ലോക്സഭ തെരഞ്ഞെടുപ്പിൽ ബി.ജെ.പിയെ പരാജയപ്പെടുത്തും -പിണറായി

ന്യൂഡൽഹി: ലോക്സഭ തെരഞ്ഞെടുപ്പിൽ ബി.ജെ.പിയെ പരാജയപ്പെടുത്തുകയാണ് ലക്ഷ്യമെന്ന് മുഖ്യമന്ത്രി പിണറായി വിജയൻ. കേ രളത്തിലെ ന്യൂനപക്ഷങ്ങൾ സി.പി.എമ്മിനൊപ്പമാണ്. ബി.ജെ.പിയെ നേരിടാൻ ഇടതുപക്ഷത്തിനെ കഴിയൂവെന്ന് ന്യൂനപക്ഷങ്ങൾക്ക് അറിയാമെന്നും പിണറായി പറഞ്ഞു.

മതേതര പാർട്ടി എന്നാണ് കോൺഗ്രസ് അവകാശപ്പെടുന്നത് . എന്നാൽ, സംഘ്പരിവാർ നിലപാടുകൾ അവർ പിന്തുടരുന്നു. സി.പി.എമ്മിനെതിരെ ഹിന്ദു ധ്രുവീകരണം ഇല്ലെന്നും പിണറായി വ്യക്തമാക്കി.

ശബരിമല വിഷയത്തിൽ കോൺഗ്രസ് ആർ.എസ്.എസിനെ പിന്തുടരുന്നു. ഇത് വലിയ പരാജയമാണെന്നും ദേശീയ മാധ്യമത്തിന് നൽകിയ അഭിമുഖത്തിൽ പിണറായി വ്യക്തമാക്കി.