വീണ്ടും കടക്കു പുറത്ത്- മുഖ്യമന്ത്രിയുടെ പരിപാടിയിൽ നിന്ന് മാധ്യമപ്രവർത്തകരെ ഇറക്കിവിട്ടു

കാഞ്ഞങ്ങാട്​: എൽ.ഡി.എഫ്‌ സർക്കാർ രണ്ടാം വാർഷികത്തി​​​െൻറ ഭാഗമായി കാഞ്ഞങ്ങാട് മുഖ്യമന്ത്രി പിണറായി വിജയൻ പ​െങ്കടുത്ത പരിപാടിയിൽനിന്ന്  മാധ്യമപ്രവർത്തകരെ ഇറക്കിവിട്ടു.  ‘പ്രമുഖ പൗരന്മാരുമായി മുഖ്യമന്ത്രിയുടെ കൂടിക്കാഴ്​ച’  എന്ന പേരിൽ സംഘടിപ്പിച്ച പരിപാടിയിൽനിന്നാണ്​ മുഖ്യമന്ത്രിയുടെ നിർദേശപ്രകാരം  മാധ്യമപ്രവർത്തകരെ പുറത്താക്കിയത്. ശനിയാഴ്ച​ രാവിലെ 11.15ഒാടെയാണ്​ സംഭവം. സർക്കാറി​​െൻറ രണ്ടാംവാർഷികത്തി​​​െൻറ ഭാഗമായ പരിപാടിയെന്നാണ് അറിയിപ്പുണ്ടായിരുന്നതെങ്കിലും ജില്ല ഭരണകൂടത്തിനോ പബ്ലിക്​ റിലേഷൻസ്​ വകുപ്പ്​ ഉദ്യോഗസ്​ഥർക്കോ ഇതുസംബന്ധിച്ച്​ വ്യക്തമായ ധാരണയുണ്ടായിരുന്നില്ല.

മാധ്യമപ്രവർത്തകർക്ക്​  പ്രവേശനമുണ്ടാകില്ലെന്ന്​ മുൻകൂട്ടി അറിയിച്ചതുമില്ല. ദൃശ്യമാധ്യമപ്രവർത്തകർ ഉൾപ്പെടെയുള്ളവർ രാവിലെ തന്നെ സ്​ഥലത്തെത്തിയിരുന്നു. മുഖ്യമന്ത്രിയുടെ ആമുഖഭാഷണം കഴിഞ്ഞയുടനെ അദ്ദേഹത്തി​​​െൻറ നിർദേശപ്രകാരം സി.പി.എം ജില്ല സെക്രട്ടറി എം.വി. ബാലകൃഷ്ണനും ജില്ല കമ്മിറ്റി അംഗം വി.വി. രമേശനും വേദിയിൽനിന്ന് ഇറങ്ങി മാധ്യമപ്രവർത്തകരുടെ അടുത്തുവന്ന്​  ഹാളിൽനിന്ന് പുറത്തിറങ്ങണമെന്നാവശ്യപ്പെടുകയായിരുന്നു. ഇതിനുപിന്നാലെ മുഖ്യമന്ത്രിക്കുവേണ്ടി അധ്യക്ഷൻ മന്ത്രി ഇ. ചന്ദ്രശേഖര​ൻ മൈക്കിലൂടെ മാധ്യമങ്ങൾ പുറത്തുപോകണമെന്ന്​ അറിയിക്കുകയുംചെയ്​തു. കാരണമന്വേഷിച്ച മാധ്യമപ്രവർത്തകരെ നോക്കി മുഖ്യമന്ത്രി തന്നെ പുറത്തുപോകാൻ ആവശ്യപ്പെടുകയായിരുന്നു.  

ഹാളിനു പുറത്തിറങ്ങിയ മാധ്യമപ്രവർത്തകരെ ചില നേതാക്കൾ അനുനയിപ്പിക്കാൻ ശ്രമം നടത്തി. പരിപാടിക്കുശേഷം മുഖ്യമന്ത്രി മാധ്യമപ്രവർത്തകരോട്​ സംസാരിക്കുമെന്ന്​ പറഞ്ഞെങ്കിലും അതുണ്ടായില്ല. ഒരുമണിയോടെ പരിപാടി അവസാനിപ്പിച്ച്​ വേദിയിൽ നിന്നിറങ്ങിയ ഉടനെ കാറിൽ കയറി അദ്ദേഹം ​െറസ്​റ്റ്​ഹൗസിലേക്ക്​ പോയി. സി.പി.എം ജില്ല കമ്മിറ്റിയുടെ മേൽനോട്ടത്തിൽ സംഘടിപ്പിച്ച പരിപാടിയിൽ വ്യാപാര, വാണിജ്യ മേഖലകളിലെ പ്രമുഖർ, ഇടതുപക്ഷ അനുഭാവമുള്ള സംഘടന ഭാരവാഹികൾ, സാമുദായിക നേതാക്കൾ തുടങ്ങിയവരാണ്​ പ​െങ്കടുത്തത്​. പി. കരുണാകരൻ എം.പി, കെ. കുഞ്ഞിരാമൻ എം.എൽ.എ, സി.പി.​െഎ ജില്ല സെക്രട്ടറി ഗോവിന്ദൻ പള്ളിക്കാപ്പിൽ, നീലേശ്വരം നഗരസഭ ​െചയർമാൻ പ്രഫ. കെ.പി. ജയരാജൻ, കാഞ്ഞങ്ങാട്​ നഗരസഭ വൈസ്​ ചെയർപേഴ്​സൻ എൽ. സുലൈഖ എന്നിവരും വേദിയിലുണ്ടായിരുന്നു.