Top
Begin typing your search above and press return to search.
exit_to_app
exit_to_app
bineesh kodiyeri, pk firos,
cancel
Homechevron_rightNewschevron_rightKeralachevron_rightബംഗളൂരു മയക്കുമരുന്ന്​ ...

ബംഗളൂരു മയക്കുമരുന്ന്​ കേസ്​: ബിനീഷിനെതിരെ കൂടുതൽ ആരോപണങ്ങളുമായി പി.കെ. ഫിറോസ്​

text_fields
bookmark_border

കോഴിക്കോട്​: ബംഗളൂരു മയക്കുമരുന്ന്​ കേസിൽ ബിനീഷ്​ കോടിയേരിക്കെതിരെ കൂടുതൽ ആരോപണങ്ങളുമായി മുസ്​ലിം യൂത്ത്​ ലീഗ്​ സംസ്​ഥാന ജനറൽ സെക്രട്ടറി പി.കെ. ഫി​േറാസ്​. ബിനീഷ്​ പറഞ്ഞതുപോലെ കേസിലെ മുഖ്യപ്രതിയായ മുഹമ്മദ്​ അനൂപുമായി ചെറിയ ബന്ധമല്ല അദ്ദേഹത്തിനുള്ളത്​. ഇവർ തമ്മിൽ ഒരുപാട്​ സാമ്പത്തിക ഇടപാടുകളാണ്​ നടന്നിട്ടുള്ളത്​. ചെറിയ ബന്ധം എങ്ങനെയൊരു സൗഹൃദമായി വളർന്നു എന്നത്​ സംബന്ധിച്ച്​ ബിനീഷ്​ മറുപടി പറഞ്ഞിട്ടില്ല. അവർ തമ്മിലെ സൗഹൃദത്തി​െൻറ അടിസ്​ഥാനം എന്തായിരുന്നുവെന്ന്​ വ്യക്​തമാക്കണം. ​

2015ലാണ് അനൂപ്​ ബംഗളൂരുവിൽ​ റെസ്​റ്റോറൻറ്​ ആരംഭിച്ചത്​. ഈ സമയത്ത്​ ബിനീഷ്​ അനൂപി​െന പണം നൽകി സഹായിച്ചിരുന്നു. ഇതേ കാലയളവിൽ തന്നെയാണ്​ ബിനീഷ്​ ബംഗളൂരുവിൽ ഫിനാൻസ്​ കമ്പനി ആരംഭിക്കുന്നത്​. ഇവിടെനിന്നുള്ള പണമാണോ റെസ്​റ്റോറൻറിനും മയക്കുമരുന്ന്​ ഇടപാടിനും നൽകിയതെന്ന്​ ബിനീഷ്​ മറുപടി പറയണമെന്നും​ ഫിറോസ്​ പറഞ്ഞു.

ആഗസ്​റ്റ്​ 22നാണ്​​ ബംഗളൂരുവിൽ നാർക്കോട്ടിക്ക്​ കൺട്രോൾ ബ്യൂറോ മൂന്നുപേരെ അറസ്​റ്റ്​​ ചെയ്​തത്​. സീരിയൽ നടി അനിഘ, ബിനീഷ്​ കോടിയേരിയുടെ അടുത്ത സുഹൃത്ത്​ മുഹമ്മദ്​ അനൂപ്​​​, റി​േജഷ്​ രവീന്ദ്രൻ എന്നിവരാണ്​ ഒന്നും രണ്ടും മൂന്നും പ്രതികൾ. ഇതിൽ അനൂപാണ്​ ഇടപാടുകാർക്ക്​ മയക്കുമരുന്ന്​ വിതരണം ചെയ്യുന്നത്​.

അനൂപ് മുഹമ്മദുമായി ബിനീഷിന്​ അടുത്തബന്ധമുണ്ടെന്ന്​ കഴിഞ്ഞദിവസമാണ്​ പി.കെ. ഫിറോസ്​ ആരോപണവുമായി രംഗത്തുവന്നത്​​. ഇക്കാര്യം സമഗ്രമായി അന്വേഷിക്കണം. സ്വര്‍ണക്കടത്ത് പ്രതികളുമായും അനൂപിന് ബന്ധമുണ്ട്​. സ്വപ്​ന സരേഷ്​ ബംഗളൂരുവിൽ പിടിക്ക​പ്പെട്ട ദിവസം നിരവധി തവണയാണ്​ ബിനീഷ്​ അനൂപിനെ ഫോണിൽ വിളിച്ചതെന്നും ഫിറോസ് വാർത്തസമ്മേളനത്തിൽ ആരോപിച്ചിരുന്നു.

ബിനീഷ്​ പണം മുടക്കി തുടങ്ങിയ ബംഗളൂരുവിലെ ഹയാത്ത്​ ഹോട്ടൽ വഴിയാണ്​ കച്ചവടം ഉറപ്പിക്കുന്നത്​. ഈ ഹോട്ടൽ വ്യവസായം തുടങ്ങാൻ ബിനീഷ്​ കോടിയേരിയാണ്​ പണം മുടക്കിയതെന്ന്​ നാർക്കോട്ടിക്​ കൺട്രോൾ ബ്യൂറോക്ക്​ മുഹമ്മദ്​ അനൂപ്​ നൽകിയ മൊഴിയിൽ പറയു​ന്നുണ്ടെന്നും ഫിറോസ്​ പറഞ്ഞു.

