മാധ്യമം-മീഡിയവൺ മിഷൻ വിങ്​സ്​ ഓഫ്​ കംപാഷൻ കാമ്പയി​െന അഭിനന്ദിച്ച്​ മുഖ്യമന്ത്രി

തിരുവനന്തപുരം: വിദേശത്ത്​ നിന്ന്​ നാട്ടിലേക്കെത്താൻ  ആഗ്രഹിക്കുന്നവരിൽ സാമ്പത്തിക പ്രയാസം അനുഭവിക്കുന്നവർക്ക്​ വിമാനടിക്കറ്റ്​ നൽകാൻ ഗൾഫ്​ മാധ്യമവും മീഡിയവണും ചേർന്നൊരുക്കുന്ന മിഷൻ വിങ്​സ്​ ഓഫ്​ കംപാഷനെ ​മുഖ്യമന്ത്രി പിണറായി വിജയൻ അഭിനന്ദിച്ചു. ബുദ്ധിമുട്ടനുഭവിക്കുന്ന 600പേർക്ക്​ വിമാനടിക്കറ്റ്​ നൽകുന്ന പ്രവൃത്തി ശ്ലാഖനീയമാണെന്നും മുഖ്യമ​ന്ത്രി വാർത്ത സമ്മേളനത്തിൽ അറിയിച്ചു. 

പ്ര​തി​സ​ന്ധി​യു​ടെ ഘ​ട്ട​ത്തി​ൽ ഒ​രാ​ളെ​യും ഒ​റ്റ​പ്പെ​ടു​ത്തി​ല്ലെ​ന്ന്​ ഉ​റ​പ്പാ​ക്കാ​നായുള്ള ഗ​ൾ​ഫ്​ മാ​ധ്യ​മം-​മീ​ഡി​യ​വ​ൺ ദൗ​ത്യ​മാ​യ മി​ഷ​ൻ വി​ങ്​​സ്​ ഒാ​ഫ്​ കം​പാ​ഷ​നു​മാ​യി നിരവധി വ്യവസായ പ്രമുഖർ  കൈ​കോ​ർ​ത്തിരുന്നു.

നേരത്തേ ഡോക്ടര്‍മാര്‍,നഴ്സുമാര്‍, മറ്റ് ജീവനക്കാര്‍ തുടങ്ങിയവര്‍ക്കായി മാധ്യമം ഹെല്‍ത്ത് കെയര്‍ പ്രോഗ്രാമിലൂടെ പി.പി.ഇ കിറ്റുകള്‍ വിതരണം ചെയതതിനെയും മുഖ്യമന്ത്രി പ്രശംസിച്ചിരുന്നു.