സി.പി.എമ്മിനേക്കാൾ കൂടുതൽ സീറ്റ് ലീഗിന് ലഭിക്കും -കുഞ്ഞാലിക്കുട്ടി

മലപ്പുറം: മൂന്നാം സീറ്റിന്‍റെ കാര്യത്തിൽ യു.ഡി.എഫിൽ ധാരണ ഉണ്ടാക്കുമെന്ന് മുസ് ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. ഇക്കാര്യത്തിൽ ആശങ്ക വേണ്ടെന്നും അദ്ദേഹം പറഞ്ഞു.

ദേശീയ തലത്തിൽ സി.പി.എമ്മിനേക്കാൾ കൂടുതൽ സീറ്റ് ലീഗിന് ലഭിക്കും. ബംഗാളിലെ കോൺഗ്രസ്-സി.പി.എം ധാരണക്ക് വിലങ്ങ് നിൽക്കുന്നത് കേരളത്തിലെ നേതാക്കളാണെന്നും കുഞ്ഞാലിക്കുട്ടി മാധ്യമങ്ങളോട് പറഞ്ഞു.

മൂന്നാം സീറ്റിന്‍റെ കാര്യത്തിൽ പാർട്ടി ആലോചിച്ച് തീരുമാനം എടുക്കുമെന്ന് ലീഗ് സംസ്ഥാന അധ്യക്ഷൻ ഹൈദരലി തങ്ങൾ വ്യക്തമാക്കി.