പുഴുക്കുത്തുകൾക്ക് പൊലീസിൽ സ്ഥാനമില്ല -മുഖ്യമന്ത്രി

കേ​ള​കം (ക​ണ്ണൂ​ർ): കേ​ര​ള പൊ​ലീ​സി​ൽ പു​ഴു​ക്കു​ത്തു​ക​ൾ​ക്ക് സ്ഥാ​ന​മി​ല്ലെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​റ​ഞ്ഞു. സം​സ്ഥാ​ന​ത്തെ വി​വി​ധ പൊ​ലീ​സ് സ്റ്റേ​ഷ​ൻ കെ​ട്ടി​ട​ങ്ങ​ളു​ടെ​യും സ്റ്റേ​ഷ​നു​ക​ളി​ലെ അ​ടി​സ്ഥാ​ന സൗ​ക​ര്യ​ങ്ങ​ളു​ടെ​യും ഉ​ദ്ഘാ​ട​നം ക​ണ്ണൂ​ർ ജി​ല്ല​യി​ലെ കേ​ള​ക​ത്ത് നി​ർ​വ്വ​ഹി​ക്കു​ക​യാ​യി​രു​ന്നു മു​ഖ്യ​മ​ന്ത്രി. സാ​ങ്കേ​തി​ക​ത്വ​ത്തി​ൽ വ​ലി​യ ജ്ഞാ​ന​മു​ള്ള വി​ദ്യാ​സ​മ്പ​ന്ന​രാ​യ ആ​ളു​ക​ൾ പൊ​ലീ​സ് സേ​ന​യി​ലേ​ക്ക് കൂ​ടു​ത​ലാ​യി വ​രു​ന്ന​ത് വ​ലി​യ മാ​റ്റ​മാ​ണ് ഉ​ണ്ടാ​ക്കി​യ​ത്.

ക്ര​മ​സ​മാ​ധാ​ന പാ​ല​ന​ത്തി​ൽ രാ​ജ്യ​ത്തെ മി​ക​ച്ച സം​ഘ​മാ​കാ​ൻ കേ​ര​ള പൊ​ലീ​സി​നാ​യി. എ​ന്നാ​ൽ ഇ​ത്ത​രം മാ​തൃ​കാ​പ​ര​മാ​യ പ്ര​വ​ർ​ത്ത​ന​ത്തി​ന് വി​പ​രീ​ത​മാ​യി പ്ര​വ​ർ​ത്തി​ക്കു​ന്ന​വ​രെ​യും കാ​ണാ​നാ​യി. അ​ത്ത​ര​ക്കാ​രെ പു​റ​ത്താ​ക്കു​ന്ന സ​മീ​പ​ന​മാ​ണ് സ​ർ​ക്കാ​ർ സ്വീ​ക​രി​ച്ച​ത്. കു​റ്റ​ക്കാ​ർ​ക്ക് ജാ​തി​യു​ടെ​യോ മ​ത​ത്തി​ന്റെ​യോ പേ​രി​ൽ കേ​ര​ള പൊ​ലീ​സ് പ്ര​ത്യേ​ക പ​രി​ര​ക്ഷ ന​ൽ​കാ​ത്ത​താ​ണ് സം​സ്ഥാ​ന​ത്ത് വ​ർ​ഗീ​യ സം​ഘ​ർ​ഷ​ങ്ങ​ൾ ഇ​ല്ലാ​ത്ത​തി​ന്റെ പ്ര​ധാ​ന കാ​ര​ണ​മെ​ന്ന് മു​ഖ്യ​മ​ന്ത്രി പ​റ​ഞ്ഞു. വ​ർ​ഗീ​യ​ത​യോ​ട് വി​ട്ടു​വീ​ഴ്ച​യി​ല്ലാ​ത്ത നി​ല​പാ​ടാ​ണ് കേ​ര​ളം സ്വീ​ക​രി​ക്കു​ന്ന​ത്. പ്ര​ത്യേ​ക വി​ഭാ​ഗ​ക്കാ​രാ​യ​തു​കൊ​ണ്ട് കു​റ്റ​ക്കാ​ർ​ക്ക് കേ​ര​ള​ത്തി​ലെ പൊ​ലീ​സ് പ്ര​ത്യേ​ക പ​രി​ര​ക്ഷ ന​ൽ​കാ​റി​ല്ല.

സേ​ന​യി​ൽ വ​ലി​യ മാ​റ്റ​മാ​ണ് ഉ​ണ്ടാ​യ​ത്. കു​റ്റാ​ന്വേ​ഷ​ണ മി​ക​വ് വി​മ​ർ​ശ​ക​ർ​ക്ക് പോ​ലും അം​ഗീ​ക​രി​ക്കേ​ണ്ടി വ​രു​ന്നു. ഭ​യ​പ്പാ​ടോ​ടെ ക​ണ്ടി​രു​ന്ന സേ​ന​യെ ജ​ന​ങ്ങ​ൾ ഇ​പ്പോ​ൾ ആ​ശ്ര​യ​കേ​ന്ദ്ര​മാ​യി കാ​ണു​ന്നു. സം​സ്ഥാ​ന​ത്തെ സ്റ്റേ​ഷ​നു​ക​ൾ സ്ത്രീ ​സൗ​ഹൃ​ദ​വും ജ​ന​മൈ​ത്രി​യു​മാ​കു​ന്നു-​മു​ഖ്യ​മ​ന്ത്രി പ​റ​ഞ്ഞു.