സ്വകാര്യ നിക്ഷേപം ആകർഷിച്ച്​ മാത്രമല്ല വ്യാവസായിക വികസനം -മുഖ്യമന്ത്രി

കൊച്ചി: ബി.പി.സി.എൽ വിൽപ്പനയെ പരോക്ഷമായി വിമർശിച്ച്​ മുഖ്യമന്ത്രി പിണറായി വിജയൻ. സ്വകാര്യ നിക്ഷേപം ആകർഷിച്ച്​ മാത്രമല്ല വ്യവസായിക വികസനമെന്ന്​ അദ്ദേഹം പറഞ്ഞു.

വികസന പദ്ധതികളിൽ കേന്ദ്രവുമായി സഹകരിക്കാൻ സംസ്​ഥാനം തയാറാണെന്നും മുഖ്യമന്ത്രി പറഞ്ഞു. പ്രധാനമന്ത്രി നരേന്ദ്രമോദി പ​​ങ്കെടുക്കുന്ന ബി.പി.സി.എൽ പ്ലാൻറ്​ ഉദ്​ഘാടന ചടങ്ങിൽ സംസാരിക്കുകയായിരുന്നു അദ്ദേഹം.

കഴിഞ്ഞ നാലര വർഷമായി സംസ്​ഥാനത്ത്​ വ്യവസായ വളർച്ചയുണ്ടാക്കാനുള്ള ശ്രമങ്ങൾ സംസ്​ഥാന സർക്കാർ നടത്തി. സ്വകാര്യനിക്ഷേപം ആകർഷിച്ചുകൊണ്ട്​ മാത്രമല്ല, വ്യവസായ അഭിവൃദ്ധിയുണ്ടാക്കേണ്ടത്​. പൊതുമേഖലയെ ശാക്തീകരിച്ചും പരമ്പരാഗത മേഖലക​െള നവീകരിച്ചും അവ സാധ്യമാക്കണമെന്നും അദ്ദേഹം പറഞ്ഞു.

വേഗതയും സുരക്ഷിതത്വവുമുള്ള ഗതാഗത സൗകര്യങ്ങൾ ആധുനിക സമൂഹത്തിന്​ ഒഴിച്ചുകൂടാൻ കഴിയാത്തതാണ്​. ഇവ വ്യാവസായിക വളർച്ചക്ക്​ അടിത്തറയൊരുക്കും. കേരളത്തിൽ ഉൾനാടൻ ജലാശയങ്ങൾ ഗതാഗത യോഗ്യമാക്കുന്നത്​ ചെലവും മലിനീകരണവും കുറഞ്ഞ ഗതാഗത സൗകര്യത്തിന്​ വഴിയൊരുക്കുമെന്നും അ​േദ്ദഹം പറഞ്ഞു.