ജോസ് കെ. മാണി പാര്‍ട്ടിയിലില്ല, ഇനി സ്വന്തം വഴി നോക്കാം -പി.ജെ ജോസഫ്

കോട്ടയം: പാലാ ഉപതെരഞ്ഞെടുപ്പ്​ തോൽവിയിൽ ജോസ് കെ. മാണിയെ കുറ്റപ്പെടുത്തി കേരള കോൺഗ്രസ്​ വർക്കിങ്​ ചെയർമാൻ പി.ജെ ജോസഫ്. ജോസ് കെ. മാണി നിലവിൽ പാര്‍ട്ടിയിലില്ല. ജോസിന്​ ഇനി സ്വന്തം വഴി നോക്കാം. ജോസ് കെ. മാണിക്കൊപ്പമുള്ള അണികളും കൊഴിയുകയാണെന്ന്​ ജോസഫ്​ പറഞ്ഞു.

പാലായിൽ തനിക്ക് അണികളുണ്ടോ എന്ന് തെളിയിക്കും. ഇതി​​​െൻറ ഭാഗമായി കേരള കോൺഗ്രസ്​ പാലായിൽ ശക്തിപ്രകടനം നടത്തും. പാലായിൽ ജനസമ്മതിയും സ്വീകാര്യതയുമില്ലാത്ത സ്ഥാനാർത്ഥിയായിരുന്നു മത്സരിച്ചതെന്നും ജോസഫ് കുറ്റപ്പെടുത്തി.