എസ്.എഫ്.ഐക്ക് വീണ്ടും ഗുഡ് സർട്ടിഫിക്കറ്റുമായി പി.ജെ. കുര്യൻ; യൂത്ത് കോൺഗ്രസിന് ഒരു നേതാവിന്‍റെയും സർട്ടിഫിക്കറ്റ് വേണ്ടെന്ന് രാഹുൽ മാങ്കൂട്ടത്തിൽ

പത്തനംതിട്ട/പാലക്കാട്: യൂത്ത് കോൺഗ്രസിനെതിരായ വിമർശനം ആവർത്തിച്ച് മുതിർന്ന കോൺഗ്രസ് നേതാവ് പി.ജെ. കുര്യൻ രംഗത്ത്. കോ​ൺ​ഗ്ര​സ് സ​മ​രസംഗമ​ വേ​ദി​യിൽ പറഞ്ഞ കാര്യങ്ങളിൽ ഉറച്ചുനിൽക്കുന്നതായി പി.ജെ. കുര്യൻ മാധ്യമങ്ങളോട് പറഞ്ഞു.

സദുദ്ദേശത്തോടെയാണ് തന്‍റെ വിമർശനം. സംഘടന ഇങ്ങനെ പോയാൽ പോരെന്നാണ് താൻ ഉദ്ദേശിച്ചത്. സമരത്തിൽ മാത്രം ശ്രദ്ധ കേന്ദ്രീകരിച്ചാൽ പോരാ. ബൂത്തുകളിൽ ചെറുപ്പക്കാർ കുറവാണ്, എന്നാൽ മറുപക്ഷം ശക്തരാണ്. എസ്.എഫ്.ഐയുടെ അക്രമാസക്ത പോരാട്ടത്തെയല്ല, ബൗദ്ധികവും പ്രത്യയശാസ്ത്രപരവുമായ പോരാട്ടത്തെയാണ് പ്രകീർത്തിച്ചത്.

തെരഞ്ഞെടുപ്പ് ജയിക്കാൻ ചെറുപ്പക്കാർ വേണം. യുവ നേതാക്കൾ പഞ്ചായത്തുകളിലേക്ക് പോകണം. നിലമ്പൂർ തെരഞ്ഞെടുപ്പിലെ ചാണ്ടി ഉമ്മന്‍റെ പ്രവർത്തനം മാതൃകയാണെന്നും പി.ജെ. കുര്യൻ വ്യക്തമാക്കി.

അതേസമയം, പി.ജെ. കുര്യന്‍റെ വിമർശനത്തിന് ചുട്ട മറുപടിയുമായി യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ രംഗത്തെത്തി. ഏതെങ്കിലും നേതാവിന്‍റെ ഗുഡ് സർട്ടിഫിക്കറ്റിന് വേണ്ടിയല്ല യൂത്ത് കോൺഗ്രസ് പ്രവർത്തിക്കുന്നതെന്ന് രാഹുൽ തിരിച്ചടിച്ചു.

സംഘടനാ ബോധ്യത്തിന്‍റെ അടിസ്ഥാനത്തിലും നാട്ടിലെ പൊതുസമൂഹത്തിനും വേണ്ടിയുമാണ് യൂത്ത് കോൺഗ്രസിന്‍റെ പ്രവർത്തനം. പിണറായി സർക്കാറിന്‍റെ പി.ആർ വർക്കായ നവകേരളസദസിന്‍റെ കാപട്യത്തെ തുറന്നു കാണിക്കാൻ സാധിച്ച സംഘടനയുടെ പേരാണ് യൂത്ത് കോൺഗ്രസ്. അതിൽ അഭിമാനമുണ്ട്. എല്ലാ തികഞ്ഞതാണെന്നും തിരുത്തൽ വരുത്തേണ്ടതില്ലെന്നുമുള്ള നിലപാടല്ല യൂത്ത് കോൺഗ്രസിനുള്ളത്. ഏതെങ്കിലും തരത്തിൽ മാറ്റം വരുത്തണമെങ്കിൽ അക്കാര്യം ചർച്ച ചെയ്യേണ്ടത് സംഘടനക്കുള്ളിലാണ്. തിരുത്തൽ ആവശ്യമെങ്കിൽ നടപ്പാക്കുമെന്നും രാഹുൽ പറഞ്ഞു.

