Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവിധിക്ക് കാരണം 80:20...

വിധിക്ക് കാരണം 80:20 അനുപാതം നിശ്ചയിച്ച ഇടത് സർക്കാറിന്‍റെ ഉത്തരവെന്ന് പി.കെ. കുഞ്ഞാലിക്കുട്ടി

text_fields
bookmark_border
വിധിക്ക് കാരണം 80:20 അനുപാതം നിശ്ചയിച്ച ഇടത് സർക്കാറിന്‍റെ ഉത്തരവെന്ന് പി.കെ. കുഞ്ഞാലിക്കുട്ടി
cancel

മലപ്പുറം: ന്യൂനപക്ഷ മെറിറ്റ്​ സ്​കോളർഷിപ്പ്​ അനുപാതം 80:20 എന്ന്​ നിശ്​ചയിച്ചത്​ ഇടതു സർക്കാറിന്​ സംഭവിച്ച അബദ്ധമാണെന്നും അതാണ്​ കോടതി റദ്ദാക്കിയതെന്നും മുസ്​ലിം ലീഗ്​. ഹൈകോടതി വിധിയുടെ പശ്​ചാത്തലത്തിൽ മലപ്പുറം ലീഗ്​ ഹൗസിൽ വിളിച്ച്​ ചേർത്ത വാർത്ത സമ്മേളനത്തിലാണ്​ ലീഗ്​ നേതാക്കളായ പി.കെ കുഞ്ഞാലിക്കുട്ടിയും ഇ.ടി മുഹമ്മദ്​ ബഷീറും ഇക്കാര്യം അറിയിച്ചത്​​.

സച്ചാർ കമീഷൻ മുസ്​ലിം പിന്നാക്കാവസ്​ഥ പഠിക്കാൻ നിയോഗിക്കപ്പെട്ട കമീഷനാണ്​. പട്ടിക വിഭാഗങ്ങളെക്കാൾ പിന്നിലാണ്​ മുസ്​ലിംകളെന്ന്​ കണ്ടെത്തിയത്​ കമീഷനാണ്​. ഇതി​െൻറ ചുവട്​ പിടിച്ചാണ്​ മുസ്​ലിം ന്യൂനപക്ഷ വിഭാഗത്തിന്​ സ്​കോളർഷിപ്പ്​ കൊണ്ടുവന്നത്​. സർക്കാർ ഇതു സംബന്ധിച്ച്​ ഇറക്കിയ ഉത്തരവുകളിലെല്ലാം ഇക്കാര്യം വ്യക്​തമായി പറയുന്നുണ്ട്​. എന്നാൽ, ഈ സ്​കോളർഷിപ്പ്​ ആനുകൂല്യങ്ങളിൽ ​ക്രൈസ്​തവ വിഭാഗത്തെ കൂടി ചേർത്ത്​ 80:20 അനുപാതമാക്കി ഉത്തരവിറക്കിയത്​ 2011ലെ അച്യുതാനന്ദൻ സർക്കാറാണ്​.

പാലോളി കമീഷനാണ്​ ഈ അനുപാതം നിശ്​ചയിച്ചത്​. ഇത്​ യു.ഡി.എഫ്​ കൊണ്ടുവന്നതാണെന്ന പ്രചാരണം തെറ്റാണ്​. 2011 ജനുവരിയിലാണ്​ ഉത്തരവിറങ്ങിയത്​. ഉമ്മൻചാണ്ടി സർക്കാർ അധികാരത്തിലേറുന്നത്​ 2011 ജൂണിലാണ്​. വസ്​തുതകൾ ഇതാണ്​. ഇത്​ കോടതിയിൽ അവതരിപ്പിക്കുന്നതിൽ സർക്കാർ പരാജയപ്പെട്ടു.

മുൻമന്ത്രിമാരുടെ പ്രസ്​താവനകൾ നുണയാണ്​. തെറ്റിദ്ധാരണ പരത്താനാണ്​ ശ്രമം. എല്ലാ പഴിയും ലീഗി​ന്‍റെ തലയിടാനുള്ള ശ്രമമാണ്​ നടക്കുന്നത്​. മറ്റ്​ ന്യൂനപക്ഷങ്ങൾക്ക്​ വേറെ പദ്ധതി കൊണ്ടുവരികയാണ്​ വേണ്ടതെന്നും ലീഗ്​ നേതാക്കൾ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pk kunhalikuttychristiansmuslim leagueminority welfare schemes
News Summary - PK kunhalikutty said that the reason for the verdict was the order of the Left govt which had fixed the ratio of 80:20
Next Story