പിറവം പള്ളി: ഒാർത്തഡോക്സ് വിഭാഗത്തിന്​ പൊലീസ് സംരക്ഷണം നൽകണം -ഹൈകോടതി

കൊച്ചി: പിറവം സ​െൻറ്​ മേരീസ് വലിയപള്ളിയിൽ ഒാർത്തഡോക്സ് പുരോഹിതർക്ക് മതപരമായ ചടങ്ങുകൾ നടത്താനും വിശ്വാസിക ൾക്ക് പങ്കെടുക്കാനും മതിയായ പൊലീസ് സംരക്ഷണം നൽകണമെന്ന്​ ഹൈകോടതി. യാക്കോബായ വിഭാഗം ഇവരെ തടയുന്നില്ലെന്ന് പെ ാലീസ് ഉറപ്പാക്കണമെന്നും ജസ്​റ്റിസ്​ എ.എം. ഷഫീഖ്​, ജസ്​റ്റിസ്​ എൻ. അനിൽകുമാർ എന്നിവരടങ്ങുന്ന ഡിവിഷൻ ബെഞ്ച്​ ഉത് തരവിട്ടു. സുപ്രീംകോടതിയിൽനിന്ന്​ അനുകൂല വിധിയുണ്ടായിട്ടും യാക്കോബായ വിഭാഗം തങ്ങളെ പള്ളിയിൽ കയറ്റുന്നില്ലെന ്ന്​ കാട്ടി പൊലീസ്​ സംരക്ഷണം തേടി ഒാർത്തഡോക്‌സ് വിഭാഗത്തിലെ ഫാ. സ്കറിയ വട്ടക്കാട്ടിൽ, ഫാ. മാത്യു വട്ടക്കാട്ടിൽ, ഫാ. മാത്യൂസ് കാഞ്ഞിരംപാറ തുടങ്ങിയവർ നൽകിയ ഹരജിയാണ് കോടതി പരിഗണിച്ചത്​.

യാക്കോബായ വിഭാഗക്കാർ ഗേറ്റ് പൂട്ടുന്നതിനാൽ സുപ്രീംകോടതി വിധിയനുസരിച്ച് പള്ളി ഭരണം ഏറ്റെടുക്കാൻ തങ്ങൾക്ക്​ കഴിയുന്നില്ലെന്ന്​ ഹരജിക്കാർ ആരോപിച്ചു. ഒാർത്തഡോക്സ് വിഭാഗത്തിനനുകൂലമായി സുപ്രീംകോടതി തീർപ്പു കൽപിച്ചിട്ടുള്ളതാണെന്നും ഉത്തരവ് നടപ്പാക്കുന്നതിൽ ആത്​മീയാവകാശവുമായി ബന്ധപ്പെട്ട വാദങ്ങൾക്ക് പ്രസക്തിയില്ലെന്നും കോടതി അഭിപ്രായപ്പെട്ടു. വിധി നടപ്പാക്കാൻ ശ്രമിക്കു​േമ്പാൾ പള്ളിയിൽ ക്രമസമാധാന പ്രശ്നങ്ങളുണ്ടാവുന്നുണ്ടെന്നാണ് സർക്കാറി​​െൻറ വിശദീകരണത്തിൽനിന്ന് മനസ്സിലാകുന്നത്​. ഇക്കാര്യത്തിൽ നിയമാനുസൃത നടപടികൾ പൊലീസിന് സ്വീകരിക്കാമെന്നും കോടതി വ്യക്​തമാക്കി.

ഹരജി പരിഗണിക്കവേ, ഹാരിസൺ കേസിൽ പൊലീസിന്​ നിർദേശം നൽകി ഹൈകോടതി വിധി പുറപ്പെടുവിച്ചത്​ ​സർക്കാറിന്​ വേണ്ടി സ്​റ്റേറ്റ്​ അറ്റോർണി ചൂണ്ടിക്കാട്ടി. ഹാരിസൺ എസ്​റ്റേറ്റിൽ അതിക്രമിച്ചു കയറിയവരെ ഒഴിപ്പിക്കണമെന്ന കേസിലായിരുന്നു ഈ വിധി​. പൊലീസിന് അവരുടെ മേഖലയിൽ നടപടികൾ സ്വീകരിക്കാനുള്ള പ്രവർത്തന സ്വാതന്ത്ര്യമുണ്ടെന്ന് ഇൗ വിധിയിൽ പറയുന്നതായി ഡിവിഷൻ ബെഞ്ച് ചൂണ്ടിക്കാട്ടി.

പൊലീസിൽനിന്ന് നിഷ്ക്രിയത്വമല്ല പ്രതീക്ഷിക്കുന്നത്. ഉത്തരവാദിത്തത്തിൽനിന്ന് അവർക്ക്​ ഒഴിഞ്ഞുമാറാനാവില്ല. എതിർകക്ഷികളായ സംസ്ഥാന സർക്കാർ, ഡി.ജി.പി, ജില്ല കലക്ടർ, മധ്യമേഖല ഐ.ജി, എറണാകുളം റൂറൽ ജില്ല പൊലീസ് സൂപ്രണ്ട്, മൂവാറ്റുപുഴ ഡിവൈ.എസ്.പി, പിറവം സി.ഐ എന്നിവർ ഹരജിക്കാർക്ക് മതിയായ പൊലീസ് സംരക്ഷണം ഉറപ്പാക്കണമെന്ന്​ കോടതി നിർദേശിച്ചു.