സംസ്ഥാനത്ത് 97 പേർക്ക്​​ കോവിഡ്​; 89 പേർക്ക്​ രോഗമുക്​തി

തിരുവനന്തപുരം: കേരളത്തിൽ വ്യാഴാഴ്ച 97​ പേർക്ക്​ കോവിഡ്​ 19 സ്ഥിരീകരിച്ചു. 89 പേർക്ക്​ രോഗം ഭേദമായി. രോഗം ബാധിച്ചവരിൽ 65 പേർ വിദേശരാജ്യങ്ങളിൽ നിന്നും 29 പേർ മറ്റ്​ സംസ്ഥാനങ്ങളിൽ നിന്നും എത്തിയവരാണ്​. മൂന്ന്​ പേർക്ക്​ സമ്പർക്കം മൂലവും രോഗം ബാധിച്ചതായി കോവിഡ്​ അവലോകന യോഗത്തിന്​ ശേഷം മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു.

തിരുവനന്തപുരം-5, കൊല്ലം-13, പത്തനംതിട്ട-11, ആലപ്പുഴ-9, കോട്ടയം-11, ഇടുക്കി-6, എറണാകുളം-6, തൃശൂർ-6, പാലക്കാട്-14, മലപ്പുറം 4, കോഴിക്കോട്​ 5, കണ്ണൂർ 4, കാസർകോട്​ 3 എന്നിങ്ങനെയാണ്​ രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്​. തിരുവനന്തപുരം-9,കൊല്ലം-8, പത്തനംതിട്ട-3, ആലപ്പുഴ-10, കോട്ടയം-2,  എറണാകുളം-4, തൃശൂർ-22, പാലക്കാട്-11, മലപ്പുറം-2, കോഴിക്കോട്​-1, വയനാട്​-2, കണ്ണൂർ-4, കാസർകോട്​-11 എന്നിങ്ങനെയാണ്​ രോഗം ഭേദമായവരുടെ ജില്ല തിരിച്ചുള്ള കണക്ക്​.

ഇതുവരെ രോഗം ബാധിച്ചവരുടെ എണ്ണം 2,794 ആയി. ‌1,358 പേര്‍ ചികിൽസയിലുണ്ട്. 12,6839 പേരാണ് നീരീക്ഷണത്തിലുള്ളത്​. ഇതിൽ 1,967 പേർ ആശുപത്രികളിലാണ്​ നിരീക്ഷണത്തിലുള്ളത്​. ഇന്ന്​ 190 പേരെ ആശുപത്രിയിൽ പ്രവേശിപ്പിച്ചു.

​ക്വാറൻറീൻ ലംഘിച്ച 16 പേർക്കെതിരെ ഇന്ന്​ കേസെടുത്തു. മാസ്​ക്​ ധരിക്കാത്തതിന്​ 3,484 പേർക്കെതിരെയും കേസെടുത്തിട്ടുണ്ട്​. ക​േമ്പാളങ്ങളിലും റോഡുകളിലും തിരക്കേറുകയാണ്​. ഇവിടങ്ങളിൽ സാനിറ്റൈസറി​േൻറയും സോപ്പി​േൻറയും ഉപയോഗം കുറയുകയാണ്​. ഇതിനെതിരെ നടപടിയുണ്ടാകും.

കോവിഡ്​ സ്ഥിരീകരിച്ച രോഗിയുള്ള വീടും സമീപ വീടുകളും ചേർത്ത്​ മൈക്രോ കണ്ടെയ്​ൻമ​​െൻറ്​ സോണാക്കും. ഇവിടെ കർശന നിയന്ത്രണം ഏർപ്പെടുത്തും. ജി​ല്ലാ പൊലീസ്​ മേധാവിക്കും അസിസ്​റ്റൻറ്​ കമ്മീഷണർക്കുമായിരിക്കും ഇവിടെ സുരക്ഷാ ചുമതല.