Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightചലച്ചിത്ര അവാർഡ്...

ചലച്ചിത്ര അവാർഡ് ജേതാക്കളെ അപമാനിച്ചു; സംസ്ഥാന സർക്കാർ കാട്ടിയത്​ മര്യാദകേട് ​-ചെന്നിത്തല

text_fields
bookmark_border
ചലച്ചിത്ര അവാർഡ് ജേതാക്കളെ അപമാനിച്ചു; സംസ്ഥാന സർക്കാർ കാട്ടിയത്​ മര്യാദകേട് ​-ചെന്നിത്തല
cancel

സംസ്ഥാന ചലച്ചിത്ര അവാർഡ് ജേതാക്കളെ സർക്കാർ അപമാനിച്ചെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. പിണറായി വിജയൻ സർക്കാർ സാംസ്കാരിക കേരളത്തെയാകെ വിലകുറച്ചുകാണുകയാണ്​. ചലച്ചിത്ര അക്കാദമി അവാർഡ് സംഘടിപ്പിക്കാൻ സാഹചര്യം ഉണ്ടാകുകയും അത്​ സംഘടിപ്പിക്കുകയും ചെയ്​തശേഷം പുരസ്കാര ജേതാക്കളെ അപമാനിക്കുന്ന തരത്തിൽ പ്രവർത്തിച്ചത് മര്യാദകേടാണെന്നും അദ്ദേഹം സമൂഹമാധ്യമത്തിൽ കുറിച്ചു.


കോവിഡ് പ്രോട്ടോകോൾ ആണ് വിഷയം എങ്കിൽ അവാർഡുകൾ തപാലിൽ അയച്ചു കൊടുക്കാൻ സാഹചര്യം ഉണ്ടായിരുന്നല്ലോ എന്നും അ​ദ്ദേഹം ചോദിച്ചു. അവാർഡ് ജേതാക്കൾ വന്ന് മേശപ്പുറത്തെ അവാർഡ് എടുത്തുകൊണ്ടുപോകുന്ന ബഫെ അവാർഡ് രീതി ഈ മാസം നടന്ന ടെലിവിഷൻ അവാർഡ്ദാനച്ചടങ്ങിൽ ഇല്ലായിരുന്നു. സർക്കാറിന്‍റെ തന്നെ അനവധി പരിപാടികൾ പരിശോധിച്ചു നോക്കിയാൽ ഇപ്പോൾ കാണിച്ചത് വെറും ഷോ മാത്രമാണെന്ന് മനസിലാകും.

ഒരു ഗ്ലൗസും സാനിറ്റൈസറും മാസ്ക്കും ഉപയോഗിച്ചാൽ തീരാവുന്ന ഒരു പ്രശ്നത്തിന് കലാകാരന്മാരെ മുഴുവൻ അപമാനിക്കുന്ന നടപടി ഒഴിവാക്കേണ്ടതായിരുന്നെന്നും അദ്ദേഹം കുറിച്ചു.

Show Full Article
TAGS:ramesh chennithala Pinarayi Vijayan state film award 
Next Story