വേലി തന്നെ വിളവ്​ തിന്നുന്നു;  പൊലീസിനെതിരെ​ മുഖ്യമന്ത്രി

തി​രു​വ​ന​ന്ത​പു​രം: പൊ​ലീ​സ്​ ന​ട​പ​ടി​ക​ളെ രൂ​ക്ഷ​മാ​യി വി​മ​ർ​ശി​ച്ച്​ മു​ഖ്യ​മ​ന്ത്രി. വേ​ലി ത​ന്നെ വി​ള​വ്​ തി​ന്നു​ന്ന സ​മീ​പ​നം ശ​രി​യ​ല്ലെ​ന്നും മൂ​ന്നാം​മു​റ ഇ​ല്ലാ​താ​ക്കി സേ​ന​യെ പു​നഃ​സം​ഘ​ടി​പ്പി​ക്കു​ക​യാ​ണ്​ സ​ർ​ക്കാ​ർ  ന​യ​മെ​ന്നും പി​ണ​റാ​യി വി​ജ​യ​ന്‍ പറഞ്ഞു. പൊ​ലീ​സ്​ കം​പ്ല​യി​ൻ​റ്​  അ​തോ​റി​റ്റി സം​ഘ​ടി​പ്പി​ച്ച ‘മ​നു​ഷ്യാ​വ​കാ​ശ​ങ്ങ​ളും പൊ​ലീ​സും: സ​മീ​പ​കാ​ല പ്ര​വ​ണ​ത​ക​ൾ’ ദേ​ശീ​യ സെ​മി​നാ​ർ  ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അദ്ദേഹം.  

നി​യ​മം ന​ട​പ്പാ​ക്കാൻ പൊ​ലീ​സി​ന് പൗ​ര​ന്മാ​രെ നി​യ​ന്ത്ര​ിക്കേണ്ടി​ വ​രും. അ​തി​ന​പ്പു​റം അ​മി​താ​ധി​കാ​ര പ്ര​യോ​ഗം, അ​ന്യാ​യ ത​ട​ങ്ക​ൽ, അ​ഴി​മ​തി, മൂ​ന്നാം​മു​റ തു​ട​ങ്ങി​യ പ​രാ​തി​ക​ളി​ൽ ദാ​ക്ഷി​ണ്യ​വു​മു​ണ്ടാ​കി​ല്ല. മ​തേ​ത​ര​ ജ​നാ​ധി​പ​ത്യ​മൂ​ല്യ​ങ്ങ​ളി​ൽ​നി​ന്ന്​ നാം പി​ന്നാ​ക്കം പോ​വു​ക​യാ​ണോ എ​ന്ന് സ​മ​കാ​ലീ​ന പ്ര​വ​ണ​ത​ക​ൾ സം​ശ​യിപ്പി​ക്കു​ന്നു.

എ​ഴു​ത്തു​കാ​ർ ഇ​വി​ടം വി​ട​ണ​മെ​ന്നും എ​ഴു​ത്ത് അ​വ​സാ​നി​പ്പി​ക്ക​ണ​മെ​ന്നും കൃ​തി​ക​ൾ പി​ൻ​വ​ലി​ക്ക​ണ​മെ​ന്നു​മു​ള്ള ആ​വ​ശ്യം അ​പ​മാ​ന​മാ​ണ്​. സ​ർ​ക്കാ​റും പൊ​ലീ​സും ഇ​തി​നെ​തി​രെ ന​ട​പ​ടി​യെ​ടു​ക്കും. സ​മൂ​ഹ​മാ​കെ ഇ​തി​നെ​തി​രെ ഒ​ന്നി​ക്ക​ണം. മനുഷ്യാവകാശ സംരക്ഷകരാകേണ്ടത് പൊലീസാണ്. എന്നാല്‍, െപാലീസും മറ്റ്​ സുരക്ഷ ഏജന്‍സികളും നടത്തുന്ന മനുഷ്യാവകാശ ലംഘന പരാതി ഉയര്‍ന്നുവരാറുണ്ട്.

പൊ​ലീ​സ്​ കം​പ്ല​യി​ൻ​റ്​ അ​തോ​റി​റ്റി, മ​നു​ഷ്യാ​വ​കാ​ശ ക​മീ​ഷ​ൻ തു​ട​ങ്ങി​യവയുടെ പ​രി​മി​തി നീ​ക്കാൻ സ​ഹാ​യം ന​ൽ​കും. സെ​ൻ​സേ​ഷ​ണ​ലി​സ​ത്തി​ൽ വീ​ണു​പോ​കാ​തെ​ പ്ര​വ​ർ​ത്ത​ിക്കണമെ​ന്നും അ​ദ്ദേ​ഹം പ​റ​ഞ്ഞു. പൊലീസ്​ കംപ്ലയിൻറ്​ അതോറിറ്റി ചെയർമാൻ ജസ്​റ്റിസ്​ വി.കെ. മോഹനൻ അധ്യക്ഷതവഹിച്ചു. സമാപന സെഷനിൽ പ്രതിപക്ഷനേതാവ് രമേശ് ചെന്നിത്തല മുഖ്യപ്രഭാഷണം നടത്തി.