Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപ്രതിപക്ഷ നേതാവിന്​...

പ്രതിപക്ഷ നേതാവിന്​ വ്യക്തത വരുത്താൻ താൻ അശക്തൻ -മുഖ്യമന്ത്രി 

text_fields
bookmark_border
പ്രതിപക്ഷ നേതാവിന്​ വ്യക്തത വരുത്താൻ താൻ അശക്തൻ -മുഖ്യമന്ത്രി 
cancel

തിരുവനന്തപുരം: പ്രതിപക്ഷനേതാവിന്​ വ്യക്തത വരുത്താൻ താൻ അശക്തനാണെന്നും ഒരുകാലത്തും വ്യക്തതയുണ്ടാകില്ലെന്ന്​ തീരുമാനിച്ച്​ മുന്നോട്ടുപോകുകയാണ്​ അദ്ദേഹമെന്നും മുഖ്യമന്ത്രി പിണറായി വിജയൻ. കേന്ദ്രവും സംസ്​ഥാനവും തമ്മിൽ ആശയവിനിമയമില്ലെന്നും ഇതിൽ വ്യക്തതയില്ലെന്നുമുള്ള പ്രതിപക്ഷനേതാവ്​ രമേശ്​ ചെന്നിത്തലയുടെ ആരോപണത്തോട്​ പ്രതികരിക്കുകയായിരുന്നു മുഖ്യമന്ത്രി. ഇവരുടെ ചോദ്യങ്ങൾക്ക്​ വ്യക്തത വരുത്താനല്ല താൻ ശ്രമിക്കുന്നത്​. നാട്ടിലെ കാര്യങ്ങളിൽ വ്യക്തത വരുത്താനാണ്​ ത​​െൻറ ശ്രമം​. 

പ്രതിപക്ഷത്തിന്​ തിരിച്ചടിയുണ്ടാകുന്നത്​ നോക്കി നടക്കുകയല്ല തങ്ങൾ. നാടിനു​വേണ്ടിയുള്ള കാര്യങ്ങളാണ്​ സർക്കാർ ചെയ്യുന്നത്​. അതിന്​ ഹൈകോടതി ഉൾപ്പെടെ നിയമസംവിധാനത്തി​​െൻറ അംഗീകാരം ലഭിക്കുന്നതായി മാത്രം കോടതി വിധികളെ കണ്ടാൽ മതി. പ്രവാസികളെ സംബന്ധിച്ച്​ മുഖ്യമന്ത്രിയെന്ന നിലക്ക്​ തനിക്ക്​ ലഭിച്ച വിവരങ്ങളുടെ അടിസ്​ഥാനത്തിലാണ്​ പറഞ്ഞതെന്ന്​ കേന്ദ്ര മന്ത്രി വി. മുരളീധര​​െൻറ ആരോപണത്തിന്​ മറുപടിയായി മുഖ്യമന്ത്രി പറഞ്ഞു. 

ദുരിതാശ്വാസനിധിയിലേക്ക്​ ​ലഭിക്കുന്ന പണം ധൂർത്തടിക്കാൻ അനുവദിക്കില്ലെന്ന പ്രതിപക്ഷനേതാവി​​െൻറ ആക്ഷേപത്തിനും മുഖ്യമന്ത്രി മറുപടി നൽകി. ഇത്തരം ആരോപണങ്ങൾക്കൊന്നും മറുപടി പറയാനല്ല താനിപ്പോൾ ഇരിക്കുന്നത്​. ഇത്തരം ആരോപണങ്ങളൊന്നും നാട്ടിൽ വില​േപ്പാവില്ലെന്ന്​ അത്​ പറയുന്നവർ മനസ്സിലാക്കിയാൽ നല്ലതെന്നും മുഖ്യമന്ത്രി കൂട്ടിച്ചേർത്തു. 

പൊലീസ്​ ഉദ്യോഗസ്​ഥരുടെ ആനുകൂല്യങ്ങൾ വെട്ടിക്കുറച്ചത്​ ത​​െൻറ ശ്രദ്ധയിൽപെട്ടിട്ടില്ല. അമേരിക്ക പോലുള്ള രാജ്യങ്ങളിൽനിന്നുള്ള മലയാളികൾ മറ്റ്​ രാജ്യങ്ങളിൽ ഇറങ്ങിയാൽ അവരെ നാട്ടിലെത്തിക്കാൻ എന്തുചെയ്യുമെന്ന്​ തനിക്ക്​ പറയാനാകില്ല, അക്കാര്യങ്ങളിൽ തീരുമാനമെടുക്കേണ്ടത്​ കേന്ദ്രസർക്കാറാണ്​. രാജ്യത്തി​​െൻറ വിവിധ ഭാഗങ്ങളിൽ കുടുങ്ങിക്കിടക്കുന്ന വിദ്യാർഥികളെ നാട്ടിൽ കൊണ്ടുവരാനുള്ള ശ്രമമാണ്​ നടത്തുന്നത്​. അതി​​െൻറ തുടക്കമാണ്​ ഡൽഹിയിലുള്ളവരുടെ കാര്യത്തിൽ ചെയ്യുന്നത്​.

അധ്യയനം ആരംഭിക്കൻ വിദ്യാഭ്യാസ സ്​ഥാപനങ്ങൾ നടപടികൾ ആരംഭിക്കേണ്ടതുണ്ട്​. അതിനുള്ള നടപടികൾ അവർ കൈക്കൊള്ളും. എന്നാൽ, ഇൗ വിദ്യാലയങ്ങളിലെ ജീവനക്കാർക്ക്​ കൃത്യമായി വേതനം നൽകണമെന്നാണ്​ സർക്കാർ നിലപാട്​. അധ്യയനം ആരംഭിക്കുന്നതിനുമുമ്പ്​ കുട്ടികൾക്ക്​ അച്ചടിച്ച പുസ്​തകം ലഭ്യമാക്കുന്നതിനുള്ള നടപടികൾ കൈക്കൊള്ളും. ഇതരസംസ്​ഥാനങ്ങളിലുള്ള മലയാളികളെ നാട്ടിലെത്തിക്കാൻ കെ.എസ്​.ആർ.ടി.സി സംവിധാനം ഉപയോഗിക്കുന്ന കാര്യം ഇപ്പോൾ ആലോചിച്ചിട്ടില്ല. ഒാരോ സംസ്​ഥാനങ്ങളിലുമുള്ളവരെ കൊണ്ടുവരാൻ കേരളം വിചാരിച്ചാൽ മാത്രം കഴിയില്ല. അതത്​ സംസ്​ഥാനങ്ങൾ കൂടി ഇതിന്​ മുൻകൈയെടുക്കണമെന്നും മുഖ്യമന്ത്രി കുട്ടിച്ചേർത്തു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ramesh chennithalakerala newsPinarayi VijayanPinarayi VijayanPinarayi VijayanPinarayi Vijayan
News Summary - pinarayi vijayan against chennithala
Next Story