ഇന്ധന നികുതി കുറവ്: യു.ഡി.എഫ് പ്രതിഷേധങ്ങളുടെ വിജയമെന്ന് പി.കെ. കുഞ്ഞാലിക്കുട്ടി

മലപ്പുറം: സംസ്ഥാനത്തെ വിമാനത്താവളങ്ങളിലെ ഇന്ധന നികുതി അഞ്ച് ശതമാനമാക്കി ഏകീകരിച്ച നടപടി യു.ഡി.എഫ് പ്രതിഷേധങ ്ങളുടെ വിജയമെന്ന് പി.കെ. കുഞ്ഞാലിക്കുട്ടി എം.പി. ഈ തീരുമാനം എടുപ്പിക്കാന്‍ സര്‍ക്കാറില്‍ യു.ഡി.എഫ് വലിയ സമ്മര്‍ ദമാണ് ചെലുത്തിയത്. വിഷയത്തി​​​​െൻറ ഗൗരവം കണക്കിലെടുത്ത് കരിപ്പൂര്‍ വിമാനത്താവള ഉപദേശക സമിതി ചെയര്‍മാന്‍ എന്ന നിലയില്‍ നേരിട്ട് മുഖ്യമന്ത്രിയെ കണ്ട് നികുതിയിളവിന് ആവശ്യപ്പെട്ടിരുന്നു. കൂടാതെ, എം.കെ. രാഘവൻ എം.പി, എം.എൽ.എമാരായ ടി.വി. ഇബ്രാഹിം, പി. അബ്​ദുൽ ഹമീദ്​ എന്നിവരും നിവേദനം നൽകി.

നികുതി ഭാരം കുറക്കാൻ നിയമപരമായ നടപടികള്‍ക്കൊപ്പം സമര പരിപാടികളും ആസൂത്രണം ചെയ്യാന്‍ കഴിഞ്ഞയാഴ്ച ചേര്‍ന്ന കോഴിക്കോട്, മലപ്പുറം ജില്ലകളിലെ ജനപ്രതിനിധികളുടെയും ഉപദേശക സമിതി അംഗങ്ങളുടെയും യോഗം തീരുമാനിച്ചിരുന്നു. ഇതി​​​​െൻറ ഭാഗമായി ടി.വി. ഇബ്രാഹിം എം.എല്‍.എ കേസ് ഫയല്‍ ചെയ്​തു. സംസ്ഥാന സര്‍ക്കാറി​​​​െൻറ പരിധിയിലുള്ള വിഷയമായതിനാല്‍ നിയമസഭയില്‍ ഉന്നയിക്കുന്നതിന് പ്രതിപക്ഷ ഉപനേതാവ് ഡോ. എം.കെ. മുനീറിനെ ചുമതലപ്പെടുത്തുകയും ചെയ്തു.

പുതിയ സാഹചര്യത്തില്‍ ശനിയാഴ്​ച നടത്താനിരുന്ന പ്രതിഷേധ സമരം മാറ്റിവെക്കും. കരിപ്പൂര്‍ പൊതുമേഖല സ്ഥാപനമായതിനാല്‍ കണ്ണൂരിന് നല്‍കിയ ഒരു ശതമാനം നല്‍കണമെന്നാണ്​ നിലപാട്. ഇതിനാല്‍ കേസുമായി മുന്നോട്ട് പോകുമെന്നും തുടര്‍നടപടികള്‍ ചര്‍ച്ച ചെയ്ത് തീരുമാനിക്കുമെന്നും കുഞ്ഞാലിക്കുട്ടി അറിയിച്ചു.