Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightയോ​ഗത്തിൽ വി. മുരളീധരൻ ...

യോ​ഗത്തിൽ വി. മുരളീധരൻ ഒന്നും മിണ്ടിയില്ല -മുഖ്യമന്ത്രി; സര്‍ക്കാര്‍ ഔദ്യോഗികമായി ക്ഷണിച്ചില്ല -കെ. സുരേന്ദ്രൻ

text_fields
bookmark_border
യോ​ഗത്തിൽ വി. മുരളീധരൻ ഒന്നും മിണ്ടിയില്ല -മുഖ്യമന്ത്രി; സര്‍ക്കാര്‍ ഔദ്യോഗികമായി ക്ഷണിച്ചില്ല -കെ. സുരേന്ദ്രൻ
cancel

തിരുവനന്തപുരം: കോവിഡ് പ്രതിരോധ നടപടികളെക്കുറിച്ച് ചർച്ച ചെയ്യാൻ സംസ്ഥാന സർക്കാർ വിളിച്ചുചേർത്ത യോ​ഗത്തിൽ കേന്ദ്രമന്ത്രി വി. മുരളീധരൻ മൗനം പാലിച്ചെന്ന് മുഖ്യമന്ത്രി പിണറായി വിജയൻ. വി. മുരളീധരൻ യോഗത്തിൽ പങ്കെടുത്തെങ്കിലും സംസാരിച്ചില്ല. 

മറ്റൊരു പരിപാടിയിൽ പങ്കെടുക്കേണ്ടതിനാൽ യോ​ഗം പൂർത്തിയാകും മുമ്പ് അദ്ദേഹം മടങ്ങി. യോ​ഗത്തിൽ ചർച്ച ചെയ്യുന്ന കാര്യങ്ങളെക്കുറിച്ച് കേന്ദ്രത്തി​െൻറ അഭിപ്രായം അറിയാമെന്നായിരുന്നു മുരളീധര​​െൻറ സാന്നിധ്യത്തിൽ തങ്ങൾ പ്രതീക്ഷിച്ചതെന്നും മുഖ്യമന്ത്രി പറഞ്ഞു.

അതേസമയം, എം.പിമാരുടെയും എം.എൽ.എമാരുടെയും യോഗത്തിലേക്ക് കേന്ദ്രമന്ത്രി വി. മുരളീധരനെ സംസ്ഥാന സര്‍ക്കാര്‍ ഔദ്യോഗികമായി നേരിട്ട് ക്ഷണിച്ചിട്ടില്ലെന്ന് ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രന്‍.  മുരളീധരന്‍ യോഗത്തില്‍ പങ്കെടുക്കണമെന്ന് സര്‍ക്കാറിന്​ ആത്മാര്‍ഥമായി ആഗ്രഹമുണ്ടായിരുന്നെങ്കില്‍ അദ്ദേഹത്തെ ഫോണിലെങ്കിലും വിളിച്ച് സാന്നിധ്യം ഉറപ്പാക്കണമായിരുന്നു. 

വാസ്തവം ഇതായിരിക്കെ മുഖ്യമന്ത്രി പിണറായി വിജയന്‍ വാര്‍ത്തസമ്മേളനത്തില്‍ പച്ചക്കള്ളമാണ് പറഞ്ഞതെന്ന് സുരേന്ദ്രന്‍ പ്രസ്താവനയില്‍ പറഞ്ഞു. കേന്ദ്ര റെയില്‍വേമന്ത്രി പിയൂഷ് ഗോയലിനെതിരായ മുഖ്യമന്ത്രിയുടെ പരാമര്‍ശം വസ്തുതകള്‍ക്ക് നിരക്കാത്തതാണെന്നും സുരേന്ദ്രന്‍ പറഞ്ഞു.
 

Show Full Article
TAGS:covid pinarayi vijayan v muraleedaran k surendran 
Next Story