ഏത് തരത്തിലുള്ള ബൗദ്ധികവും പ്രത്യയശാസ്ത്രപരവുമായ പോരാട്ടമാണ് എസ്.എഫ്.ഐ മുന്നോട്ടു വെച്ചതെന്ന് രാഹുൽ ചോദിച്ചു. ആർ.എസ്.എസുമായി ബന്ധമുള്ളവരെ ഗവർണർമാരായി നിയമിക്കുന്നതിൽ പ്രത്യയശാസ്ത്രപരമായി യൂത്ത് കോൺഗ്രസ് എതിരാണ്. കേരള ഗവർണറെ പുട്ടുംകടലയും കഴിക്കാൻ മുഖ്യമന്ത്രി പിണറായി വിജയൻ ക്ഷണിച്ചപ്പോൾ എസ്.എഫ്.ഐയുടെ നിലപാട് ആരും കണ്ടില്ല. ദക്ഷിണേന്ത്യൻ സംസ്ഥാനങ്ങളിൽ ആർ.എസ്.എസ് നിർദേശത്തെ തുടർന്ന് നിയമിച്ച ഗവർണർമാരെ സൽകരിക്കാൻ പിണറായി തീരുമാനിച്ചപ്പോഴും എസ്.എഫ്.ഐ ഒന്നും പറഞ്ഞിട്ടില്ല.

ഇത്തരം വിഷയങ്ങളിൽ സർക്കാർ സ്പോൺസേർഡ് അഡ്ജസ്റ്റ്മെന്‍റും വീണ ജോർജിനെതിരായ സമരത്തെ മറച്ചുപിടിക്കാനുമുള്ള ശ്രമങ്ങളല്ലാതെ എന്ത് പ്രത്യയശാസ്ത്രപരമായ പോരാട്ടമാണ് എസ്.എഫ്.ഐ നടത്തിയിട്ടുള്ളത്. എസ്.എഫ്.ഐക്കും ഡി.വൈ.എഫ്.ഐക്കും പിണറായിസം എന്ന പ്രത്യയശാസ്ത്രമാണുള്ളതെന്നും രാഹുൽ വ്യക്തമാക്കി.

ക​ഴി​ഞ്ഞ ദി​വ​സം പ​ത്ത​നം​തി​ട്ട​യി​ൽ ന​ട​ന്ന കോ​ൺ​ഗ്ര​സ് സ​മ​ര സം​ഗ​മം ഉ​ദ്ഘാ​ട​ന വേ​ദി​യി​ലാ​ണ് എ​സ്.​എ​ഫ്.​ഐ​യെ പു​ക​ഴ്ത്തി​യും യൂ​ത്ത് കോ​ൺ​ഗ്ര​സി​നെ വി​മ​ർ​ശി​ച്ചും മു​തി​ർ​ന്ന കോ​ൺ​ഗ്ര​സ് നേ​താ​വ് പി.​ജെ. കു​ര്യ​ൻ രംഗത്തുവന്നത്. എ​സ്.​എ​ഫ്.​ഐ ക്ഷു​ഭി​ത​യൗ​വ​ന​ത്തെ കൂ​ടെ​നി​ർ​ത്തു​ക​യാ​ണെ​ന്നും എ​ന്നാ​ൽ, യൂ​ത്ത് കോ​ൺ​ഗ്ര​സ് നേ​താ​ക്ക​ളെ ടി.​വി​യി​ൽ കാ​ണാ​മെ​ന്നും അ​ദ്ദേ​ഹം പ​റ​ഞ്ഞു.

