ബന്ധു നിയമനം: ജലീലിനെ പുറത്താക്കണം -യൂത്ത്​ ലീഗ്​

കോഴിക്കോട്: ചട്ടങ്ങളും നിയമങ്ങളും കാറ്റില്‍പറത്തി ബന്ധുവിനെ ന്യൂനപക്ഷ വികസന ധനകാര്യ കോർപറേഷൻ ജനറൽ മാനേജർ തസ്​തികയിൽ നിയമിച്ച ഡോ. കെ.ടി. ജലീലിനെ മന്ത്രിസഭയിൽനിന്ന്​ പുറത്താക്കണമെന്ന് യൂത്ത് ലീഗ് സംസ്​ഥാന ജനറൽ സെക്രട്ടറി പി.കെ. ഫിറോസ്​ വാർത്തസമ്മേളനത്തിൽ ആവശ്യപ്പെട്ടു. ബന്ധുനിയമന ആരോപണത്തില്‍ പുറത്തുവന്ന മന്ത്രിയുടെ ഫേസ്ബുക്​ പോസ്​റ്റ്​ കുറ്റസമ്മത മൊഴിയാണ്. അദ്ദേഹത്തെ പ്രോസിക്യൂട്ട് ചെയ്യാന്‍ അനുമതി നല്‍കണമെന്നാവശ്യപ്പെട്ട് ഗവര്‍ണറെ സമീപിക്കും.

യോഗ്യതയുള്ള ഒരാളെപ്പോലും കിട്ടാത്തതിനാലാണ് ബന്ധുവിനെ നിയമിച്ചതെന്ന മന്ത്രിയുടെ വാദം ബാലിശമാണ്. 2016 സെപ്​​റ്റംബര്‍ 17ന് പ്രമുഖ പത്രങ്ങളില്‍ പരസ്യം നല്‍കി അപേക്ഷ ക്ഷണിച്ചുവെന്ന്​ പറയുന്ന മന്ത്രി ഏതൊക്കെ പത്രങ്ങളിലാണ് പരസ്യം നല്‍കിയതെന്ന് വ്യക്തമാക്കണം. ഇപ്പോള്‍ നിയമിക്കപ്പെട്ട സ്​ഥാനത്തേക്ക്​ വരാന്‍ താൽപര്യമില്ലാത്തതിനാലാണ് ബന്ധു അഭിമുഖത്തിൽ പങ്കെടുക്കാത്തതെന്ന വാദവും ഹാജരായ മൂന്നുപേര്‍ക്കും യോഗ്യതയില്ലെന്ന വാദവും വാസ്തവവിരുദ്ധമാണ്.

യോഗ്യതയില്ലാത്തവരെ അഭിമുഖത്തിന്​ എന്തിന് ക്ഷണിച്ചുവെന്ന്​ മന്ത്രി വ്യക്തമാക്കണം. ഒരു അഭിമുഖം നടത്തി യോഗ്യരായ ആളെ കിട്ടിയില്ലെങ്കില്‍ റീ-നോട്ടിഫൈ ചെയ്ത് വീണ്ടും അപേക്ഷ ക്ഷണിക്കുന്നതിനുപകരം മന്ത്രി ബന്ധുവിൽനിന്ന്​ മാത്രം അപേക്ഷ സ്വീകരിക്കാൻ ഏത് നിയമമാണ് അനുവദിക്കുന്നത്. 1958ലെ റൂള്‍ 9 ബി പ്രകാരം സര്‍ക്കാര്‍ സ്​ഥാപനങ്ങളില്‍ സ്​റ്റാറ്റ്യൂട്ടറി ബോഡികളില്‍നിന്ന്​ മാത്രമേ നിയമനം നടത്താവൂ. എന്നാലിവിടെ സ്വകാര്യ ധനകാര്യ സ്​ഥാപനത്തിലെ ജീവനക്കാര​െനയാണ്​ നിയമിച്ചത്​്​.

അഴിമതിയും സ്വജനപക്ഷപാതവും വ്യക്തമായ സാഹചര്യത്തില്‍ ജലീലിനെ പുറത്താക്കാന്‍ ഗവര്‍ണര്‍ ഇടപെടണം. മന്ത്രിയുടെ രാജി ആവശ്യപ്പെട്ട് തിങ്കളാഴ്ച കോഴിക്കോട്ടെ ന്യൂനപക്ഷ വികസന ധനകാര്യ കോർപറേഷൻ ഒാഫിസിലേക്ക്​​ മാര്‍ച്ച് നടത്തുമെന്നും അദ്ദേഹം കൂട്ടിച്ചേർത്തു. സീനിയര്‍ വൈസ് പ്രസിഡൻറ്​ നജീബ് കാന്തപുരവും വാർത്തസമ്മേളനത്തിൽ പ​െങ്കടുത്തു.

