You are here

ശബരിമല: കോണ്‍ഗ്രസ് നടത്തുന്നത് കപടനാടകമെന്ന് ബി.ജെ.പി

21:49 PM
12/10/2019

തിരുവനന്തപുരം: ശബരിമല വിഷയത്തില്‍ കോണ്‍ഗ്രസ് നടത്തുന്നത് കപടനാടകമെന്ന് ബി.ജെ.പി ദേശീയ നിർവാഹകസമിതി അംഗം പി.കെ. കൃഷ്ണദാസ്. സി.പി.എമ്മിൽനിന്ന് എന്ത് വ്യത്യസ്തമായ നിലപാടാണ് കോണ്‍ഗ്രസിനുള്ളതെന്ന് വ്യക്തമാക്കണമെന്നും അദ്ദേഹം വാർത്തസമ്മേളനത്തിൽ ആവശ്യപ്പെട്ടു. 

ആചാരനുഷ്​ഠാനങ്ങള്‍ തകര്‍ക്കുക എന്നതാണ് സി.പി.എമ്മി​​​​െൻറയും മുഖ്യമന്ത്രി പിണറായി വിജയ​​​​െൻറയും നയവും ലക്ഷ്യവും. ഇതിനോട് ഐക്യംദാര്‍ഢ്യം പ്രഖ്യാപിച്ച ഏക ദേശീയനേതാവ് രാഹുല്‍ ഗാന്ധിയാണ്. വിശ്വാസികൾക്കൊപ്പം നില്‍ക്കാതെ കോണ്‍ഗ്രസ് സര്‍ക്കാറിനൊപ്പം നില്‍ക്കുകയായിരുന്നു. 

എൽ.ഡി.എഫ്​-യു.ഡി.എഫ് ഒത്തുതീര്‍പ്പ് രാഷ്​ട്രീയം വീണ്ടും മറനീക്കി പുറത്ത് വരികയാണ്. എൽ.ഡി.എഫും യു.ഡി.എഫും നടത്തുന്ന രാഷ്​ട്രീയ കച്ചവടത്തിനെതിരെയാണ് അഞ്ച്​ മണ്ഡലത്തിലെ ഉപതെരഞ്ഞെടുപ്പില്‍ എന്‍.ഡി.എ വോട്ട് ചോദിക്കുന്നതെന്നും പി.കെ. കൃഷ്ണദാസ് പറഞ്ഞു.
 

Loading...
COMMENTS