യൂ​ത്ത് കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​ൻ രാ​ഹു​ൽ മാ​ങ്കൂ​ട്ട​ത്തി​ൽ വേ​ദി​യി​ലി​രി​ക്കെ​യാ​യി​രു​ന്നു പി.​ജെ. കു​ര്യ​ന്റെ വി​മ​ർ​ശ​നം. കെ.​പി.​സി.​സി അ​ധ്യ​ക്ഷ​ൻ, യു.​ഡി.​എ​ഫ് ക​ൺ​വീ​ന​ർ എ​ന്നി​വ​രും വേ​ദി​യി​ലു​ണ്ടാ​യി​രു​ന്നു. ‘‘യൂ​ത്ത് കോ​ൺ​ഗ്ര​സി​ന്റെ ജി​ല്ല പ്ര​സി​ഡ​ന്റു​ണ്ട്. അ​ദ്ദേ​ഹ​ത്തെ വ​ല​പ്പോ​ഴു​മൊ​ക്കെ ടി.​വി​യി​ലൊ​ക്കെ കാ​ണും. എ​ന്തു​കൊ​ണ്ട് ഓ​രോ മ​ണ്ഡ​ല​ത്തി​ലും പോ​യി ചെ​റു​പ്പ​ക്കാ​രെ വി​ളി​ച്ചു​കൂ​ട്ടു​ന്നി​ല്ല. എ​സ്.​എ​ഫ്.​ഐ​യു​ടെ സ​മ​രം നി​ങ്ങ​ൾ ക​ണ്ടി​ല്ലേ. യൂ​നി​വേ​ഴ്സി​റ്റി​യി​ൽ ചെ​ന്ന്, അ​ഗ്ര​സീ​വാ​യ യൂ​ത്തി​നെ അ​വ​ർ അ​വ​രു​ടെ കൂ​ടെ​നി​ർ​ത്തു​ന്നു’’-​പി.​ജെ. കു​ര്യ​ൻ പ​റ​ഞ്ഞു.

സം​സ്ഥാ​ന സ​ർ​ക്കാ​രി​നെ​തി​രേ ശ​ക്ത​മാ​യ പ്ര​ചാ​ര​ണം ന​ട​ക്കു​മ്പോ​ഴും സി.​പി.​എ​മ്മി​ന്റെ സം​ഘ​ട​ന​സം​വി​ധാ​നം അ​ടി​യു​റ​ച്ച​താ​ണ്. ഓ​രോ മ​ണ്ഡ​ല​ത്തി​ലും 25 പ്ര​വ​ർ​ത്ത​ക​രെ​യെ​ങ്കി​ലും സം​ഘ​ടി​പ്പി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ കാ​ര്യ​മി​ല്ല. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ത​ന്റെ അ​ഭി​പ്രാ​യം മാ​നി​ച്ചി​രു​ന്നെ​ങ്കി​ൽ മൂ​ന്ന് സീ​റ്റി​ലെ​ങ്കി​ലും വി​ജ​യി​ക്കാ​മാ​യി​രു​ന്നെ​ന്നും കു​ര്യ​ൻ പ​റ​ഞ്ഞു. അ​ടൂ​ർ പ്ര​കാ​ശ് അ​ട​ക്കം നേ​താ​ക്ക​ൾ ത​ന്റെ അ​ഭി​പ്രാ​യം അ​വ​ഗ​ണി​ച്ചു. ഇ​ത്ത​വ​ണ​യും സ്ഥാ​നാ​ർ​ഥി​ക​ളെ അ​ടി​ച്ചേ​ൽ​പി​ക്കാ​നാ​ണ് ശ്ര​മ​മെ​ങ്കി​ൽ വ​ലി​യ പ​രാ​ജ​യം കാ​ത്തി​രി​ക്കു​ക​യാ​ണെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.

പി.​ജെ. കു​ര്യ​ന്‍റെ വി​മ​ർ​ശ​നം ഉ​ൾ​ക്കൊ​ള്ളു​ന്ന​താ​യി യോ​ഗ​ത്തി​ൽ സം​സാ​രി​ച്ച രാ​ഹു​ൽ മാ​ങ്കൂ​ട്ട​ത്തി​ൽ പ​റ​ഞ്ഞു. കു​ടും​ബ​സം​ഗ​മ​ങ്ങ​ളി​ൽ പ്ര​വ​ർ​ത്ത​ക​രു​ടെ സാ​ന്നി​ധ്യം കു​റ​വാ​യാ​ലും തെ​രു​വി​ൽ കു​റ​യാ​തി​രി​ക്കാ​ൻ ശ്ര​മി​ക്കു​മെ​ന്ന്​ പ​റ​ഞ്ഞ രാ​ഹു​ൽ, യോ​ഗം ന​ട​ക്കു​ന്ന സ​മ​യ​ത്ത്​ ആ​ല​പ്പു​ഴ​യി​ൽ നി​ന്ന്​ യൂ​ത്ത്​ കോ​​ൺ​ഗ്ര​സ്​ പ്ര​വ​ർ​ത്ത​ക​രെ പൊ​ലീ​സ്​ മ​ർ​ദി​ക്കു​ന്ന​തി​ന്‍റെ വാ​ർ​ത്ത വ​ന്നു​കൊ​ണ്ടി​രി​ക്കു​ന്നു​വെ​ന്നും സൂ​ചി​പ്പി​ച്ചു.