ബന്ധുനിയമനം: ജലീലിനെ മാറ്റിനിര്‍ത്തി അന്വേഷിക്കണം -മുല്ലപ്പള്ളി
കോഴിക്കോട്​: ബന്ധുനിയമനം നടത്തിയയെന്ന്​ കുറ്റസമ്മതം നടത്തിയ കെ.ടി. ജലീലിനെ മന്ത്രിസ്ഥാനത്തുനിന്ന്​ മാറ്റിനിര്‍ത്തി അന്വേഷിക്കണമെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍ ആവശ്യപ്പെട്ടു. സ്വജനപക്ഷപാതവും അധികാര ദുര്‍വിനിയോഗവും സത്യപ്രതിജ്ഞ ലംഘനവുമാണ് നടന്നത്. അന്വേഷണം പ്രഖ്യാപിച്ചില്ലെങ്കില്‍ നിയമപരവും രാഷ്​ട്രീയവുമായി നേരിടുമെന്നും അദ്ദേഹം പ്രസ്​താവനയിൽ പറഞ്ഞു.

നേരത്തേ, മന്ത്രി ഇ.പി. ജയരാജന്‍ ബന്ധുനിയമനക്കേസില്‍ ഉള്‍പ്പെട്ട് രാജി​െവച്ചതാണ്. കേരളം പ്രളയത്തില്‍ മുങ്ങിയ അവസരം നോക്കിയാണ്​, സര്‍ക്കാര്‍ സംവിധാനം ഉപയോഗിച്ച് ജയരാജനെ വെള്ളപൂശി തിരിച്ചെടുത്തത്. ഇതോടൊപ്പം വ്യവസായ വകുപ്പിലെ പൊതുമേഖല സ്​ഥാപനങ്ങളുടെ തലപ്പത്ത് നിയമിക്കപ്പെട്ട ഇ.കെ. നായനാരുടെ ചെറുമകന്‍, ആനത്തലവട്ടം ആനന്ദ​​​െൻറ മകന്‍, ഇ.പി. ജയരാജ​​​െൻറ ബന്ധു തുടങ്ങിയവരെ പുറത്താക്കണമെന്ന വിജിലന്‍സ് റിപ്പോര്‍ട്ടും സര്‍ക്കാര്‍ പൂഴ്ത്തി. വ്യാജരേഖ നൽകി ജോലിക്ക്​ കയറിയ കോലിയക്കോട് കൃഷ്ണന്‍ നായരുടെ മകനെതി​െര കേസെടുക്കണമെന്ന ശിപാര്‍ശയും സര്‍ക്കാര്‍ തള്ളിയെന്ന്​ മുല്ലപ്പള്ളി പ്രസ്​താവനയിൽ പറഞ്ഞു.

ബന്ധു നിയമനം: മന്ത്രി ജലീലിനെതിരെ യു.ഡി.എഫ്
തിരുവനന്തപുരം: മ​ന്ത്രി കെ.ടി. ജലീലി​െനതിരായ ബന്ധു നിയമന ആരോപണത്തിൽ നിലപാട്​ ശക്​തമാക്കി യു.ഡി.എഫ്​. കെ.ടി. ജലീലിനെ മന്ത്രിസഭയിൽനിന്ന്​ മാറ്റിനിർത്തി ബന്ധു നിയമനം സംബന്ധിച്ച്​ അന്വേഷണം നടത്തണമെന്നാണ്​ ആവശ്യം. ബ്രൂവറി-ഡിസ്​റ്റിലറി അഴിമതിക്ക്​ പിന്നാലെ ഇതും സർക്കാറിനെ അടിക്കാനുള്ള വടിയാക്കുകയാണ്​ പ്രതിപക്ഷം. മന്ത്രി ഇ.പി. ജയരാജൻ രാജിവെക്കേണ്ടിവന്നതിന്​ സമാന സഹാചര്യമാണി​െതന്നാണ്​ യു.ഡി.എഫ്​ നേതാക്കളുടെ നിലപാട്​. മന്ത്രി ജലീലി​​​െൻറ അടുത്ത ബന്ധുവിനെ ന്യൂനപക്ഷ ധനകാര്യ കോർപറേഷനിൽ ജനറൽ മാ​േനജറായി നിയമിച്ചതിൽ ക്രമക്കേടുണ്ടെന്ന ആരോപണം ഉന്നയിച്ചത്​ മുസ്​ലിം യൂത്ത്​ ലീഗാണ്​.

