തളങ്കരയിൽ രണ്ട് തോക്കും തിരകളും കണ്ടെത്തി

കാസർകോട്: തളങ്കരയിൽ പഴക്കമുള്ള തോക്കുകളും തിരകളും കണ്ടെത്തി. റെയിൽവെ സ്റ്റേഷന് സമീപത്താണ് രണ്ട്​ നാടൻ തോക്കുകളും ആറ്​ തിരയും കണ്ടെത്തിയത്.

വെള്ളിയാഴ്​ച വൈകീട്ട് ഓവുചാൽ വൃത്തിയാക്കന്നതിനിടെ തമിഴ് തൊഴിലാളികളാണ് തോക്കുകൾ കണ്ടത്. തുടർന്ന് കാസർകോട് ടൗൺ പൊലീസെത്തി തോക്കും തിരകളും കസ്റ്റഡിയിലെടുത്തു.

പിസ്റ്റൾ മാതൃകയിലുള്ള തോക്കിനും തിരകൾക്കും 20 വർഷത്തിലേറെ പഴക്കമുണ്ടെെന്നാണ് പ്രാഥമിക നിഗമനം. സംഭവത്തിൽ കൂടുതൽ അന്വേഷണം നടക്കും.