അണികൾ അടക്കം പറയുന്നു -‘അപ്പച്ചൻ പറഞ്ഞാൽ അപ്പു ഇടുക്കിയിൽ’

തൊടുപുഴ: ഇടുക്കിയിൽ പാർലമ​​െൻറ്​ സ്ഥാനാർഥിയായി കേരള കോൺഗ്രസ്​ വർക്കിങ്​ ചെയർമാൻ പി.ജെ. ജോസഫി​​​െൻറ മകൻ അപ്പു ജോൺ ജോസഫ്​ വരുമോ? ഇൗ അഭ്യൂഹവും ചർച്ചയും സജീവമാകുന്നതിനിടെ അപ്പു സാധ്യത തള്ളുന്നുമില്ല. ജോസ്​ കെ. മാണിയെ രാജ്യസഭയിലേക്ക്​ അയക്കാൻ പിന്തുണച്ചതിനു പകരമായി അപ്പുവിനെ പാർലമ​​െൻറിലേക്ക്​ മത്സരിപ്പിക്കാമെന്ന്​ മാണി വാക്കുപറഞ്ഞെന്ന്​​ പാർട്ടി കേന്ദ്രങ്ങൾ അടക്കം പറയുന്നതിനിടെയാണിത്​.

എന്നാൽ, ജോസഫ്​ ഇക്കാര്യത്തിൽ മനസ്സ്​ തുറന്നിട്ടില്ല. മക​​​െൻറ രാഷ്​ട്രീയ പ്രവേശനം ആ​േലാചിച്ചി​േട്ടയില്ലെന്നാണ്​ ജോസഫി​​​െൻറ നിലപാട​്​. കോട്ടയം പാർലമ​​െൻറ്​ സീറ്റാണ്​ യു.ഡി.എഫ്​ ചർച്ചയിൽ ഉറച്ചിട്ടുള്ളതെന്നും ​േജാസഫ്​ വ്യക്തമാക്കുന്നു. അതേസമയം, രാഷ്​ട്രീയ പ്രവേശനം, ഇടുക്കി സീറ്റ്​ എന്നിവയെക്കുറിച്ച്​​ അപ്പു ‘മാധ്യമ’ത്തോട്​ മനസ്സ്​ തുറന്നത്​ ഇങ്ങനെ -‘‘ആ​േലാചന നടന്നതായി അറിയില്ല. ഒരു തീരുമാനവും എടുത്തിട്ടില്ല. ചെയ്​തേ പറ്റൂ എന്ന്​ അപ്പച്ചൻ പറഞ്ഞാൽ അതുണ്ടാകും’’. പാർട്ടിയിൽനിന്ന്​ ഇപ്പോൾ തന്നെ ഇത്തരത്തിൽ ആവശ്യം ഉയരുന്നുണ്ടെന്നും അപ്പു വ്യക്തമാക്കുന്നു​. ‘‘കൃഷിയും സാമൂഹിക പ്രവർത്തനവുമാണ്​ ഇപ്പോൾ എ​​​െൻറ വഴി. അപ്പച്ച​​​െൻറ മാതൃക പിന്തുടർന്ന്​ സാമൂഹിക പ്രവർത്തനത്തി​​​െൻറ വഴിയിൽ ഞാനുണ്ട്​. രാഷ്​ട്രീയത്തിൽ വരുക എന്നത്​  സ്വപ്​നമായി​െട്ടടുത്തിട്ടില്ല. അനിവാര്യതയാണ്​ എല്ലാത്തി​​​െൻറയും അടിസ്ഥാനം. ഒരു സാധ്യതയും തള്ളാനാകില്ല’’ -അദ്ദേഹം പ്രതികരിച്ചു. 

ഇലക്​ട്രോണിക്​സ്​ ആൻഡ്​​ കമ്യൂണിക്കേഷൻ എൻജിനീയറിങ്ങിൽ മാസ്​റ്റർ​ ബിരുദമുള്ള അപ്പു ഇവിടെയും സ്വിറ്റ്​സർലൻഡിലും ജോലി ചെയ്​ത ശേഷം നാട്ടിലെത്തി മുഴുവൻ സമയ കൃഷിക്കാരനായി മാറിയിട്ട്​ വർഷങ്ങളായി. പാർട്ടി പ്രവർത്തകരുമായി ചേർന്ന്​ സാമൂഹിക-കാരുണ്യ പ്രവർത്തനങ്ങൾ നടത്തുന്ന അപ്പുവിനെ രാഷ്​ട്രീയത്തിൽ ​സജീവമാക്കുന്നത്​ പാർട്ടിയുടെ വിദ്യാർഥി സംഘടനയായ കെ.എസ്​.സിയും യൂത്ത്​ ഫ്രണ്ടുമാണ്​. ഇൗ സംഘടനകളുടെ ഇടുക്കിയിലെ പരിപാടികളിൽ കാരുണ്യപദ്ധതികൾ ഉൾപ്പെടുത്തി അപ്പുവിനെ പ​െങ്കടുപ്പിക്കുന്നുണ്ട്​​. 

കോൺഗ്രസുമായി കലഹിച്ച്​ സീറ്റുവാങ്ങി മകനെ മത്സരിപ്പിക്കാൻ ജോസഫിന്​ താൽപര്യമില്ല. ഇടുക്കി കേരള കോൺഗ്രസിനായാൽ കാര്യങ്ങൾ ജോസഫി​​​െൻറ കൈകളിലെത്തും.