ട്വൻറി20ക്ക് പൈനാപ്പിൾ ചിഹ്നം

കിഴക്കമ്പലം: നിയമസഭ തെരഞ്ഞെടുപ്പില്‍ കന്നിയങ്കത്തിന് തയാറെടുക്കുന്ന ട്വൻറി20ക്ക് പൈനാപ്പിള്‍ ചിഹ്നം കേന്ദ്ര തെരഞ്ഞെടുപ്പ് കമീഷന്‍ അനുവദിച്ചതായി പ്രസിഡൻറ്​ സാബു എം. ജേക്കബ് അറിയിച്ചു.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ മാങ്ങ ചിഹ്നത്തിലായിരുന്നു മത്സരിച്ചത്. നിയമസഭ തെരഞ്ഞടുപ്പില്‍ മാങ്ങ ചിഹ്നം ആവശ്യപ്പെ​െട്ടങ്കിലും തമിഴ്‌നാട്ടിലെ പട്ടാളിമക്കള്‍ കക്ഷിക്ക് തെരഞ്ഞടുപ്പ് കമീഷന്‍ മാങ്ങ നേര​േത്ത നല്‍കിയതിനാല്‍ ഇക്കുറി ട്വൻറി20ക്ക് പൈനാപ്പിളാണ് ലഭിച്ചത്.

ജില്ലയിലെ 14 നിയമസഭ മണ്ഡലങ്ങളിലാണ് ഇക്കുറി ട്വൻറി20 ജനവിധി തേടുന്നത്.