സ്വപ്​ന സുരേഷ്​ പിടിക്കപ്പെട്ട ജൂലൈ 10ന്​ മുഹമ്മദ്​ അനൂപിൻെറ ഫോണിലേക്ക്​ നിരവധി തവണ​ ബിനീഷ്​ കോടിയേരി വിളിച്ചിട്ടുണ്ട്​. അനൂപി​െൻറ ഫോൺ ലിസ്​റ്റിൽ സ്വർണക്കടത്ത്​ കേസിലെ നിരവധി പേരുമായി ബന്ധമുണ്ടെന്ന്​ വ്യക്​തമായിട്ടുണ്ട്​.

ജൂൺ 19ന്​ കുമരകത്ത്​ നടന്ന നൈറ്റ്​ പാർട്ടിയിൽ അനൂപും ബിനീഷ്​ കോടിയേരിയും പ​ങ്കെടുത്തതായും ഫിറോസ്​ ആരോപിച്ചു. ചിത്രം അനൂപ്​​ തന്നെ ​ ഫേസ്​ബുക്കിൽ ഷെയർ ചെയ്​തിട്ടുണ്ട്​. ബോളിവുഡിന്​ പിന്നാലെ കേരളത്തിലെ സിനിമരംഗത്തും മയക്കുമരുന്ന്​ മാഫിയ ബന്ധമുണ്ട്​. ഇതേക്കുറിച്ച്​ സമഗ്രമായ അന്വേഷണം നടത്തണം.

ബിനീഷി​െൻറ പോസ്​റ്റുകളാണ്​ അനൂപ്​​​ ഫേസ്​ബുക്കിൽ പങ്കുവെച്ചതിൽ അധികവും. 2019 സെപ്​റ്റംബർ 25ന്​ അനൂപി​െൻറ മറ്റൊരു ഹോട്ടൽ ഉദ്​ഘാടനത്തിന്​ ബിനീഷ്​ കോടിയേരി സംസാരിക്കുന്ന വിഡിയോയും ഫേസ്​ബുക്കിലുണ്ട്​. ഇവർ മയക്കുമരുന്ന്​ ഇടപാട്​ നടത്തുന്ന ബംഗളൂരുവിലെ റോയൽ സ്യൂട്ട്​ അപ്പാർട്ട്​മെൻറിൽ ബിനീഷ്​ കോടിയേരി നിത്യസന്ദർശകനാണ്​. ലോക്​ഡൗൺ കാലത്ത്​ പോലും ആഴ്​ചകളോളം ഇവിടെ വന്നിരുന്നതായി പരിസരവാസികൾ പറഞ്ഞതായും ഫിറോസ്​ വ്യക്​തമാക്കി.

എന്നാൽ, അനൂപിനെ വ്യക്​തിപരമായി പരിചയമുണ്ടെന്നും മയക്കുമരുന്ന്​ ഇടപാട്​ നടത്തുന്ന കാര്യം അറിയില്ലെന്നുമാണ്​ ബിനീഷ് ​കോടിയേരി മാധ്യമങ്ങളോട്​ പറഞ്ഞത്​. അനൂപ്​​ അറസ്​റ്റിലായ വിവരം എനിക്ക്​ വളരെ ഷോക്കിങ്ങായിരുന്നു. അയാൾക്ക്​ ഇങ്ങനെ മയക്കുമരുന്ന്​ സംഘവുമായി ബന്ധമുണ്ടെന്ന കാര്യം ഇതുവരെ അറിയില്ലായിരുന്നു. ഹോട്ടൽ തുടങ്ങാൻ എന്നോടടക്കം പണം കടംവാങ്ങിയിരുന്നു. എന്നാൽ, ആ ബിസിനസ്​ പിന്നീട്​ പരാജയപ്പെട്ടു.

ബംഗളൂരുവിൽ പോകു​േമ്പാൾ ഹോട്ടലിൽ റൂമെടുക്കാൻ അനൂപ്​​ സഹായിക്കാറു​ണ്ടെന്നത്​ സത്യമാണ്​. സ്വപ്​ന സുരേഷ്​ അറസ്​റ്റിലായ ദിവസം ഫോൺ വിളിച്ചതും കുമരകത്തെ നിശാപാർട്ടിയും വെറുതെ പ്രചരിപ്പിക്കുന്ന കഥകളാണ്​. അതിലൊന്നും കാര്യമില്ല. അത്തരം ആരോപണങ്ങൾ കാലങ്ങളായി കേൾക്കുന്നതാണ്​. അതൊന്നും കാര്യമാക്കുന്നില്ല എന്നുമാണ്​ ബിനീഷ്​ പറഞ്ഞിരുന്നത്​.

Show Full Article
TAGS:bineesh kodiyeri pk firos banglore narcotic case 
News Summary - pk firos is against bineesh kodiyeri
Next Story