും നടപടി സ്വീകരിച്ചാൽ പരാതി പിൻവലിക്കാമെന്ന നിലപാട് ഹരിത നേതാക്കൾ അറിയിച്ചു. എന്നാൽ, മലപ്പുറം ജില്ലാ സെക്രട്ടറിക്കെതിരെ നടപടി സ്വീകരിക്കാൻ തയാറല്ലെന്ന് കുഞ്ഞാലിക്കുട്ടി വ്യക്തമാക്കി. 24 മണിക്കൂറിനകം നിലപാട് അറിയിക്കാൻ ഹരിത നേതാക്കളോട് നിർദേശിച്ച കുഞ്ഞാലിക്കുട്ടി, ഹരിത നേതാക്കൾക്കെതിരെ നടപടിയുണ്ടാകുമെന്ന മുന്നറിയിപ്പും നൽകി.

ജൂ​ൺ 22ന് ​എം.​എ​സ്.​എ​ഫ് സം​സ്ഥാ​ന ഓ​ഫി​സാ​യ കോ​ഴി​ക്കോ​ട്ടെ ഹ​ബീ​ബ് സെൻറ​റി​ൽ സം​സ്ഥാ​ന ക​മ്മി​റ്റി യോ​ഗം ചേ​ർ​ന്നി​രു​ന്നു. യോ​ഗ​ത്തി​ൽ സം​ഘ​ട​ന സം​ബ​ന്ധി​ച്ച കാ​ര്യ​ങ്ങ​ളി​ൽ ഹ​രി​ത​യു​ടെ അ​ഭി​പ്രാ​യ​മാ​വ​ശ്യ​പ്പെ​ട്ട്​ സം​സാ​രി​ക്ക​വേ, ന​വാ​സ് അ​തി​നെ വി​ശേ​ഷി​പ്പി​ച്ച​ത് 'വേ​ശ്യ​ക്കും വേ​ശ്യ​യു​ടേ​താ​യ ന്യാ​യീ​ക​ര​ണ​മു​ണ്ടാ​കും' എ​ന്നാ​ണ്. ലൈം​ഗി​കചു​വ​യോ​ടെ ചി​ത്രീ​ക​രി​ക്കു​ക​യും ദു​രാ​രോ​പ​ണ​ങ്ങ​ൾ ഉ​ന്ന​യി​ച്ച് മാ​ന​സി​ക​മാ​യും സം​ഘ​ട​നാ​പ​ര​മാ​യും വ്യ​ക്തി​പ​ര​മാ​യും ത​ക​ർ​ക്കാ​ൻ ശ്ര​മി​ക്കു​ക​യു​മാ​ണെ​ന്ന്​ 'ഹ​രി​ത' ഭാ​ര​വാ​ഹി​ക​ൾ ഇ​തി​നെ​തി​രെ പ്ര​തി​ക​രി​ച്ചി​രു​ന്നു.

എം.​എ​സ്.​എ​ഫ് മ​ല​പ്പു​റം ജി​ല്ല ജ​ന​റ​ൽ സെ​ക്ര​ട്ട​റി വ​ഹാ​ബ് ഫോ​ൺ മു​ഖേ​ന​യും മ​റ്റും അ​സ​ഭ്യ​വാ​ക്കു​ക​ൾ ഉ​പ​യോ​ഗി​ച്ചാ​ണ് അ​ധി​ക്ഷേ​പി​ച്ച​ത്. ഹ​രി​ത​യു​ടെ നേ​താ​ക്ക​ൾ പ്ര​സ​വി​ക്കാ​ത്ത ഒ​രു ത​രം ഫെ​മി​നി​സ്​​റ്റു​ക​ളാ​ണെ​ന്നും പ്ര​ചാ​ര​ണം ന​ട​ത്തി പൊ​തു​മ​ധ്യ​ത്തി​ൽ അ​പ​മാ​നി​ച്ചു.

പൊ​തു​രം​ഗ​ത്ത് പ്ര​വ​ർ​ത്തി​ക്കു​ന്ന ഭാ​ര​വാ​ഹി​ക​ളെ​യും പ്ര​വ​ർ​ത്ത​ക​രെ​യും സ്വ​ഭാ​വ​ദൂ​ഷ്യ​മു​ള്ള​വ​രും അ​പ​മാ​നി​ത​രു​മാ​ക്കു​ന്ന ന​വാ​സി​നും വ​ഹാ​ബി​നു​മെ​തി​രെ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ച്ച് പെ​ൺ​കു​ട്ടി​ക​ളു​ടെ ആ​ത്മാ​ഭി​മാ​ന​ത്തെ സം​ര​ക്ഷി​ക്കാ​ൻ ഇ​ട​പെ​ട​ണ​മെ​ന്നാ​ണ്​ പ​രാ​തി​യി​ൽ അ​ഭ്യ​ർ​ഥി​ച്ചി​രു​ന്ന​ത്.