Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഎംബസി വഴി...

എംബസി വഴി സ്വർണ്ണക്കടത്ത്​; ഇടപെടണമെന്നാവശ്യപ്പെട്ട്​  പ്രധാനമന്ത്രിക്ക്​ മുഖ്യമന്ത്രിയുടെ കത്ത്​

text_fields
bookmark_border
എംബസി വഴി സ്വർണ്ണക്കടത്ത്​; ഇടപെടണമെന്നാവശ്യപ്പെട്ട്​  പ്രധാനമന്ത്രിക്ക്​ മുഖ്യമന്ത്രിയുടെ കത്ത്​
cancel

യു.എ.ഇ എംബസിവഴി വൻതോതിൽ സ്വർണ്ണം കടത്തിയ സംഭവത്തിൽ അടിയന്തിരമായി ഇടപെടണമെന്നാവശ്യ​െപ്പട്ട് മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക്​ കത്തുനൽകി. കേസിൽ ഫലപ്രദമായ അന്വേഷണം നടത്താൻ അടിയന്തര ഇടപെടൽ വേണമെന്ന് പ്രധാനമന്ത്രിയോട്​ കത്തിൽ ആവശ്യപ്പെട്ടു.

നയതന്ത്ര ബാഗേജിൽ ഒളിപ്പിച്ച് സ്വർണം കടത്തിയത്​ അത്യധികം ഗൗരവമുള്ള കാര്യമാണ്. ഗുരുതര പ്രത്യാഘാതമുണ്ടാക്കുന്നതും രാജ്യത്തി​​​െൻറ സമ്പദ് വ്യവസ്ഥയെത്തന്നെ ബാധിക്കുന്നതുമാണ് ഈ സംഭവം. കേന്ദ്ര ഏജൻസികളുടെ ഏകോപിച്ചുള്ള അന്വേഷണമാണ് നടക്കേണ്ടത്​. അന്വേഷണ ഏജൻസികൾക്ക് ആവശ്യമായ എല്ലാ പിന്തുണയും സംസ്ഥാന സർക്കാർ നൽകും.കുറ്റകൃത്യത്തിൽ ഉൾപ്പെട്ട എല്ലാ കണ്ണികളെയും പുറത്തുകൊണ്ടുവരണമെന്നും കത്തിൽ ആവശ്യ​െപ്പട്ടിട്ടുണ്ട്​. സമൂഹമാധ്യമങ്ങളിലും​ കത്തയച്ച വിവരം മുഖ്യമന്ത്രി പങ്കുവച്ചിട്ടുണ്ട്​.

 

മുഖ്യമന്ത്രിയുടെ പോസ്​റ്റി​​​െൻറപൂർണ്ണരൂപം

തിരുവനന്തപുരം അന്താരാഷ്ട്ര വിമാനത്താവളത്തിൽ സ്വർണക്കടത്ത് കസ്റ്റംസ് പിടിച്ച കേസിൽ ഫലപ്രദമായ അന്വേഷണം നടത്താൻ അടിയന്തര ഇടപെടൽ വേണമെന്ന് പ്രധാനമന്ത്രി നരേന്ദ്രമോദിക്ക് അയച്ച കത്തിൽ ആവശ്യപ്പെട്ടു. നയതന്ത്ര ബാഗേജിൽ ഒളിപ്പിച്ച് വലിയ അളവിൽ സ്വർണം കള്ളക്കടത്ത് നടത്താനുണ്ടായ ശ്രമം അത്യധികം ഗൗരവമുള്ളതാണ്. കുറ്റകൃത്യം കസ്റ്റംസ് അന്വേഷിക്കുന്നതായാണ് മനസ്സിലാക്കുന്നത്.

ഗുരുതര പ്രത്യാഘാതമുണ്ടാക്കുന്നതും രാജ്യത്തിന്റെ സമ്പദ് വ്യവസ്ഥയെത്തന്നെ ബാധിക്കുന്നതുമാണ് ഈ സംഭവം. വിവിധ മാനങ്ങളിലുള്ള അന്വേഷണം ആവശ്യപ്പെടുന്നതാണ് ഈ കേസ്. ബന്ധപ്പെട്ട എല്ലാ കേന്ദ്ര ഏജൻസികളെയും ഏകോപിപ്പിച്ച് ഫലപ്രദമായ അന്വേഷണമാണ് നടക്കേണ്ടത്.

കള്ളക്കടത്തിന്റെ ഉറവിടം മുതൽ എത്തിച്ചേരുന്നിടം വരെ ഏതെന്ന് വെളിപ്പെടുന്നതും എല്ലാ വിഷയങ്ങളും പരിശോധിക്കുന്നതുമാകണം അന്വേഷണം. ഇത്തരമൊന്ന് ആവർത്തിക്കാത്ത വിധം ഈ കുറ്റകൃത്യത്തി​​​െൻറ എല്ലാ കണ്ണികളെയും പുറത്തുകൊണ്ടുവരണം. അന്വേഷണ ഏജൻസികൾക്ക് ആവശ്യമായ എല്ലാ സഹായവും പിന്തുണയും സംസ്ഥാന സർക്കാർ നൽകുമെന്നും കത്തിൽ വ്യക്തമാക്കി. കേന്ദ്ര ധനമന്ത്രി നിർമല സീതാരാമന് അയച്ച കത്തിലും ഇതേകാര്യങ്ങൾ വ്യക്തമാക്കിയിട്ടുണ്ട്.

Show Full Article
TAGS:pinarayivijayan letter primeminister kerala news 
News Summary - pinarayi vijayan letter
Next Story