പ്രതിഷേധങ്ങൾക്കിടെ മുഖ്യമന്ത്രി അട്ടപ്പാടിയില്‍; മധുവിൻെറ വീട്ടിലെത്തി

പാ​ല​ക്കാ​ട്/​അ​ഗ​ളി​: ആ​ദി​വാ​സി യു​വാ​വ് മ​ധു​വി​​നെ മ​ർ​ദി​ച്ച്​ കൊ​ല​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ട സ്ഥി​തി​ഗ​തി​ക​ള്‍ വി​ല​യി​രു​ത്താ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ അ​ട്ട​പ്പാ​ടിയിലെത്തി. രാ​വി​ലെ പ​ത്തി​ന് അ​ഗ​ളി ‘കി​ല’ കേ​ന്ദ്ര​ത്തി​ലെ​ത്തിയ മു​ഖ്യ​മ​ന്ത്രി ജി​ല്ല​ത​ല ഉ​ദ്യോ​ഗ​സ്ഥ​രു​ടേ​യും അ​ട്ട​പ്പാ​ടി​യി​ലെ പ​ട്ടി​ക വി​ഭാ​ഗ ക്ഷേ​മ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന ഉ​ദ്യോ​ഗ​സ്ഥ​രു​ടേ​യും യോ​ഗ​ത്തി​ല്‍ പ​ങ്കെ​ടു​ത്തു. 

തു​ട​ർ​ന്ന്​ മ​ധു​വി​​​​​​​െൻറ മു​ക്കാ​ലി ചി​ണ്ട​ക്കി ഊ​രി​ലെ വീ​ട് സ​ന്ദ​ർ​ശി​ക്കുകയായിരുന്നു. മധുവിൻെറ കുടുംബാംഗങ്ങളെ മുഖ്യമന്ത്രി ആശ്വസിപ്പിച്ചു. സംഭവത്തിൽ അന്വേഷണം കുറ്റമറ്റ രീതിയില്‍ മുന്നോട്ടു പോകുന്നതായും പ്രതികൾക്ക് തക്കശിക്ഷ വാങ്ങിക്കൊടുക്കുന്നതിനുള്ള നടപടികൾ സർക്കാരിന്റെ ഭാഗത്തു നിന്നുണ്ടാവുമെന്നും  കുടുംബാംഗങ്ങളെ മുഖ്യമന്ത്രി അറിയിച്ചു. അമ്മ മല്ലി നൽകിയ നിവേദനം മുഖ്യമന്ത്രി സ്വീകരിച്ചു. സാമൂഹിക മാധ്യമങ്ങള്‍ വഴി നടത്തുന്ന അപവാദപ്രചാരണങ്ങൾക്കെതിരെ ശക്തമായ നടപടി സ്വീകരിക്കുമെന്നും അദ്ദേഹം പറഞ്ഞു.

അതിനിടെ പാലക്കാട് ഭാഗത്ത് നിന്ന് മണ്ണാർക്കാട് ഭാഗത്തേക്ക് വരുകയായിരുന്ന മുഖ്യമന്ത്രിക്കെതിരെ പ്രതിഷേധവുമായി എ.ബി.വി.പി.പ്രവർത്തകർ കല്ലടിക്കോട് ഭാഗത്ത് രംഗത്തിറങ്ങി. രാവിലെ 10.30 നായിരുന്നു സംഭവം. മധുവിൻറെ മരണത്തിൽ മന്ത്രിമാരുടെ രാജി ആവശ്യപ്പെട്ടായിരുന്നു പ്രതിഷേധം.

മുഖ്യമന്ത്രി പിണറായി വിജയനെതിരെ കല്ലടിക്കോട് നടന്ന എ.ബി.വി.പി പ്രവർത്തകരുടെ പ്രതിഷേധം

 

