Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസത്യപ്രതിജ്ഞ സെൻട്രൽ...

സത്യപ്രതിജ്ഞ സെൻട്രൽ സ്​റ്റേഡിയത്തിൽ തന്നെ, പരമാവധി 500പേരെന്ന്​ മുഖ്യമന്ത്രി

text_fields
bookmark_border
സത്യപ്രതിജ്ഞ സെൻട്രൽ സ്​റ്റേഡിയത്തിൽ തന്നെ, പരമാവധി 500പേരെന്ന്​ മുഖ്യമന്ത്രി
cancel

തിരുവനന്തപുരം: പുതുതായി തെരഞ്ഞെടുത്ത നിയമസഭ അംഗങ്ങളുടെയും മന്ത്രി സഭയുടെയും സത്യപ്രതിജ്ഞ തിരുവനന്തപുരം സെ​ൻട്രൽ സ്​റ്റേഡിയത്തിൽ ത​ന്നെ നടക്കുമെന്ന്​ മുഖ്യമന്ത്രി പിണറായി വിജയൻ അറിയിച്ചു. 50000ത്തിലേറെ പേർക്ക്​ ഇരിപ്പിടമുള്ള സ്​റ്റേഡിയത്തിൽ പരമാവധി 500ഓളം​ പേരാണ്​ പ​ങ്കെടുക്കുകയെന്ന്​ മുഖ്യമന്ത്രി കൂട്ടിച്ചേർത്തു.

''സത്യപ്രതിജ്ഞ ജനങ്ങളുടെ മധ്യത്തിൽ ആഘോഷത്തിമിർപ്പിലാണ്​ നടക്കേണ്ടത്​. അതാണ്​ ജനാധിപത്യത്തിലെ കീഴ്​വഴക്കം. പക്ഷേ നിർ​ഭാഗ്യവശാൽ കോവിഡ്​ മഹാമാരിയുടെ സാഹചര്യത്തിൽ ജനമധ്യത്തിൽ നടത്താനാകില്ല. അതുകൊണ്ടാണ്​ പരിമിതമായ തോതിൽ നടത്താൻ തീരുമാനിക്കുന്നത്​.

50000ത്തിലേറെ പേർക്ക്​ ഇരിപ്പിടമുള്ള സ്​റ്റേഡിയത്തിൽ പരമാവധി 500ഓളം പേർ പ​ങ്കെടുക്കും. കഴിഞ്ഞ സർക്കാർ 40000ത്തിലധികം പേരുടെ സാന്നിധ്യത്തിൽ നടത്തിയ പരിപാടിയാണ്​ പ്രത്യേക സാഹചര്യത്തിൽ ചുരുക്കുന്നത്​. 500 എന്നത്​ ഇത്തരം സാഹചര്യത്തിൽ വലിയ സംഖ്യയല്ല. 140 നിയമസഭ സാമാജികരും 20 എം.പിമാരുമുണ്ട്​. ലെജിസ്​​േലറ്റർ, എക്​സിക്യൂട്ടീവ്​, ജുഡീഷ്യറി എന്നിവയിൽ നിന്നുള്ളവരും പ​ങ്കെടുക്കും. ജനാധിപത്യത്തെ മാനിക്കുന്ന ഒരാൾക്കും ഇവ മൂന്നിനെയും അവഗണിക്കാനാവില്ല.

അനിവാര്യമായ ഉദ്യോഗസ്ഥരെയാണ്​ പരിഗണിക്കുന്നത്​. സത്യപ്രതിജ്ഞ ചെയ്യുന്നത്​ കാണാനും അറിയാനും ജനങ്ങൾക്ക്​ സഫലമാകുന്നത്​ മാധ്യമങ്ങളിലൂടെയാണ്​​. എങ്കിലും മാധ്യമപ്രവർത്തകരുടെ പങ്കാളിത്തം ക്രമീകരിക്കും. മൂന്നുകോടിയോളം ജനങ്ങളെ ​പ്രതിനിധീകരിക്കുന്ന ചടങ്ങിൽ ഇത്​ അധികമല്ല. മറ്റൊരു തരത്തിൽ വ്യാഖാനിക്കാതെ യഥാർഥ വസ്​തുത മനസ്സിലാക്കണം.

സ്​റ്റേഡിയം ആയതുകൊണ്ട്​ ജനസമുദ്രം എന്ന്​ കരുതേണ്ട. തുറസായ സ്ഥലമാണ്​ നല്ലതെന്ന്​ കരുതിയാണ്​ സ്​റ്റേഡിയം തെരഞ്ഞെടുത്തത്​​. വായുസഞ്ചാരവും ലഭിക്കും'' -മുഖ്യമന്ത്രി പറഞ്ഞു.

Show Full Article
TAGS:pinarayi vijayan oath taking ceremony LDF 
News Summary - pinarayi vijayan about oath taking ceremony
Next Story