ബന്ധുനിയമനം നടത്തിയെന്ന്​ കുറ്റസമ്മതം നടത്തിയ മന്ത്രി കെ.ടി. ജലീലിനെ മാറ്റിനിര്‍ത്തി അന്വേഷണം പ്രഖ്യാപിക്കണമെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍ ആവശ്യപ്പെട്ടു. അന്വേഷണം പ്രഖ്യാപിച്ചില്ലെങ്കില്‍ നിയമപരവും രാഷ്​ട്രീയവുമായ പോരാട്ടം ഉണ്ടാകും.സ്വകാര്യ ബാങ്കില്‍ ജോലിചെയ്യുന്ന ആളെ ഇൻറര്‍വ്യൂ പോലും ചെയ്യാതെ മന്ത്രി വിളിച്ചുവരുത്തി നിയമനം നൽകുകയാണ്​ ചെയ്തത്. സി.പി.എം നേതാക്കളുടെ ബന്ധുവാണെങ്കില്‍ വഴിയെ പോയാല്‍ മതി എഴുത്തുപരീക്ഷയോ, അഭിമുഖമോ ഒന്നുമില്ലാതെ സര്‍ക്കാറി​​​െൻറ ഉന്നതതസ്തികകളില്‍ നിയമനം ലഭിക്കും.

അനധികൃത നിയമനങ്ങളുടെ ഘോഷയാത്ര തന്നെ പിണറായി സര്‍ക്കാരി​​​െൻറ കാലത്തുണ്ടായെന്ന്​ മുല്ലപ്പള്ളി ചൂണ്ടിക്കാട്ടി. വ്യവസായ വകുപ്പിലെ പൊതുമേഖല സ്​ഥാപനങ്ങളുടെ തലപ്പത്ത് ഇ.കെ. നായനാരുടെ ചെറുമകന്‍, ആനത്തലവട്ടം ആനന്ദ​​​െൻറ മകൻ, ഇ.പി. ജയരാജ​​​െൻറ ബന്ധു തുടങ്ങിയവരെ നിയമിച്ചത് അനധികൃതമായാണ്​. ഇവരെ പുറത്താക്കണമെന്നുള്ള വിജിലന്‍സ് റിപ്പോര്‍ട്ട് സര്‍ക്കാര്‍ പൂഴ്ത്തി. വ്യാജരേഖ നൽകി ജോലിക്കുകയറിയ കോലിയക്കോട് കൃഷ്ണന്‍ നായരുടെ മകനെതിരേ കേസെടുക്കണമെന്ന ശിപാര്‍ശയും സര്‍ക്കാര്‍ തള്ളിയെന്ന്​ മുല്ലപ്പള്ളി പറഞ്ഞു.

മന്ത്രി കെ.ടി. ജലീല്‍ ബന്ധുവിന് നിയമനം തരപ്പെടുത്തി എന്ന ആരോപണത്തെക്കുറിച്ച് സമഗ്ര അന്വേഷണം നടത്തണമെന്ന് പ്രതിപക്ഷനേതാവ് രമേശ് ചെന്നിത്തല ആവശ്യപ്പെട്ടു. ഇത് സംബന്ധിച്ച് മന്ത്രി കെ.ടി. ജലീലി​​​െൻറ ഫേസ്ബുക്ക് പോസ്​റ്റും സംശയം ഉണര്‍ത്തുന്നതാണ്. 2016ല്‍ നടന്ന ഇൻറര്‍വ്യൂവില്‍ പങ്കെടുത്തവരില്‍ യോഗ്യത ഉള്ളവര്‍ ഇല്ലാതിരുന്നതിനാല്‍ 2018ല്‍ ബന്ധുവിനെ നിര്‍ബന്ധപൂര്‍വം ക്ഷണിച്ചുവരുത്തി ഡെപ്യൂട്ടേഷനില്‍ നിയമനം നല്‍കുകയായിരുന്നു എന്നാണ് ഫേസ്ബുക്ക് പോസ്​റ്റില്‍ മന്ത്രി പറയുന്നത്. കുറ്റസമ്മതമായി ഇതിനെ കാണേണ്ടിവരും. അതിനാല്‍ ഇതിനെക്കുറിച്ചെല്ലാം വിശദ അന്വേഷണം നടത്തണമെന്ന് രമേശ് ചെന്നിത്തല ആവശ്യപ്പെട്ടു.