അ​തേ​സ​മ​യം, കൊ​ല​പാ​ത​ക​ത്തി​ൽ പൊ​ലീ​സി​​​​​​​െൻറ പ​ങ്ക് അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ആ​ദി​വാ​സി സം​ഘ​ട​ന​ക​ൾ രം​ഗ​ത്തെ​ത്തി. ത​യ്ക്കു​ല സം​ഘം, മൂ​പ്പ​ൻ​സ് കൗ​ൺ​സി​ൽ, ഗി​രി​ജ​ൻ സേ​വ​ക് സ​മി​തി, വ​ന​വാ​സി വി​കാ​സ കേ​ന്ദ്രം തു​ട​ങ്ങി​യ സം​ഘ​ട​ന​ക​ൾ ഉ​ൾ​പ്പെ​ട്ട സം​യു​ക്ത സ​മ​ര​സ​മി​തി അം​ഗ​ങ്ങ​ളാ​ണ് ആ​രോ​പ​ണം ഉ​ന്ന​യി​ച്ച​ത്. നി​ല​വി​ലെ അ​ന്വേ​ഷ​ണ​ത്തി​ൽ തൃ​പ്തി​യി​ല്ല. ഐ.​പി.​എ​സ് റാ​ങ്കി​ലു​ള്ള ഉ​ദ്യോ​ഗ​സ്ഥ​ൻ നേ​രി​ട്ട് അ​ന്വേ​ഷി​ക്കു​ക​യോ ജു​ഡീ​ഷ്യ​ൽ അ​ന്വേ​ഷ​ണം പ്ര​ഖ്യാ​പി​ക്കു​ക​യോ ചെ​യ്യ​ണം. 

മ​ധു​വി​​​​​​​െൻറ കൊ​ല​പാ​ത​ക​ത്തി​ന് ശേ​ഷം പൊ​ലീ​സ് പ​ല കാ​ര്യ​ങ്ങ​ളും മ​റ​ച്ചു​വെ​ക്കു​ന്നു​ണ്ട്. നാ​ട്ടു​കാ​ർ പി​ടി​കൂ​ടി​യ​തി​നു ശേ​ഷം ഒ​രു കി​ലോ​മീ​റ്റ​റോ​ളം മ​ധു ന​ട​ന്നി​ട്ടു​ണ്ട്. ഒ​രു മ​ണി​ക്കൂ​റോ​ളം മു​ക്കാ​ലി ജ​ങ്ഷ​നി​ൽ നി​ന്നു. പി​ന്നീ​ട് പൊ​ലീ​സ് വാ​ഹ​ന​ത്തി​ൽ മ​രി​ക്കു​ക​യാ​യി​രു​ന്നു. ഇ​തി​ൽ ദു​രൂ​ഹ​ത​യു​ണ്ട്. സം​ഭ​വ​ത്തി​ൽ ഉ​ൾ​പ്പെ​ട്ട വ​നം വ​കു​പ്പ് ജീ​വ​ന​ക്കാ​ർ​ക്കെ​തി​രെ ന​ട​പ​ടി ഉ​ണ്ടാ​യി​ട്ടി​ല്ല. അ​ട്ട​പ്പാ​ടി​യി​ലെ ആ​ദി​വാ​സി​ക​ളു​ടെ ദു​രൂ​ഹ മ​ര​ണ​ങ്ങ​ൾ സം​ബ​ന്ധി​ച്ച അ​ന്വേ​ഷ​ണം എ​ങ്ങു​മെ​ത്തി​യി​ട്ടി​ല്ല.

മാ​രു​തി​യു​ടെ കൊ​ല​പാ​ത​കം അ​ട​ക്ക​മു​ള്ള വി​ഷ​യ​ങ്ങ​ളി​ൽ പ​തി​റ്റാ​ണ്ട് പി​ന്നി​ട്ടി​ട്ടും യ​ഥാ​ർ​ഥ പ്ര​തി​ക​ൾ പി​ടി​യി​ലാ​യി​ട്ടി​ല്ല. അ​ട്ട​പ്പാ​ടി​യി​ൽ സ​ർ​ക്കാ​റു​ക​ളാ​ണ് ആ​ദി​വാ​സി ഭൂ​മി അ​ധി​ക​വും ത​ട്ടി​യെ​ടു​ത്ത​ത്. കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് കു​ടി​യേ​റ്റ​ക്കാ​രെ​യും ആ​ദി​വാ​സി സ​മൂ​ഹ​ത്തെ​യും സം​ഘ​ർ​ഷ​ത്തി​ലേ​ക്ക് ത​ള്ളി​വി​ടാ​ൻ ബോ​ധ​പൂ​ർ​വ നീ​ക്കം ന​ട​ക്കു​ന്ന​താ​യും ഇ​വ​ർ ആ​രോ​പി​ച്ചിരുന്നു.