എതിരഭിപ്രായത്തെ വാഴ്ത്തുന്നവരെ തുറന്നു കാട്ടണം -പിണറായി

തിരുവനന്തപുരം: ശശി തരൂർ എം.പിയുടെ മോദി അനുകൂല പരാമർശം വിവാദമായതിന് പിന്നാലെ പരോക്ഷ വിമർശനവുമായി മുഖ്യമന്ത്ര ി പിണറായി വിജയൻ. അസഹിഷ്ണുതക്കിടയിലും പ്രതിപക്ഷത്തെ പ്രമുഖർ ഭരണപക്ഷത്തെ ന്യായീകരിക്കുന്നുവെന്ന് മുഖ്യമന്ത്രി പറഞ്ഞു. ഇത് ജനാധിപത്യത്തിന് ആപത്താണെന്നും പിണറായി ചൂണ്ടിക്കാട്ടി.

സ്വന്തം അഭിപ്രായം സൗകര്യപൂർവം മറച്ച് വെക്കുകയാണ്. എന്നാൽ, എതിർ അഭിപ്രായങ്ങളെ വാഴ്ത്തുന്നു. എതിരഭിപ്രായത്തെ വാഴ്ത്തുന്നവരുടെ അവസരവാദത്തെ തുറന്ന് കാട്ടണമെന്നും പിണറായി ആവശ്യപ്പെട്ടു.