ചായ കുടിക്കാൻ പോയപ്പോഴല്ല അലനേയും താഹയേയും അറസ്​റ്റ്​ ചെയ്​തത്​ -പിണറായി

തിരുവനന്തപുരം: പന്തീരങ്കാവ്​ കേസിൽ അലൻ ഷുഹൈബിനെയും താഹ ഫസലിനെയും ചായകുടിക്കാന്‍ പോയപ്പോഴല്ല പൊലീസ് പിടികൂടിയതെന്ന് മുഖ്യമന്ത്രി പിണറായി വിജയൻ. അവര്‍ എന്തോ പരിശുദ്ധന്മാരാണെന്നും തെറ്റുചെയ്യാത്തവരാണെന്നുമുള്ള ധാരണ വേ​ണ്ട. അവർ​ ഇത്തരം കാര്യങ്ങളിൽ പങ്കില്ലാത്തവരാ​െണ​ന്ന്​ കരുതുന്നില്ല. നേരത്തേ പറഞ്ഞ അഭിപ്രായത്തിൽ ത​െന്ന ഇപ്പോഴും താൻ നിൽക്കുന്നു. യു.എ.പി.എ ചുമത്തിയത് മഹാ അപരാധമാണെന്ന്​ പറയാൻ നിങ്ങൾ ആഗ്രഹിക്കുന്നുവെങ്കിലും താൻ പറയുന്നി​െല്ലന്നും മുഖ്യമന്ത്രി മാധ്യമങ്ങളോടു പ്രതികരിച്ചു.

കേസ്​ എൻ.​െഎ.എ ഏറ്റെടുത്തത്​ നിയമത്തിലെ വ്യവസ്ഥ പ്രകാരമാണ്​. നിയമത്തി​​െൻറ ഏറ്റവും അപകടകരമായ വശം ഏത്​ ഘട്ടത്തിലും അവർക്ക്​ ഏറ്റെടുക്കാം എന്നതാണ്​. ആ ഉത്തരവിൽ തന്നെ സ്വന്തം നിലക്ക്​ ഏറ്റെടുക്കുകയാണെന്ന്​ പറഞ്ഞിട്ടുണ്ട്​. നമ്മൾ ആവശ്യപ്പെടുകയോ വിടുകയോ ചെയ്​തതല്ല. യു.എ.പി.എക്ക്​ നമ്മൾ എതിരാണ്​. എന്നാൽ, യു.എ.പി.എ വകുപ്പ്​ ചുമത്തപ്പെട്ട കേസുകൾ ഇവിടെ ഉണ്ടായിട്ടുണ്ട്​. അത്​ കാണാതിരിക്കണ്ട. റിവ്യൂ സംവിധാനം നമ്മുടെ കൈയിൽ ഉണ്ടായാൽ കുറ്റപത്രത്തി​​െൻറ ഘട്ടത്തിൽ നമ്മൾ പരിശോധിക്കും. പക്ഷേ, ആ ഘട്ടത്തിലേക്ക്​ ഇത്​ എത്തിയിട്ടില്ല. അതിന്​ മുമ്പ്​ എൻ.ഐ.എ ഏ​െറ്റടുത്തു -മുഖ്യമന്ത്രി പറഞ്ഞു.

പൗരത്വ നിയമത്തിൽ കേരളം പാസാക്കിയത്​ സുപ്രധാന പ്രമേയമാണ്​. നന്മയുടെ പക്ഷമുള്ള ഒരു കാര്യത്തിലും കേരളം പിറകിലല്ല. പ്രമേയം നിയമവിരുദ്ധമല്ല. നിയമസഭക്ക്​ അതി​േൻറതായ അവകാശങ്ങളുണ്ടെന്നും പിണറായി പറഞ്ഞു .ഗവർണറുടേത്​ ​അദ്ദേഹത്തിൻെറ അഭിപ്രായം മാത്രമാണ്​. കേരള പുനർനിർമ്മാണത്തെ കുറിച്ചുള്ള ആശയങ്ങൾ കേരളസഭയിലുണ്ടാകുമെന്നും ​​​അദ്ദേഹം കൂട്ടിച്ചേർത്തു.

പള്ളിത്തർക്കം ക്രമസമാധാന പ്രശ്​നമായി മാറരുതെന്നാണ്​ സർക്കാർ നിലപാട്​. തർക്കങ്ങളുള്ള പള്ളികളിലെ സംസ്കാരത്തിന്​ ഓർഡിനൻസ്​ കൊണ്ടു വരും. ഇത്തരം പള്ളികളിൽ സെമിത്തേരിക്ക്​ പുറത്ത്​ സംസ്​കാര ശുശ്രഷ നടത്താം. കുടുംബ കല്ലറകളിൽ അടക്കാൻ അനുമതി നൽകുമെന്നും മുഖ്യമന്ത്രി പറഞ്ഞു.

​പ്രകൃതി ദുരന്തങ്ങളുണ്ടാവു​േമ്പാൾ രക്ഷാപ്രവർത്തനത്തിനായി സാമൂഹിക സന്നദ്ധ സേനക്ക്​ രൂപം നൽകും. ഇതിൽ 3,40000 അംഗങ്ങളുണ്ടാകും. ഇവർക്ക്​ സംസ്ഥാന സർക്കാർ പരിശീലനം നൽകും.റേഷൻകാർഡില്ലാത്തവർക്ക്​ ഈ വർഷം തന്നെ നൽകും. പൊതുശുചിമുറികൾ കൂടുതലായി നിർമ്മിക്കും. വിദ്യാർഥികൾക്ക്​ പാർടൈം ജോലി എടുക്കാനുള്ള സംസ്​കാരം വളർത്തിയെടുക്കണമെന്നും അദ്ദേഹം ആവശ്യ​പ്പെട്ടു.

നഗരങ്ങളിൽ സ്​ത്രീകൾക്കും കുട്ടികൾക്കും ഒരു രാത്രി താമസത്തിന്​ സൗകര്യമൊരുക്കും. റോഡുകളുടെ നിർമ്മാണം ഈ വർഷം തന്നെ പൂർത്തിയാക്കും. തൊഴിലവസരങ്ങൾ വർധിപ്പിക്കാൻ തദ്ദേശസ്വയംഭരണ സ്ഥാപനങ്ങളുമായി ആലോചിച്ച്​ പ്രത്യേക പദ്ധതി തയാറാക്കുമെന്നും അദ്ദേഹം കൂട്ടിച്ചേർത്തു.