കോൺഗ്രസുമായി തെരഞ്ഞടുപ്പ് കൂട്ടുകെട്ടില്ല: മുഖ്യമന്ത്രി

കൊല്ലം: കോൺഗ്രസുമായി തെരഞ്ഞെടുപ്പിൽ കൂട്ടുചേരാനാവി​െല്ലന്നത്​​ സി.പി.എമ്മി​​​െൻറ പ്രഖ്യാപിത നിലപാടാണെന്ന്​ മുഖ്യമന്ത്രി പിണറായി വിജയൻ. ​സി.പി.എം കൊല്ലം ജില്ല സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം. തെരഞ്ഞെടുപ്പ്​ കൂട്ടുകെട്ട്​ ശരിയായ നയങ്ങളുടെ അടിസ്​ഥാനത്തിലുള്ള ബദൽ സന്നദ്ധതയുള്ളവരുമായാണ്​ വേണ്ടത്​. മൻമോഹൻ സർക്കാർ നടപ്പാക്കിയത്​ ആഗോളവത്​കരണ, നവ ഉദാരവത്​കരണ നയങ്ങളാണ്​. ബി.ജെ.പി സർക്കാർ അത്​ ഒന്നുകൂടി കടുപ്പിച്ച്​ നടപ്പാക്കുകയാണ്​. തെരഞ്ഞെടുപ്പ്​ കൂട്ടുകെട്ട്​ ഉണ്ടാക്കു​േമ്പാൾ അതിൽ വരുന്നവരുടെ നയം പ്രശ്​നമാണ്​. അതുകൊണ്ടാണ്​ ഇടതുപക്ഷ മുന്നണി ശക്​തിപ്പെടുത്തണമെന്ന് 21ാം പാർട്ടി കോൺഗ്രസ്​ വ്യക്​തമാക്കിയത്​.

അതാണ്​ പാർട്ടിയുടെ പ്രഖ്യാപിത നിലപാട്​. നവ ഉദാരവത്​കരണ നയത്തി​​​െൻറ ആൾക്കാരെ കൂട്ടുപിടിച്ച്​ ആ നയം തകർക്കാൻ കഴിയി​ല്ല. അതുകൊണ്ടാണ്​ കോൺഗ്രസിനെ കൂട്ടുപിടിച്ച്​ തെരഞ്ഞെടുപ്പ്​ സഖ്യം എന്നൊന്നി​െല്ലന്ന്​ നേരത്തെ തന്നെ പാർട്ടി വ്യക്​തമാക്കിയത്​. അവി​െട തന്നെയാണ്​ പാർട്ടി ഇപ്പോഴും നിൽക്കുന്നതെന്നും അദ്ദേഹം പറഞ്ഞു. ആഗോളവത്​കരണ നയങ്ങളുടെ ഭാഗമായാണ്​ ജി.എസ്​.ടി നടപ്പാക്കിയത്​. കേരളത്തിന്​ ഉപഭോക്​തൃ സംസ്​ഥാനം എന്ന ഗുണം ലഭിക്കുമെന്നായിരുന്നു തുടക്കത്തിലെ പ്രതീക്ഷ. നടപ്പായിവന്നപ്പോൾ പഴയ വരുമാനംപോലും സംസ്​ഥാനത്തിന്​ ഇല്ലാത്ത സ്​ഥിതിയാണ്​​. പാർലമ​​െൻററി സ​മ്പ്രദായത്തെ ഉപേക്ഷിക്കുന്നിടത്തേക്കാണ്​ ഇപ്പോൾ ചർച്ചപോകുന്നത്​. ന്യൂനപക്ഷങ്ങൾക്കെതിരെ രാജ്യത്ത്​ ശക്​തമായ പ്രചാരണവേല നടക്കുകയാണ്​. നാനാത്വത്തിൽ ഏകത്വത്തിലൂന്നിയ ദേശീയത തകർക്കപ്പെടുന്നു.

മോദി ഭരണത്തിൽ പാർലമ​​െൻററി ജനാധിപത്യം, മതനിരപേക്ഷത എന്നിവയെല്ലാം വെല്ലുവിളി നേരിടുന്നു. ആർ.എസ്​.എസ്​ അജണ്ടയാണ്​ രാജ്യത്ത്​ നടപ്പാക്കുന്നത്​. ദലിതർ രാജ്യത്തെല്ലായിടത്തും അക്രമങ്ങൾക്കിരയാകുന്നു. രാജ്യത്തി​​​െൻറ ബഹുസ്വരതയും തകർത്തെറിയപ്പെടുന്നു​. ഇതിനെതിരെ ബദൽ നയം ഉയർത്തുന്നവരോട്​ തികഞ്ഞ അസഹിഷ്​ണുതയാണ്​ ആർ.എസ്​.എസ്​ പുലർത്തുന്നത്​. അതാണ്​ സി.പി.എം ജനറൽ സെക്രട്ടറി മുതൽ താഴെ തട്ടിലുള്ള പ്രവർത്തകൻ വരെ ആക്രമിക്കപ്പെടുന്നതി​​​െൻറ പിന്നിലുള്ളത്​. ആഗോളവത്​കരണത്തിനെതിരായ ബദൽ ഉയർത്താനാണ്​​ സംസ്​ഥാന സർക്കാർ ശ്രമമെന്നും പിണറായി പറഞ്ഞു.