പട്ടിയും വീടും നോക്കലല്ല പൊലീസിന്‍റെ പണി; കർശന നടപടി സ്വീകരിക്കും -മുഖ്യമന്ത്രി

തിരുവനന്തപുരം: പൊലീസിലെ ദാസ്യവേല വിഷയത്തിൽ അടിയന്തരപ്ര​േമയത്തിന്​ അനുമതി നിഷേധിച്ചതിൽ പ്രതിഷേധിച്ച്​​ പ്രതിപക്ഷം സഭയിൽനിന്ന്​ ഇറങ്ങിപ്പോയി. അതീവഗൗരവമായാണ്​ പൊലീസിലെ ദാസ്യവേലയെ സർക്കാർ കാണുന്നതെന്ന്​ മുഖ്യമന്ത്രി പിണറായി വിജയൻ പറഞ്ഞു. തെറ്റ്​ ചെയ്​തവർ എത്ര ഉന്നതരായാലും സംരക്ഷിക്കില്ല. സുരക്ഷക്കായി മാത്രം നിയോഗിച്ചിട്ടുള്ള പൊലീസുകാരെ ഏതെങ്കിലും ഉന്നത ഉദ്യോഗസ്ഥന്‍ ദാസ്യവൃത്തിക്കോ വ്യക്തിപരമായ ആവശ്യങ്ങള്‍ക്കോ ഉപയോഗിക്കുന്നതായി ശ്രദ്ധയിൽപെട്ടാല്‍ കര്‍ശന നടപടി സ്വീകരിക്കും.

ചിലരിൽ അധികാരശ്രേണി വല്ലാതെ ഭരിക്കുന്നതി​​​െൻറ പ്രശ്​നമാണ്​. ഇക്കാര്യത്തിൽ സമൂഹത്തിന്​ പൊതുവായ നിലപാടുണ്ട്​. കേരളീയ സംസ്​കാരമുണ്ട്​ -മുഖ്യമന്ത്രി പറഞ്ഞു. 
ഉന്നത ഉദ്യോഗസ്ഥരോടൊപ്പം പൊലീസിനെ നിയമിച്ചിട്ടുള്ളത് 1979 ജൂൺ 20ലെ സര്‍ക്കാര്‍ ഉത്തരവി​​​െൻറയും സംസ്ഥാന പൊലീസ്‌മേധാവി പുറപ്പെടുവിച്ച എക്‌സിക്യൂട്ടിവ് ഡയറക്ടീവി​​​െൻറയും അടിസ്ഥാനത്തിലാണ്. വിശിഷ്​ടവ്യക്തികളുടെ സുരക്ഷക്കായി പൊലീസിനെ നിയമിക്കുന്നത് സുരക്ഷാ അവലോകനസമിതിയുടെ നിർദേശപ്രകാരമാണ്. ഡിവൈ.എസ്​.പി റാങ്കിലുള്ള ഉദ്യോഗസ്ഥന് ഒരു സിവില്‍ പൊലീസ് ഓഫിസ​െറയും എസ്​.പി റാങ്കിലുള്ള ഉദ്യോഗസ്ഥന് രണ്ടുപേരെയും ഡി.​െഎ.ജി മുതല്‍ മുകളിലോട്ടുള്ള ഉദ്യോഗസ്ഥര്‍ക്ക് രണ്ടുപേരെയും സുരക്ഷാ ഡ്യൂട്ടിക്കായി നിയോഗിക്കാം. 

നിലവില്‍ 335 പൊലീസുകാരെ എസ്​.പി മുതല്‍ മുകളിലോട്ടുള്ള ഉന്നത പൊലീസുദ്യോഗസ്ഥരുടെ സുരക്ഷക്കായി നിയോഗിച്ചിട്ടുണ്ട്. സംസ്ഥാനത്ത് ന്യായാധിപന്മാരുടെ സുരക്ഷക്കായി 173 പൊലീസ് ഉദ്യോഗസ്ഥരെയും നിയമോപദേശകരുടെയും സര്‍ക്കാര്‍ അഭിഭാഷകരുടെയും സുരക്ഷക്കായി 26 പേരെയും മന്ത്രിമാരുടെയും മറ്റു നേതാക്കളുടെയും സുരക്ഷക്കായി 388 ഉദ്യോഗസ്ഥരെയും നിയമിച്ചിട്ടുണ്ട്. വിശിഷ്​ടവ്യക്തികളെ അവര്‍ നേരിടുന്ന സുരക്ഷാഭീഷണി കണക്കിലെടുത്ത് 191 പേര്‍ക്ക് സുരക്ഷ ഒരുക്കിയിട്ടുണ്ട്. 

സ്വതന്ത്ര്യം കവർന്നെടുക്കുന്ന ജമീന്ദാർമാരായി ഉന്നത പൊലീസ്​ ഉദ്യോഗസ്​ഥർ മാറു​െന്നന്ന്​ പ്രതിപക്ഷ നേതാവ്​ രമേശ്​ ചെന്നിത്തല പറഞ്ഞു. ​േപഴ്​സനൽ സെക്യൂരിറ്റി എന്ന ​ഒാമനപ്പേരിലാണ്​ വീട്ടുജോലി ചെയ്യിപ്പിക്കുന്നത്​. പൊലീസിനെ നിയ​​ന്ത്രിക്കുന്ന രാഷ്​ട്രീയനേതൃത്വത്തി​​​െൻറ പിടിപ്പുകേടാണ്​ ഇതിന്​ കാരണം. എ.ഡി.ജി.പിയു​െട മകൾ പൊലീസ്​ ഡ്രൈവറെ മർദിച്ച സംഭവം അന്വേഷിക്കാൻ പ്രത്യേകസംഘത്തെ നിയമിക്കണമെന്നും അദ്ദേഹം ആവശ്യപ്പെട്ടു.

എ.ഡി.ജി.പിയുടെ മകളുടെ തല്ലും കൊള്ളണം സ്​ത്രീപീഡനക്കേസിൽ പ്രതിയുമാകണമെന്നതാണ്​ അവസ്​ഥയെന്ന്​ അടിയന്തരപ്രമേയത്തിന്​ അനുമതി തേടിയ കെ. മുരളീധരൻ പറഞ്ഞു. എ.ഡി.ജി.പിയുടെ മകളെ ഇതുവരെ അറസ്​റ്റ്​ ചെയ്​തിട്ടില്ല. ക്യാമ്പ്​ ഫോളോവർമാരെ വീടുകളിൽ നിയമിച്ചിട്ടി​ല്ലെന്ന്​ നിയമസഭയിൽ മുഖ്യമന്ത്രി മറുപടി നൽകിയതിന്​ വിരുദ്ധമായാണ് പുറത്തുവരുന്ന വിവരങ്ങളെന്നും അ​േദ്ദഹം പറഞ്ഞു.